YOBU 19:13 - Biblía Axweesantá Hhohho' ar Mungú 2004

¹³ Mungú hhaee'eé' gaa amór saáwí qaás, mulqer'eé' ar slahhaa' iga geexeér.

YOBU 19:13 Iomraidhean Croise

YOBU 16:20

Mulqer'eé' aníng i waaqaaqá', hhirhheerieé' naa ku'uutiyé' as Mungú nguwa fiririim.

YOBU 16:7

Looeemaá kilae Mungú iga slahh'eés, muk'eé' sleémeero gwa hhaamiís.

YOBU 42:11

Aluuwo Yobu hhaeewós awa daaqaay nee awa dasuuwo, nguri i daqayé' nee mulqeerose. Mukdá' aáng Yobu gu xuú' tari amór do'ós i daqáy, tari al/ayín, nguri gurkwa/amisiyé' as slahh'amudá' yaariír aa sláy oo AAKOÓ MUNGÚ aa dirós i huúw. Umuú heewo muqslidár peésa gana haniís nee mungoó wák oo sahaábuwo.

YOBU 6:15

Mulqer'eé' iga al/ák, adór duxér aa /oon.

YOBU 6:20

Kin buhhtamis as harahhifór tawo, tan hardah duxeedá' tari qa/iimiit.

WARA'AMI 31:11

Kudá' i baramaanuusá' ina gár niqaay tleehhiyé', dír inslaaway'eene tay gár dae tlaaq. Aníng a adór gár ta waki dír mulqer'eene, muu án bira ár baraá loohiro in gogoow.

WARA'AMI 31:12

Aníng taa gunqaareés adór heé aa qaroó kahhuut, aníng a adór xooslmoó aa gwaa'.

WARA'AMI 38:11

Mulqer'eé' nee mukdá' aníng i slaá', ta amór saáw i sihhiít qoomár slahh'amaayer'eene. Múk dooeé' sleeme tana amór saáw i sihhiít.

WARA'AMI 38:12

Mukdá' aníng i gaasár wa slaá', tsaaxwel kun qamín, kudá' aníng i gár tlaákw ar sla'á' ta qwaareesar'eé' axwees, nee tlaatla/angw sleémeero ta lohaá aldakuut awa adór tir dahhi.

WARA'AMI 41:9

Tam mulqumooeé' kudá' afhhamít, kudá' naa harahhiíf, kudá' nee aníng al/ayayimá', inós iga sakií/.

WARA'AMI 69:20

Aga diqay tsatiít asma niqaay, nari mune sií', gurtleemu una daamaraám ala i kaahh, nee múk i gurkwa/ás una damraaraám, ala tam heé naa hardah i kaahh.

WARA'AMI 69:8

Ana dahaaymo tleehhiít dír hhaee'eene, daa'awte'eé' i tsatsahhandaaká.

WARA'AMI 69:9

Sla'aarír do'ók i hamís baraaeene, tí slafingw'eé' gu ar ti'ít, nee niqaydá' kuúng tur niqimisi aníng iga sláy.

WARA'AMI 88:18

Kuúng aníng iga parátl dír mulqer'eene nee sla'aaruuser'eene, gár dáw a giwti kilós.

WARA'AMI 88:8

Iga parátl dír mulqer'eene, aníng aga adór gár dae tlaaq tleehhiít dir'ine, taa baraá dó' ii tseék, tam adór nir kotsqoot i káhh.

WA/AA/I 1:19

«Sla'aaruuser'eé' ana ateét ala aníng ina al/ayiyé', kaahamuuser'eé' nee bariiseero nina baraá gixsárí hhané', qoomár niwa muruú /aymár leelehhitiya' as tiwa tu/iya'.

WA/AA/I 1:2

Inós xweeraawo in /aa/amaamiín as slahh'amu, hhirhheeri nin gororoxeeliná' gawaá tlaaqarmaawo, baraá tla/ángw sla'aaruuseerós sleémeero oo gaa gurkwa/as i kaahh tumu wák. Inós kaa al/aáy nee mulqeerós sleémeero, inooín naa wakuuseerós tleehhitiyé'.

Matayo 26:56

Ala tí sleémeero in tleehharút as gooír aaruuse iwa bo/.» Eeharuuseerós sleémeero guri geexeér, iri góp.

2 Timoteo 4:16

Bál kwasleemar'eé' tidár geeraawo, qoomár aníng tiwa aleekal/aam heé bartaeé' ngaa ay i kaahh. Ala sleémeero ina geexayé'. Ala tlakweemaaká' mikiwa daandeemooín i harafaár.