YOBU 17:3 - Biblía Axweesantá Hhohho' ar Mungú 2004

³ Aá Mungú, na'amaamís, án daanda ooháng, ni tu/uút, heé hatlá' oo i daanda óh i kaahh.

YOBU 17:3 Iomraidhean Croise

IIMU/UUNGW 43:9

Aníng inós u sageesihhiít, garma dabaaeéní qaasang. Án barnaxes ngwa ki/isiiká amoorók i alé, nee ngway geeraawók i qaasiiká, daqaní aníng aga tlakweés dír geeraawoge deelo sleémeero.

IIMU/UUNGW 44:32

Asma aníng ana sihhiít daanduú garmaawí wa alé dír baabahe. Aníng ana oó', ‹Burngwa ki/isiiká amoorók i alé, daqaní lo'oorós a daanduueé' deelo sleémeero.›

YOBU 5:1

«Ateét gimáy, daxta áx heé ooiím i deéro? Baraá tla/ángw múk hhohhoe heé ta atet a gaalá?

YOBU 9:33

Ala heé tla/angwrén i dáh tam oo wák i kaahh, oo kwasleemár aníng nee Mungú ga tsaát.

WARA'AMI 119:122

Sagadiyusmoowók daanda ooheek, ma ya/aamaar múk daara/aám aníng iwa baramaanuusi.

AXWEESANOÓ SAGALOOA 11:15

Heé dugno gwa qaas daanduú dahaymoó wa ale naxooro ga xuxuu', ala heé muruuwí oo dugeeni qamiingw gu ahhiít ku amohhoó'.

AXWEESANOÓ SAGALOOA 17:18

Heé arhaánír qamiím daanduú heé wa alé i fuqurángw konká, tam kudá' aa sihhiit daanduú heé wa alé.

AXWEESANOÓ SAGALOOA 20:16

Heé dugno gwaa qaas daanduú dahaymoó wa ale tlawuuwós hayoheek, Heé dugno gwa qaas as heé xuaawásl arhánirós ooheek.

AXWEESANOÓ SAGALOOA 22:26

Ma deeruutaar baraá tla/ángw mukdá' dugeenaá qamiima; Mukdaádá' dugeenaá qamiím daanduú múk inaá koóm wa alé.

AXWEESANOÓ SAGALOOA 6:11

Aluuwo narakw uri adór malgusmoó wa haraadah, nee aleemawók uri haradahiyá' adór slaqwarusmoó wa ale.

ISAYA 38:14

«Aníng ana adór halee/amó wá inini'imamiít ana hununu'umamiít adór hhookír wá ale, ilaeé' niri maa/uumitiyé' as xumsír gawa, ana oó', ‹Aá AAKOÓ MUNGÚ, aníng a slahhaá' kuúng masók a slafingw'eé'.›

Ebrania 7:22

Gawaá adoorihe alqadoorí ka ló'wa hhoo' ta tidár aange, as adoodá' Yesu tawa lamabu'usmoowós.