YOBU 16:4 - Biblía Axweesantá Hhohho' ar Mungú 2004

⁴ Aníng geera bar kuungae, nee kuungá' bar aninge, muruú adór kusuú kilá' ni daanduueé' kata' aníng sleeme geera uqo aleesláw ooaro daandeemohúng i ale, nee sakw'eé' nguri dingiís.

YOBU 16:4 Iomraidhean Croise

2 WAAWITÁ 19:21

AAKOÓ MUNGÚ daanduú Senakeribuwo i kaahi, ‹Dasír Siyoni kuúng ugwa waaqá', nee ugwa ló'wa waniqís, nee dasír Yerusalemu kuúng ugwa aluú wa qoongo'ós,

YOBU 11:2

«I qoondaaká axweesanoó yaariír kwí kuwa tawo may, xáy, heé axweesanaay yaariír tin laqána tawa heé dakuús wásl.

YOBU 16:5

Geera nu alee/iís baraá axweesantahúng tisinge, axweesante'eé' ar gurkwa/asa geera kuungá' nu gurkwa/ás.

YOBU 35:16

Yobu afkós guna gweér Axweesani gan tawo kah ar sagawasle.»

YOBU 6:14

Heé hhiyaawós alee/iisaro gwaa sii' aqo adór heé Munguúdá' /uuruú koóm ilaiwa/ameero gwaa sii'.

WARA'AMI 109:25

Aga gár niqaay tleehhiít dír muko, bir taa ár, sager'ín kan mumukumiis ar waaqa'ama.

WARA'AMI 22:7

Kudá' aníng iga ariye' i waaqasesená' kángw kilá' wa ale, i niqimisiyá' iwa sagér i dingitimisiya'.

WARA'AMI 22:8

I kaahiya', «AAKO guna harahhiífiíke? Ala musungu gweeriiká, bar ku sla'atimis nee inós, musungu ba/amisiiká?»

WARA'AMI 44:14

Adór múk xoordu tiwa waaqaai ana tléhh. Inooín sager'ín ngin mumukumisiyá' as atén tiwa gaárí xuiiká.

AXWEESANOÓ SAGALOOA 10:19

Dír axweesanoó yaariír iwa deér tlakweema i kahhiaaká, ala heé afkós gwaa har'oh i daharuú kón.

DAHARUSMO 10:14

Daktani in tawo booró'. Tam hee gár aluúwaá tleehharuut ga xuiiká. Heé gu ádbáw kángw aluuwós wa tleehharuuta.

ISAYA 37:22

AAKOÓ MUNGÚ waawutmoodá' gun babay, ‹Gixsár Siyoni tidár dasír maa/i kuúng una waaqá' uri niqiín, Gixsár Yerusalemu tidár adór dasír hhoohhoo' sagós guna mumukumís aluuwók wa ale.

YEREMIA 18:16

Yaamuuín nga yaamaá dae tlaaqá' tleehhiyé', ki niqín daqisleém. Umuúqo heewo oo aa baraadár waaraahhi in waa/oo/, saga guri muumukuus.

YEREMIA 48:27

Múk Moabu kuungá' inslawiimé' adoodá' múk Israeli kura waaqasaseendé'. Tam inooín kaa al'ohinkahe dinkwa nee fisuuse, ala qoomár bar daandeemaín axwesá' an hara sagerhúng mumukuumisá'.

WA/AA/I 2:15

Muu sleémeero oo baraá loohiro waraáhh tsa/i gin muux as kuúng, tan niqimis nee sage ngin diingimisiyá' as múk Yerusalemu tawa kaahi, «Gixsarí a tidá' aáng tawa kaáhiíke, hhohhoaarto aa harwaaráhh tidá' yaamu sleémeero naa saqwalaala/iyé'?»

SEFANIA 2:15

Gaarí aqo tsuuwá gixsadáe, tidá' aa hot ar daara/aangw nee diihhooa, tidá' aa baraá muunaáwós i o', «Aníng an aníng, oo hatlá' i kaahh, aqo har aníng.» Ga/aawaak adór ira deewá', diirí tari dír makaay ni watliya'. Umuúqo heé waaraahha gan niqmis gari qoongo'oomiis.

Matayo 7:12

«Gawaá adoorihe umuúqo gaaro ar kuungá' ta sla'a' muu ni kuungií tleehhi, kuungá' adoodá' tleehhaak sleeme dir'ine. Asma hara'ayár Mose nee gooír aaruuse adoorí gan kát.»

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.

1 Korinto 12:26

Nee diqito'ór wák barnaxes aa slahhá', diqaay sleémeero aa slahhaá' dinkwa nee diqito'oodá'. Ala diqito'ór wák barnaxes kaa xirfayeés, diqaay sleémeero i qwalalaa/ dinkwa nee diqito'oodá'.