YOBU 16:20 - Biblía Axweesantá Hhohho' ar Mungú 2004

²⁰ Mulqer'eé' aníng i waaqaaqá', hhirhheerieé' naa ku'uutiyé' as Mungú nguwa fiririim.

YOBU 16:20 Iomraidhean Croise

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

YOBU 16:16

Gitse/aeé' naa daa/atuyé' as /aa/e, hhamhhamaá ilaaeé' niri bo/aa/ayé'.

YOBU 16:21

A tsiní geera hee bar aníng i aleekal/án dír geeraá Munguhe, adoodá' gawaá daanduú yaamuwo muu i /imamiisi.

YOBU 16:4

Aníng geera bar kuungae, nee kuungá' bar aninge, muruú adór kusuú kilá' ni daanduueé' kata' aníng sleeme geera uqo aleesláw ooaro daandeemohúng i ale, nee sakw'eé' nguri dingiís.

YOBU 16:7

Looeemaá kilae Mungú iga slahh'eés, muk'eé' sleémeero gwa hhaamiís.

YOBU 17:2

Looeemaá kilae múk aníng i niqiím iga harweér, niqay'ín i tsee/aá /awaak.

YOBU 17:7

Slahh'amuuwo ilaaeé' naa maa/utiyé', ana kanga/uút niri xwatsi tleehhiít.

YOBU 19:13

Mungú hhaee'eé' gaa amór saáwí qaás, mulqer'eé' ar slahhaa' iga geexeér.

YOBU 23:3

Dír inós nguwa slaw geeraawo bar xuú', Geeraawo an hardáh didaádá' iwa iwiiwiti.

WARA'AMI 109:4

Handá' aníng inooín ina mak slaá', ala ina sakwasleemuutiyé', tam adoorihe ina aleefiririím.

WARA'AMI 142:2

Aníng an dirósí qununuú/, slahh'amueé' sleémeero un dirósí oiím.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.