YOBU 15:30 - Biblía Axweesantá Hhohho' ar Mungú 2004

³⁰ Adór iwa pa/i gwa'araro i káhh, inós a adór xa'anoó harma/oorós tsángw asla aa kahaás, nee /ayoorós fur'a ganar tlatleér.

YOBU 15:30 Iomraidhean Croise

YOBU 15:22

Tlakusmo harahhifór ti'inángw baraá giwti ga konká, alhhe'eesaywo aqo kun gaas ar paánga.

YOBU 15:23

In toongaanuus amooqá' nee tiqae as muruú /ayma leelehhit, iwa kaahi, ‹Kár i amá?› Asma ga xuu' adór gwa'araaro iwa /uy iqo káhh.

YOBU 15:34

Kudá' sleémeero Mungú ngu da'ayuumita'aaká, na/ii ngi slay'aaká. Asla maraá múk slukmadaá /aa/aáy gi qororo'ós.

YOBU 18:16

Inós a adór xa'anoó dee/aruuwós aa kah, nee haleemiiwós sleeme gawto naa kahiyé'.

YOBU 18:18

Kwa hingeés baraá gwa/aateemaawo, kuri kwaáhh baraá giwti, kuna guús kway saweés gawaá daanduú yaamuwo.

YOBU 20:26

Muruuwós oo aa baáts kun hhaamiis, Mungú inós gun ásltí kwaahh guri /ak, inós nee múk do'ose giri hhaamís.

YOBU 22:20

Tari ooi, ‹Looeemawo wakuuseerén a hhaán, nee gár aa met kan nuquus nee asla.›

YOBU 31:12

Asma tlakweemaaká' aa asltá /ayiim ay baraá hhituru'uuma, nee slaasláwár dooeé' sleémeero kari hhaamiis as tlakweemaaká'.

YOBU 4:9

Mungú gin qwaarees ar hiinsluuwós, Mungú gin qororo'oos ar buhhtaawós.

YOBU 5:14

Inooín tlaatla/aango gár ni ara'ariya' a giwti, slám qoomár /ametleemuuwo tan dabár leelehhiit adór múk xweera.

ISAYA 11:4

Ala ar gan'amuuwo narkuute gan sakwasleemuut, inós kudá' tsaén awa yaamu gi kasi tsaat ar adór qoom, nee inós muu gu slaahh ar /aymuú afkós, tlakuuse gan tsuu/ ar hinsluú afkós.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

HOSEA 6:5

Gawaá adoorihe án kuungá' naa tlaáq ar afér aaruuse, nuna tsuú/ ar axweesantá afkueé', sakwasleemar'eé' i gaansliín adór gwa/aateema.

Matayo 22:13

Waawutmo lawaaleerós gari báy, ‹Heewí daba' nee ya'aawo tseegaak, tsee/aá i kwahhtá awaak baraá giwti, dír tawa /aa/amin nee sihhina' kiwa qirirtlimisi.›

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Matayo 8:12

Ala mukduú waawuti'iimarí kun kwaahh tsee/áy alé baraá giwti, an didá' tawa /aa/amin nee sihhina' kiwa qirirtlimiisi.»

2 Petro 2:17

Mukwí a adór kutloó aa /on, nee slám a adór huunkoó ta gusisin nee fur'a. Mungú hotangw'ín gwa amohhe'eés didár ma/amír wa ale.

Yuda 1:13

Inooín a adór gwaanduú tlawi, kudá' ila/aaro ta aleeslayká, mureewasler'ín ka geehhoo' adór sloorór gwaanduú baraá tlawi. Inooín a adór tsatse/uú tawó qwaqwadiím, kudá' dir'ín taa amohhe'eés baraá ma/ami ay alhhe'eesay wasle.

Geehhoeemaá 19:15

Nee paángár xaraasl i baraá afkós wa ti'imít, as inós múk xoordu nguwa darahhi ar paángadá'. Inós inooín gi sawaawuti'ín ar hhartá muqsli. Nee inós bohongwduú mamaá sabiíbu kiwa tsoo/iti gu kala/án, kuduú buhhtaá Munguú Aleesleemusmo.