YOBU 14:1 - Biblía Axweesantá Hhohho' ar Mungú 2004

¹ «Heé /ameeni aa laqwál, Deelór hotaawós ka ureeká, slám in hoot ar slahh'amu.

YOBU 14:1 Iomraidhean Croise

IIMU/UUNGW 3:17

Hhawaata guri báy, «Asma kuúng afór hareerók kawa iiárií qás, mamaá xa'anoodá' uwa báw ‹mi /ayaar› kiri /ák, yaamu kaa lu'ús as kuúng. Kuúng muruú /aymaarók un baraawós wa sleér ar slahh'amuú gadiyér ur baraá slafiingók sleémeero.

IIMU/UUNGW 47:9

Yakobo Farao guri báy, «Kureeraá naa hoót tawa adór aausmo a tsiiru nee mibeeri tám. Kureeriiká' ki niina, slám awa slahh'amaayér koomá'. Ala adór kureeraá taati'iieé' naa dahi'iimár hootiyé' ngaa ay'iiká.»

2 WAAWITÁ 4:19

Inós baabuúwós guri báy, «Baabá, sagw'eé' i tiiq, saga i gaas.» Baabuúwós sagadiyusmoó wák guri báy, «Huweek amór aayoorós i aleeró.»

YOBU 10:20

Ahaá deelór hotaaeé' ka niináwéke? Xaa na'ás, mawáng, gurkwa/asár niiná ngi sláw,

YOBU 15:14

Hee a gár milá tam kuwa gan'ámkwí harafaari, laqaá heé /ameeni aa laqwál iqo baloó gan'amuú kóna?

YOBU 25:4

Adór hee kur gana'amúwí harafaari nee Mungú? Heé /ameeni aa xwayluúr adór kur xaslxaansli wásl?

YOBU 25:5

Ga/aaweek, dír Munguhe tam gwa/aateemaá slahhaangw sleeme i bu'umiitiiaaká, tam tsatse/ sleeme ku ló'wa hhohhoeeká.

YOBU 5:7

Slahh'amu dír heé taa laqwaali a gár xu'utiit, aqo adór tsitór asla ir gáwtí /akumit.

YOBU 7:1

«Hee in hoot ar ditsakwa gawaá daanduú yaamuwo. Deelór hotaawós a adór deelór heé bu'utuú tlaatla/ángw wák.

YOBU 7:6

Deelór slafingw'eé' in waaráhh ar gaanslaay, nee aníng harahhifo tam ar niiná a koomaaká.

YOBU 8:9

Atén a múk lata'aáng, ma xuaán, slafingwrén baraakaá yaamuwo aqo mahhtuú waaraáhh.

YOBU 9:25

Deelór slafingw'eé' gaanslaay gun ar waaráhh heé ti'ii'iím ba/a, in gaanslár ti'ii'iín hhooeemaá ni araa'ar i kahhiyá'.

WARA'AMI 39:5

Ga/aaweek, deelor'eé' aga niinawés, slafingw'eé' a adór gaarooká geeraawoge. Umuúqo heewo a adór kahhaay.

WARA'AMI 39:6

Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

WARA'AMI 51:5

Qaytsiít, iimír aníng tiwa laqwaali a tlakusmo, a tlakusmo iimír baraá guruú aayír'eé' wa ale.

WARA'AMI 89:47

Inslaweek, hotaaeé' kuká' niina, kuúng atén tina tléhh as tawa qatlaan.

DAHARUSMO 2:17

Gawaá adoorihe aníng slafiingw nguri aáhh, asma umuú gaaro ar tleehharumiit baraá yaamuwo gurhaami ngi huwahúp, asma umuú gaaro a tawór huwisha, nee a adór heé fur'a gaa alta'aain.

DAHARUSMO 2:23

Asma slafiingós sleémeero gár iwa haáts a slahh'amaaye, nee gadiyeérós sleémeero a daawitame kilós, tam xweeraawo inslawaywós i hungu/uusiiká. Tí sleeme a tawór huwisha.

YEREMIA 20:18

Ahaá waáy, aayor'eé' gár isa laqwál? Xáy, tina xwaylúyi, as slahh'amu nee gurhaami ngiwa slaw? Nee niwa hoot ar hotaá mure?

Matayo 11:11

«Án a kah, baraá múk /ameena naa laqwali, heé úr oo Yohanedá' Baatimaamiís gu baá/ i kaahh. Ala kudá' niiná baraá waawuti'iimár dooriiwo kun úr dirose.