YOBU 12:6 - Biblía Axweesantá Hhohho' ar Mungú 2004

⁶ Hotaá malguuse i wayduú koná', múk Mungú buhhtimís i hoot ar saxareema, Munguúín an /uuruuín.

YOBU 12:6 Iomraidhean Croise

YOBU 12:5

Heé baraá palaaxi tsuunqumis gu waaqaqaa', tsuunqumis deelo sleémeero oo múk baraá slahh'amu.

YOBU 12:7

Ala axáy makaay yaahaseek, inooín kuúng uqo intsaahhatisiyá'. Áx tsir/o yaahaseek, inós kuúng uqo kángw beér.

YOBU 15:13

tam Mungú kuri qítl si'iimaawo nee /ayma'aá tlakw awa adór kwisingá' kiri qítl ooaro.

YOBU 22:18

Tam adoorihe Mungú maray'ín gina niiqín muruú hhoe. Ala axweesanoó múk tlákw masók dir'eene ku saáw.

YOBU 24:23

Inós gina amohhooárí haniís nari ak diihhe'eesiyá'. Ala inós lohduuín gi ga/áy.

YOBU 9:24

Yaamu bar múk tlákw gaa sa waawuti'ín, inós kwasleemuuse gan tsaahhár /iit. Barnaxes heé adoorí ga tlehhahhiít a inoseeká, kár ala a heemá daqaní?

WARA'AMI 17:14

AAKOÓ MUNGÚ, ar /uuruuwoge án ba/amisáng dír muko. Nee dír múk gur'er'ín gaa amór muruú /ayma kilós xu'us. Masók slafingw'ín in haats slahh'amaayeedá' taa qasi as inooín. Na/ii'ín ni aaxiye' nee ngi na/aá nangw'ín i geexaye'.

WARA'AMI 37:1

Kuúng ma daawimitaar as kudá' tlakweemaá tlehhiitá', tam mi waatlakwemisaar kudá' muruú tlákw tlehhiitá'.

WARA'AMI 37:35

Heé tlaákw una ár adór ir ló'wa xaraasli. Tina tsaafiís adór haleemaá xaa'aá miereési ar gawaá tloomár Lebanoni.

WARA'AMI 73:3

Asma mukdá' tlákw tin kilooín xirfayeemiis, aníng ngiwa ár kiwa diihhó' aníng gura' iri óh.

WARA'AMI 92:7

Tam múk hota ganaa'aaká ni harma/i adór gitsór wa ale, nee kudá' sleémeero muruú tlákw tlehhiitá' birna slu/ubibiné', ala ki qwaarees ay alhhe'eesay wasle.

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

YEREMIA 5:27

Adoodá' slakaatusmo lakwaanti ngir dalaa/i tsir/ór aa ohini, an adoodá' maray'ín nira hatsiyé' muruú fisooro. An gár inooín is /uuruú kona' nee tas daqaare.

YEREMIA 5:28

An gár inooín tasa wahhadiít niri hhohhoaa'ayé'. Muruú tlákw tlehhtuuwo harqoomaay ngu xuiaaká. Sakwasleema ngi adór ganaá'ár tlehhitiaaká, na/aá panaay ki hariímar'ín i hanmisiiká, laqaá tam gan'amuú múk aa waasla'amuut ku aleekal/anká.

HABAKUKI 1:11

Inooín tari waaraahh ar gaanslaay adór fur'a, tlakweema ngin tleehhiyá', i diiqiiaaká asma /uureemooín an adór munguúín.»