YOBU 11:8 - Biblía Axweesantá Hhohho' ar Mungú 2004

⁸ Uroó Mungú ina saweés ay dooriwo gawa. Kuúng gár ta aleesleer a milá? Sawemaá baraywo, gi'i gin harwaaraahh, kuúng gár xu'utiro ta alesleer a milá?

YOBU 11:8 Iomraidhean Croise

2 QOM'I 6:18

Ala Mungú, kuúng aqo tsuwa hóta baraaká daanduú yaamuwo dinkwa nee muu? Bar doori nee dooriidá' gáwtí saawá' in bu'umitiaaká, xáy, do'owí aníng naa tleéhh adór ir bu'uuti?

YOBU 11:9

Qoomaywós tleenaango yaamu gi baa/ uroó bihheero tlawtadá' ur ga baa/.

YOBU 22:12

Ahaá, Mungú i gawaá doorií diri'ikáhe? Tsatse/ sleeme xuxuueek adór kur gáwtí sawén.

YOBU 26:6

Gi'i dír ilaá Munguhe i tsee/aá tawo. Tam didár hhituru'uuma sleeme kaa lu/iiká.

YOBU 35:5

Áx gawaá doori i qaytsitaak, nee huunkaydá' dirhunge gáwtí dirií' xuxuaak.

YOBU 37:23

I ya/aandaaká Munguú Aleesleemusmo kuwa i hardahaan, /uuruuwós i harqoomoó konká nee kwasleemár ganaa'a. Inós gan'amuuwo aa haáts, hee gu hhitinká.

YOBU 38:17

Afkú gwa'ara kunga dirógí laqáni? Laqaá kangarmoduú afkú gi'ií dirií' ugwa aándi?

YOBU 7:9

Adoodá' huunki ir paysumaamit iri faakama hhe'és, an adór heé /eét baraá gi'i, oo ni waatlawaaká.

WARA'AMI 103:11

Adoodá' doori yaamu ngira tuuntukiyé', an adoodá' sla'aarirós ar warqawaaká ka úr dír mukdaádá' gu ilaiwawa/a.

WARA'AMI 148:13

Kuká' sleémeero umuú AAKOÓ MUNGÚ ngu xirfayeesiye', asma umuuwós kun ak úr ta umér hatlae, xirfuuwós yaamu gaa waaraáhh nee dooriwo.

WARA'AMI 36:6

Gan'amuuwók a adór tlom'aá uren, sakwasleemarók a adór iltá tlawi, AAKOÓ MUNGÚ, kuúng muu nee makaywo in de'eén.

AXWEESANOÓ SAGALOOA 30:4

Heé a gawaá doorí tsa/an niri yaamií aweér a heemá? Heé fur'a gaa gawaá tsa/oó dakós i oh a heemá? Nee oo ma'aay gaa pasltá inqwarirós ar oh a heemá? Heé bihhér yaamu gaa tleehh a heemá? Umuuwós a heemá? Umuú garmaawós a heemá? Looeemaawo u xú'.

ISAYA 55:9

Asma adoodá' doori kir saáw gáwtí ale ta yaamuwo, an adoodá' lohduueé' kir gáwtí saáw ta lohduhunge, nee inslaway'eé' ta inslawayhunge.

AMOS 9:2

«Inooín tam i /eetiia baraá gi'i, aníng in baraadá' wa duúx, inooín tam i tsa/ana'a gawaá doori, aníng ngin gawaadá' wa aweeriís.