YOBU 11:7 - Biblía Axweesantá Hhohho' ar Mungú 2004

⁷ A aleesleéra naaqór Mungú xu'utiiro nee harki/isoó Munguúdá' /uuruú koóm u aleesleéra xu'utiro?

YOBU 11:7 Iomraidhean Croise

YOBU 22:12

Ahaá, Mungú i gawaá doorií diri'ikáhe? Tsatse/ sleeme xuxuueek adór kur gáwtí sawén.

YOBU 26:14

Ala muruuwí a sagér tawo ngina óh ar muruú i tlehhaahhiti, nee baraá tlehhmi'iiwose atén gár naa axasaán a bayrír tawo. Ala tlunaa/ír aleesleemuwós heé tsaahharo ga aleesláw a heemá?»

YOBU 27:11

Aníng kuungá' nu intsaahhatís tlehhma'aá Munguhe, Muruú Munguú Aleesleemusmo aa qoomeés u lu/aaká.

YOBU 33:12

«Ala Yóbu, diirihe kuúng aga dakús, án kuúng u mu/aywaáts Mungú ku úr ta heewo.

YOBU 33:13

Ahaá waáy, misti tlaampa'amisá' nee inós tawa kát, tam /aymuueé' oo wák ngwa mu/aywatsiiká.

YOBU 35:5

Áx gawaá doori i qaytsitaak, nee huunkaydá' dirhunge gáwtí dirií' xuxuaak.

YOBU 36:26

Ga/aaweek, Mungú ku ló'wa úr, tam tsaahharo sleeme ugwa harslaaqataán, kureeraá slafiingós faaro ngi ya/an'aaká.

YOBU 37:23

I ya/aandaaká Munguú Aleesleemusmo kuwa i hardahaan, /uuruuwós i harqoomoó konká nee kwasleemár ganaa'a. Inós gan'amuuwo aa haáts, hee gu hhitinká.

YOBU 37:5

Mungú ar afoorose in kududuhuut ar waa/oo/amo, muruú dirén oo tsatsahhaango ta aleeslawanaká gun tlehhiit.

YOBU 42:3

Kuúng ina beér, ‹Heewí a heemá oo axweesante'eé' ga gaamiís ar axweesanoó sagawasle?› Gám ar ló' aníng gár naa axweés a tsuwa xuaaká, muruú waa/oo/amo dir'eene oo xu'utiro ni baloó aleeslawaaká.

YOBU 5:9

Mungú an kudá' muruú urén tlehhiít, muruudá' hee aldakwto i aleeslayká. Inós sleeme an kudá' muruú waa/o/amór tlehhiít, kudá' farooro ya/aamaaká.

WARA'AMI 139:6

Xu'utiirók i waa/oo/amór koón, aníng tsaahharo a aleeslawaaká, ka ló' wa ur.

WARA'AMI 145:3

AAKOÓ MUNGÚ kun úr, masók kun ló'wa xirfayeemiis, nee uraywós heé tsaahharo gu asláw i kaahh.

WARA'AMI 77:19

Irwaarók aa baraá tlawtár waaráhh, nee loohirók ina waaráhh ar baraá ma'aá yaariir, ala digiruuwók kwa ariiká.

AXWEESANOÓ SAGALOOA 30:4

Heé a gawaá doorí tsa/an niri yaamií aweér a heemá? Heé fur'a gaa gawaá tsa/oó dakós i oh a heemá? Nee oo ma'aay gaa pasltá inqwarirós ar oh a heemá? Heé bihhér yaamu gaa tleehh a heemá? Umuuwós a heemá? Umuú garmaawós a heemá? Looeemaawo u xú'.

DAHARUSMO 3:11

Mungú umuú gár hhoohhooe gana qoomaarósí tleéhh ar kawa hhoohhoó' iwa xeer, nee baraá muunuú heewo muruú iimu/uungw wasle nee oo alhhe'eesay wasle nguwa xu'utír wa slai gana qaás. Tam adoorihe kwa pa/ángwií haniisiiká muruú Mungú aa tlehhiít iimír iimu/ungo ay alhhe'eesaay nguwa tsaahhi.

DAHARUSMO 7:24

Xáy, hee adór slafiingw kuwa hariím ngir tsaahhi a adoomá? Adoorí tsaahharo ka ló'wá gawit.

ISAYA 40:28

Ahaá kuungá' a xua'aakáhe? Asma kuungá' aga axasi'iikáhe? AAKOÓ MUNGÚ an Munguú alhhe'eesay wásl, Inós an kudá' yaamu gaa tleehh. Inós i slaaqatiiká laqaá i nusqutiiká. Xu'utirós tsaahharo ka gawit.

Matayo 11:27

Iri oó', «Baabuúeé' umuú gaaro nga gawaá dabaaeénií qaás. Ala heé Garma gu xuú' i kaahh, aqo har Baabá kilós. Slám heé Baabá gu xuú' i kaahh, aqo har Garma kilós nee kudá' Garma xu'utisaro aa slaá'.

Rumi 11:33

Ga/aaweek, xáy, daqaari'iimár Mungú adór kar úr, nee sagalooarós nee xu'utiro. Heé sakwasleemarós tsaahharo ga aleesláw a heemá? Heé lohuduuwós leelehhtuuwo gi aleesláw a heemá?

1 Korinto 2:10

Muruuwí an kudá' Mungú naa dirénií geehhooatís ar loohír Qeeruuwós. Asma Qeeruú Mungú mura' sleémeero gu xuuxu'ún, tam muruudá' taa luú/ oo baraá muunuú Mungú i dirií'.

1 Korinto 2:16

Asma Gooi i kat, «Heé muunuú Aako gu tsaáhh a heemá? Nee slám heé inós gu intsaahhatís a heemá?» Ala atén baraarene muunuú Kristo u koomaán.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.