YOBU 11:19 - Biblía Axweesantá Hhohho' ar Mungú 2004

¹⁹ An qát tam heé u naáxw i kaahh, múk yaariír alee/isaay guri dirók i firín.

YOBU 11:19 Iomraidhean Croise

2 QOM'I 20:30

Aluudae waawutmo Yehoshafati iri waawuti'ín ar wayda, asma Mungú wayda guna haniís bihhe sleémeero.

YOBU 11:18

Kuúng tari píhh, asma harahhifo a koón, kuúng tun xún, tari hungu/ús ar wayda.

WARA'AMI 127:2

Gadiyérhúng a tawo kuungásingá' tseewa tlaatlawá' qatuuwo tari tligá' qata eemuuwo, nee muruú /aymár slahh'amaaye kuri /agá'. Asma Mungú mulqumoowós gun muruuwós i haniis tam i gui.

WARA'AMI 4:8

Aníng an qaát, nari guú' ar wayda, asma kuúng, AAKOÓ MUNGÚ, aníng iga de'eén niwa hoot ar amohhooa.

WARA'AMI 45:12

Múk yaamaá Tiro ilahhooar'ín ngi huuw, daqaare ila' giri dirók i hhe'eemís.

AXWEESANOÓ SAGALOOA 19:6

Múk yaariír tin kilooín sla'atamamisiyá' dír geeraharuuse, nee umuúqo heewo ga slaa' tawa mulqumo dír heé múk /iimisa.

AXWEESANOÓ SAGALOOA 3:24

Gár u de'e tsaat i káhh baraá gu'uteero. Qoomár bara qatuú eér, gu'utér tsuú' an ar gú',

ISAYA 17:2

Gixsaduuwós kin xaanxaay tleehh ay alhhe'eesay wasle, tari ayaá hikwa nee bee/aangw ki tleemisi, niri baraadá' wa guiyá' tam ki dae tsatiiká.

ISAYA 45:14

AAKOÓ MUNGÚ i kaahi, «Daqaari'iimár Misri nee ar Kushi a toohúng, mukdá' tlét oo Seba a lawaalerhúng, inooín kuungá' nu eehariyá', inooín kaa daba tsegiít nuri i tumbarara'atiyá', nuri firiná', iwa kaahiya', ‹Mungú a dinkwa nee kuungá', Munguú hatlá' i kaahh aqo har inós kilós.› »

ISAYA 60:14

Daaqoó mukdá' iga baramaanuus ni hardah iri i tumbarara'aat. Kudá' sleémeero iga waaqaqaiye' ta xupuu' dír ya'aawók. Inooín kiíng iri baya', ‹Gixsár AAKOÓ MUNGÚ, Siyoni ar kudá' hhoohhoó' oo Israeli.›

ESEKIELI 34:28

Inooín ki baloó slakaatiiká nee xoorór hatlá', laqaá tawa /aymár makaá sla/a. Inooín in hootiyá' ar saxareemo, nee heé gi baloó dae tsaát i kaahh.

TLAHHOÓ LAÁWI 26:6

«Nun waydií haniís baraá yaamuwo, tam tari guá', tundu dae tlaaqiiká. Makaá xaraaslá' in hingeés baraá yaamuwo, nee yaamuuhúng slaqwara gi baloó haradatká.

MIKA 4:4

Ala umuúqo heewo iri iwiwiit baraá mahhtuú xa'anoó sabiíbuuwós wa ale, nee mahhtuú /aantsírós. Nee tam heé gi baloó dae tsaát i kaahh, asma AAKOÓ MUNGÚ Aleesleemusmo kaangwí ngwaa oó'.

SEFANIA 3:13

Mukduú Israeli aa meet gár tlaakw ngi baloó tleehhiaaká, tam lama ngi baloó ooiaaká. Nee heé al/aymusmo baraá tla/angw'ine u baloó sleeraaká, Slám heé gi dae tsaát i kaahh.»

Geehhoeemaá 3:9

Ga/aaweek, mukko i deer oo Neetlángw eeharahár. Inooín ta kaahi atén a múk Yahudi, ala laatí a loeká, ala inooín a lamuuse. Aníng mukwí ngu /uurutís as iwa amoorók i hardihi, nee iwa tumbarara'aati dír geeraawók i alé, as inooín ngiwa tsaahhiya' adór aníng kuúng ur slaá'.