YOBU 10:3 - Biblía Axweesantá Hhohho' ar Mungú 2004

³ Gadiyér dabaawók kawa waaqaqa' i qoónda? Aníng iwa baramaanus i qoónda? Kángw tlakuuse mus sla'atamis.

YOBU 10:3 Iomraidhean Croise

YOBU 10:8

Dabaawók aníng ina buqumbuquné' iri tleehhiyé', Ala baré daxta i gaamís?

YOBU 14:15

Daqaní geeraawo aníng kuúng iri atét nee aníng niri ooiím, kuúng aníng bir artá wá slá', anuú gadiyér dabaawók.

YOBU 15:13

tam Mungú kuri qítl si'iimaawo nee /ayma'aá tlakw awa adór kwisingá' kiri qítl ooaro.

YOBU 16:11

Mungú aníng iga qás baraá dabaá múk xaraásl, nee iga kwáhh baraá dabaá múk tlákw.

YOBU 19:6

Kuungá' xuuaak adór Mungú adoorí ngira aníngí tleéhh. Inós tsaaxweeli gaa qaás, as kahhó' aníng iwa ot.

YOBU 21:16

Áx ga/aaweek, slaasláwar'ín kan slaslaykáhe ar /uuruuín? Axweesanoó múk tlákw masók dir'eene ku saáw.

YOBU 22:18

Tam adoorihe Mungú maray'ín gina niiqín muruú hhoe. Ala axweesanoó múk tlákw masók dir'eene ku saáw.

YOBU 27:2

«Munguú Gawa iqo daadeer, kudá' hariímar'eé' gaa hayoh, nee Munguú Aleesleemusmo iqo daadeer, kudá' hhiintluueé' gwa artis.

YOBU 30:21

Ala kuúng an amor'eéní xarásl, asma ar dakoge aníng ina slahh'eemaamís.

YOBU 31:15

Ahaá kudá' aníng iga baraá guruú aayor'eéní tleehh, an kudá' lawaalmooeé' gwa tleehhiikáhe? Ahaá aqo kwí wakeekáhe oo atén ta buqumbuqun, baraá gur'ér amuurene?

YOBU 33:4

Qeeruú Mungú aníng ina tleéhh, nee hiinsluú Munguú Aleesleemusmo ina slafís.

YOBU 40:2

«Kuúdá' múk gur/aáy as tlakweemaaín kiwa tsahh nee Munguú Aleesleemusmo ti tlaampa'asá'a. Kuúngudá' axweesante'eé' tlaxuúm, anuú Mungú mu/aywatsáng.»

YOBU 40:8

Kuúng kwasleemar'eé' gaasaro aqo asleéra? Áx dír aníng niwa dakuús ngi qoo sleéra nee ar kuúng tawa gana'?

YOBU 8:20

Qaytsiít, Mungú heé tlakweemaá koomaaká gu si'iiká. Sleemé múk tlákw gu alee/isiiká.

YOBU 9:22

Mura' sleémeero i alqón, gawaá adoorihe anaá kah, Munguú múk hhó' nee oo tlakwe gin qororo'omaamiis.

YOBU 9:24

Yaamu bar múk tlákw gaa sa waawuti'ín, inós kwasleemuuse gan tsaahhár /iit. Barnaxes heé adoorí ga tlehhahhiít a inoseeká, kár ala a heemá daqaní?

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 138:8

AAKOÓ MUNGÚ, al'axweesantók tidá' naa ó', a boo/és. AAKOÓ MUNGÚ, sla'aarirók i warqeeraaká ay alhhe'eesay wasle. Gadiyeérók ar taa iimu/uún ma mawaar boo/eesaro.

WARA'AMI 69:33

Asma AAKOÓ MUNGÚ kudá' liitlakwen gi iiárií qamín, mukós kudá' taa tseék gu gunqaresiiká.

ISAYA 64:8

Hám daxta AAKOÓ MUNGÚ, kuúng an baabuúrén, atén an tleei, kuúng an tleeusmoorén, atén sleémeero a gadiyér dabaawók.

1 Petro 4:19

Gawaá adoorihe mukdaádá' ta slahh'eemisi ar adoodá' Mungú i slai, muner'ín ngi dabaá Mungú i qaasiye', asma inós a tleehharusmooín oo inkihhimuú koóm, nee inooín tawa qiqtlin baraá tlehhema'aá hhó' wa ale.