YOBU 10:21 - Biblía Axweesantá Hhohho' ar Mungú 2004

²¹ dír nira tlawiiká baraá yaamaá muu niwa kaki/iiká, baraá yaamaá gurhaami nee giwtír ur,

YOBU 10:21 Iomraidhean Croise

2 SAMUELI 12:23

Ala hamí aa gwaá', gár nis gwaawiim a milá? Xáy, aníng ki/isár baraá yaamuwo u aleesláwa? Baalár wake aníng a tláw amoodá' aa káy, ala inós ki/imaá amor'eé' gi aleeslayká.»

2 SAMUELI 14:14

Atén tam ado gaalá aqo an qatlaán. Atén a adór ma'aá naa ku'utiyé', ki ki/mamisiiká. Tam Mungú a barqantusmoowooká dír heewo, kwí nee kuqae. Inós loohi gan leelehhiit, as kudá' taa sií' niri gowiyé', niwa ki/iya'.

YOBU 10:22

yaamaá gurhaami nee gila, dír gwa/aateema tawa adór giwti.»

YOBU 16:22

Ar ló', kureerieé' ki niina, aníng a tláw amoodá' muu niwa kaaki/iiká.

YOBU 17:13

Barnaxes gi'i ina dír hotangw'eé' tleéhh barnaxes qatanir'eé' aga hhaáf baraá giwti.

YOBU 3:13

Asma geeraawo hamí aga qaát baraá /aanta, nee aga xasliít. Aníng geeraawo aga qaroó qaát, hamí geeraawo a baraá hungu/uma,

YOBU 3:5

Masók baalaadá' ma/ami nee giwtír aa qipit gan ót, huunkoó iló' ngi tuuntuuki. Ma/ami tlaatla/angwdá' ngu de'e tsat.

YOBU 34:22

Dír giiw nee ar boo/ i káhh dirose, ar múk tlákw i nahhaati ar kiwa ariiká.

YOBU 38:17

Afkú gwa'ara kunga dirógí laqáni? Laqaá kangarmoduú afkú gi'ií dirií' ugwa aándi?

WARA'AMI 23:4

Aníng tam waaraahha ar baraá giwtír tsaxwaá gwa'ara, muruú tlákw u daimiitaaká, asma kuúng a dinkwa nee aníng. Qadisaywók nee hhartók in gurkwa/amisiyá'.

WARA'AMI 39:13

Áx, ala mawáng mi slahh'eemisaar, fur'ár niiná i slahh as niwa qwalaa/ gár niinawe, dír nira gwaaiiká.

WARA'AMI 49:20

Hee tam ku diihhooe i hotaatinká daqisleém, aqo in gwaa' adór makiito'o.

WARA'AMI 88:13

Ala AAKOÓ MUNGÚ, aníng kuúng un i /aa/amiím, umuúqo matlaatlér xawa un fiririím.

WARA'AMI 88:6

Aníng kuúng iga /aytís baraá baa'ár aa tser'et, baraá bohóngw saáw nee oo giíw.

DAHARUSMO 11:8

Hee kureeraá yaariir birnga hoót, ngi saqwalaa/i, ala masók in inslawín adór deelór slahh'amaaye kar úr. Muruú aluú wa hi'iít sleémeero a tawo.

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

ISAYA 38:11

Ana oó', Aníng AAKOÓ MUNGÚ u sangw baloó araaká, baraá yaamaá múk slafa tam heé ni ar inqo kaahh, baraá tla/ángw yaamuloouusér daanduú yaamuwo.

YEREMIA 2:6

Inooín taa yaahasi'iiká, ‹AAKOÓ MUNGÚ kudá' atén taa baraá yaamaá Misrír wa duux i amá? Kudá' atén taa geeraharahaar baraá darmuuwo nee yaamaá xaanxaay nee boh'e, baraá yaamaá kaahaar nee awa ma/ami, yaamaá muu ira waaraahhiiká nee awa ta hootiiká.›