YOBU 1:8 - Biblía Axweesantá Hhohho' ar Mungú 2004

⁸ AAKOÓ MUNGÚ Neetlaangw guri báy, «Án ngi slaá' sagadiyusmooeé' Yobu ngwa aán. Inós a heé hhoó', oo gan'amuú tlehhiít, heé Mungú gu ilaiwawaá/, slám a heé tlakweemaá sla'aaká. Baraá yaamuwo heé adór inós i kaahh.»

YOBU 1:8 Iomraidhean Croise

2 WAAWITÁ 23:25

Geeraá waawutmo Yosiawo, laqaá tam aluuwose, waawutmoó adór inós i kaahh oo AAKOÓ MUNGÚ gwa eehaar ar muunaáwós sleémeero, nee ar /uuruuwós sleémeero, nee qeeruuwós sleémeero, adoodá' kara gooín baraá dabér Mosewo.

NEHEMIA 5:15

Ga/aawuuseedá' aa giiriin a huwaá ilo' dír muko as iwa muruú /aymár iinuusiya', nee difaáiro dinkwa nee shekeéli mibeeraá tsiyáhh ar peésa, slamí sagadiyuuser'ín muu guna sawaawuti'iín. Ala aníng adoosíng aga tleehhiiká, asma aníng Mungú u ilaiwawaá/.

YOBU 1:1

Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

YOBU 12:4

Aníng aga gár waaqaseengw tleehhiít dír mulqer'eene. Anínguuwí Mungú ugwa firiim iri mu/aywaáts, anínguuwí gan'amuú koóm nee oo xaslxaansli wásl aga gár ta waaqaseesen tleehhiít dír muko.

YOBU 2:1

Wa'aá hatlae, looarka wake malaykér Mungú ina burumburít dír geeraá AAKOÓ MUNGÚ, Neetlaangw sleeme ina dír dinkwaadá' i hardáh.

YOBU 2:3

AAKOÓ MUNGÚ Neetlaangw guri báy, «Sagadiyusmooeé' Yobu ugwa aándi? Baraá yaamu sleémeero heé adór inós i kaahh. Inós a heé hhoó', oo gan'amuú tlehhiít, a heé Mungú ilaiwawaá/, tlakweema gi slaiiká. Inós aa ló'wa /aátl gan'amu nguwa tlehhiiti, tam kuúng aníng iga duki, as muruuwós nguwa tawó hhaamiis.»

YOBU 34:14

Barnaxes Mungú taa kilós aldaákw, nee hiinsluuwós kuduú slafiingw burngwa hingeés baraá yaamuwo,

YOBU 8:20

Qaytsiít, Mungú heé tlakweemaá koomaaká gu si'iiká. Sleemé múk tlákw gu alee/isiiká.

WARA'AMI 18:23

Dír geeraawose a dakuúsár koomaaká, nee taa harmagaáhh tlakweemaawo.

WARA'AMI 34:14

Muruú tlákw maweek, tlehhma'aá hho' na tlehhiiteek, wayda leelehhiiteek nee ar hooteek.

WARA'AMI 36:1

Tlakweema i baraá muunuú tlakusmoó wa tlupiitiyá', Ilaiwa/amér Mungú i káhh dirose.

WARA'AMI 37:27

Ti paratl dír tlakweemaawo, hhooeema tleehheek, daqaní a hót ay kureeraá kureér.

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

WARA'AMI 89:20

Daudi ugwa tsawaár, sagadiyusmooeé', nee ugwa iimbalaáx di/taeé' tidá' hhohhoe.

AXWEESANOÓ SAGALOOA 8:13

AAKOÓ MUNGÚ bur ilaiwawá/ a tlakweema i áhh; Daara/aangw ugwa aáhh, nee hi/niro, nee lohdaá tlakwe, axweesanoó sagagawda ugwa aáhh sleeme.

ISAYA 1:16

Ti hamtle', ti hheehhe'esé', tlehhmi'iihúng kudá' tlakw hingeesaak dír geeraaeene. Tlakweema tlehhtuuwo mawaak.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ESEKIELI 40:4

Naagáy iri báy, «Heewí, axáy, ló'wa qaytsiít nee iia qaasa hhe'eeseek. Axáy, ló'wa magaáhh umuú gár ni dirógií laqaama ara hhe'eeseek. Asma kuúng tuna diirií huúw as uwa gaarií laqaam. Múk Israeli ku afoorí ilaharís daanduú tidá' taa aandi.»

FAARO 12:3

(Mose a heé ló'wa tsatsaa'aár ta muu sleémeero oo baraakaá yaamuwo.)

Yohana 1:47

Qoomár Yesu Natanaeli nguwa ár iwa amoorós kay, Yesu iri oó', «Ga/aaweek, heewí a heé Israelú kilá'. Waaqooda i káhh baraawose.»

YOSHUA 1:2

«Sagadiyusmooeé' Mose aa gwaá'. Gím daxta tláw, kuúng nee múk Israeli sleémeero, yaaér Yordani waarahhaak, ta datá' baraá yaamuudá' aníng ni haniis dír xoorór Israeli.

YOSHUA 1:7

Gimáy piíhh nee ilakaahareés ló'wa ale, nee dabe sleémeero na boo/eeseek adoodá' sagadiyusmooeé' Mose ngira kuúngí hara'ayín. Ma warqawaar laqaá ma bihhií paslaar, daqaní arba/ati a sleér amór taqo keera.