YOBU 1:6 - Biblía Axweesantá Hhohho' ar Mungú 2004

⁶ Looarka wake malaykér Mungú ina burumburít dír geeraá AAKOÓ MUNGÚ. Neetlaangw sleeme iri dír dinkwaadá' i hardáh.

YOBU 1:6 Iomraidhean Croise

IIMU/UUNGW 6:2

Daaqoó Mungú dasuuduú muu kuna ár adór kur hhohhó'. Adoorihe inooín dasú naa tsawaariyé', nguna duxuutiyé'.

IIMU/UUNGW 6:4

De'emudaádae múk ló'wa tlét i deer baraá yaamuwo. Nee tam aluuwo sleeme i deer. Mukwí an xwaylár daaqoó Mungú nee dasú muu. Inooín a pihhuuseedár aáng, nee a múk xirfuú koóm.

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

1 QOM'I 21:1

Neetlaangw ina sihhiít múk Israeli nguwa slahh'amií huwi, Daudi guri tliwií/ múk Israeli nguwa faari.

2 QOM'I 18:20

Aluuwo qeeruú tlaákw ina sihhiít, iri tseewúy dír geeraá AAKOÓ MUNGÚ, iri oó', ‹Aníng inós u al/aáy.› AAKOÓ MUNGÚ iri oó', ‹Adór kur al/ak a adoomá?›

YOBU 2:1

Wa'aá hatlae, looarka wake malaykér Mungú ina burumburít dír geeraá AAKOÓ MUNGÚ, Neetlaangw sleeme ina dír dinkwaadá' i hardáh.

YOBU 2:3

AAKOÓ MUNGÚ Neetlaangw guri báy, «Sagadiyusmooeé' Yobu ugwa aándi? Baraá yaamu sleémeero heé adór inós i kaahh. Inós a heé hhoó', oo gan'amuú tlehhiít, a heé Mungú ilaiwawaá/, tlakweema gi slaiiká. Inós aa ló'wa /aátl gan'amu nguwa tlehhiiti, tam kuúng aníng iga duki, as muruuwós nguwa tawó hhaamiis.»

YOBU 38:7

Qoomaadá' tsatse/uú matlaatle iwa daá' dinkwár wá ale, nee na/aá Mungú niwa tseeaminé' ar qwala/.

WARA'AMI 103:20

AAKOÓ MUNGÚ diidi'iimisaak kuungá' malaykeerós, kuungásingá' /uuruú koomá' nee axweesantós ngi boo/eemisá', axweesantá AAKOÓ MUNGÚ iiárií qaasaak.

DANIELI 3:25

Iri oó', «Qaytsité' án baré muu ngu ga/aw a tsiyáhh, slám kwa gweér, i baraaqá' wa hi'imitiyá', gár gi a'aw i káhh. Nee slaqsoó kuquú tsiyáhh a adór malaykamo.»

SEKARIA 3:1

Aluuwo baraá iigu'utuueene Yoshua kaahamusmoó úr oo Mungú nguri ár, aa sihhiít geeraá malaykamoó AAKOÓ MUNGÚ, Neetlaangw sleeme aa sihhiít bartá dakós oo doó /iyáy as nguwa sakwasleemuuti.

Matayo 18:10

«Ti harmagahhe', tam oo wák baraá na/iiká' ninakwe mu waaqaa'ara'. Asma án a kah, malayker'ín umuú baalaaro gawaá dooriiwo i dír geeraá Baabuúeé', kuduú gawaá doorí dirí'. [

Luka 22:31

Yesu iri oó', «Símon, Símon, ga/aaweek, Neetlaangw kuungá' naa slaá' nuwa haritleesi adoodár angaáno kur haritleemamisi.

Luka 3:38

garmoó Enoshi, garmoó Seti, garmoó Adam, garmoó Mungú.

Yohana 6:70

Yesu iri oó', «Ahaá, án kuungaásingá' mibaá nee tsár naa tsawaáriíke? Ala oo wák baraahunge a neetlaangw.»