YOBU 1:5 - Biblía Axweesantá Hhohho' ar Mungú 2004

⁵ Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

YOBU 1:5 Iomraidhean Croise

IIMU/UUNGW 22:3

Abrahamu matlaatlér boo/e iri tláy, daqwaywós guri amohhe'eés, daaqoó tsár nee garmaawós Isaka giri báy, «Ti amohhe'ese' aaií wa alé.» Migiruú ilahhooár da/a guri amohhe'eés, nari tlayé' nee mukós kwihe ay amoodá' Mungú aa oó' dirósí ale.

IIMU/UUNGW 6:5

Aako gari ár adór tlakweemaá muu kir úr baraá yaamuwo, nee adór umuúqo inslawoó baraá muner'ín kur tlákw umuú daqto.

IIMU/UUNGW 8:20

Noa kitángw ilahhooa guri tleéhh as AAKOÓ MUNGÚ, makiito'ór wák gari taataáhh baraá umuúqo daa'aweemaá makaá hhohhoe, nee tsir/ír wák gari taataáhh baraá umuúqo daa'aweemaá tsir/ór hhohhoe, gari didá' wa daá/ ilahhooár wá ale.

1 WAAWITÁ 18:31

Tlaa/aá mibaá nee tsár giri taataáhh, ar qoomoó faarór tlahh'aá mibaá nee tsár awa na/aá Yakobo, kudá' AAKOÓ MUNGÚ iwa oó', «Umuuwók a Israeli.»

1 WAAWITÁ 21:10

Daqaní múk tsár oo gu lamtí tsaát ku sleerá', oo gu báw, ‹Kuúng waawutmo nee Mungú iga /ooslisliín.› Daqaní ku tsee/í duxá', ku tlaa/ér tlaqutá', i gwaai.»

1 WAAWITÁ 21:13

Mukdaádá' tsár oo lamuuse iri iwiít Naboti nguri ilií duxuné', muu nguri bayé', «Naboti Mungú nee waawutmo gaa /ooslislín.» Naboti kuri duúx tsee/aá gixsárí ale, kuri tlaquút ar tlaa/e, kway gaás.

NEHEMIA 12:30

Kaahamuusér Mungú nee múk tlahhoó Laáwi tina hhoohhooeesiyé' nee muko, nee afér do' nee koo/iro.

YOBU 1:11

Axáy dakók gawaawós i tleeseek, daqaari'iimarós kwatiiteek, áx buraqo /ooslinká.»

YOBU 1:4

Ki/imaá yaariire daaqoó Yobu muruú /aymár úr kun tlehhahhiit ar baalaqaasi dír maray'ín wa alé. Hhaeeín kudaá tám awa dasu ngin dah'imaamisiyá', as tawa al/ayín nee tawa alwahan.

YOBU 2:9

Hareerós guri beér, «Tam hamí aga /átli gan'amu kuwa tlehhit? Mungú /ooslimeek, ta gwá'.»

YOBU 27:10

Inós inqo dír geeraá Munguú Aleesleemusmoó wá qwalaalá/i? Inós inqo Munguú ateetína daqisleém?

YOBU 41:25

Inós birna ti'ít tam mukdá' aaiím atén a mungui nin gáwtí qatliyá' de'eero, sleémeero ti kilooín faakiyá' as de'e.

YOBU 42:8

Gawaá adoorihe awér faanqw slawaak nee gwaandaawér faanqwe, daqaní ta tleerá' amór sagadiyusmooeé' Yobu hikwaasíng ki ilahhooár da/a/ángw wá hanisá', as daandeemoohúng, Yobu kuungá' nu aleefirin, aníng firoorós a ya/aám, as kahhó' kuungá' munduwa alsihhiít as daktu'umarhúng tisíng, asma looeema iga kati'iiká daanduueene adoodár sagadiyusmooeé' Yobu ira axweés.»

YOBU 6:14

Heé hhiyaawós alee/iisaro gwaa sii' aqo adór heé Munguúdá' /uuruú koóm ilaiwa/ameero gwaa sii'.

YOBU 8:4

Barnaxes na/iiwók Mungú nguna sadakuusiyé', inós bu'utuú dakuúsar'ín gun buu'.

WARA'AMI 5:3

AAKOÓ MUNGÚ, matlaatleero afor'eé' iiárií qaaseek. Matlaatleero án ti amohhe'eés sluufay'eé' nguwa dirógí oo', nee uri daám.

TI'INAANGW 18:12

Yetro, taatoó harér Mose, ilahhooár da/a nee ilahhooár muruú ta tsu/i garí haniís dír Mungú. Aroni iri hardáh dinkwa nee bariisér Israeli as tawa al/ayin nee Yetro dír geeraá Mungú wa ale.

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

TI'INAANGW 24:5

Naagáy masoombár Israeli gari ya/aáw as AAKOÓ MUNGÚ kuwa ilahhooár da/a/ángw i haniisi, nee awér ta ilahhooár wayduú wa haniisi ngiwa tsu/iya'.

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

ESEKIELI 14:14

tam geera Noa, nee Danieli, nee Yobu in baraá yaamuuká' i diri'iia, inooín mukwí /iisaro ngu aleeslay'aaká, aqo har slafingw'ín ngun ba/amisiyá', as gan'amuuín kudá' i koná'. Anuú Aakoó MUNGÚ tí aga oó'.

Luka 1:75

nee ar hhohhoaari nee ar hotaá ganaa'á' deelór slafingwrén sleémeerowo.

Luka 18:7

Xáy, Mungú mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

Yohana 11:55

Deelór ur ar Pasaáka ar múk Yahudi deeloodae aa naká/, nee múk yaariír niri tlatláy ayaaín wa ale, tari tsa/án Yerusalemu, qoomár deeloodár Pasaáka iwa xeeriiká, as tiwa hheehhe'eesiya'.

Tlehhema'aá ya/Abuuse 21:26

Aluuwo Paulo mukdá' gurir tláy, looaytleérose tiri alhhohhoeemisiyé'. Inós nee mukdae tari dáh baraá Doó Mungú, kaangw guri xu'utís oo deeloodár hhohhoeemisuuín iwa boo/i, nee kángw ilahhooár umuúqo heewo i haniisi.

Tlehhema'aá ya/Abuuse 8:22

Gawaá adoorihe tlakweemaawók kwisingá' hhu'u'umeek, Aako na firiimeek, doóqa inslawaysuú baraá muunaáwók gu gurtláy.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

2 korinto 11:2

Aníng gura' iga óh as kuungá'. Guruuwí aníng iga oh, amór i dahhi a amór Mungú. Asma kuungá' a adór /amaatliito'ór hhoohhoo' ar taa kwatiitiiká. Aníng al'axweesani aga haniís, /amaatliito'oorí ngiwa haniis dír hhawaatuú wák. Nee hhawaatuuwí an Kristo.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

1 SAMUELI 16:5

Samueli iri oó', «Eeít, gár tlaakw i káhh. Nina hardáh as AAKOÓ MUNGÚ nguwa ilahhooárií gaas. Gimsé' ti hhohhoeese', daqaní ilahhooár gár ta gaasaan a dinkwár wa haniisaán.» Samueli Yese guri hhohhoeés nee daaqaywose, giri dahi'ís baraá dinku'uumár ilahhooár muruú ta tsu/i.