YOBU 1:3 - Biblía Axweesantá Hhohho' ar Mungú 2004

³ Yobu a daqaarmoó tlií/, bee/aangw ngu kon kume faanqw, angamía kume tám, awér doosla ngi kon kumuú wák. Daqwaayér /ameena ngi kon a tsiire kooán. Sagadiyuusér do'ós ka ló'wa yaariir. Inós a heé ló'wa iia tleér baraá yaamuudaá da/aawe.

YOBU 1:3 Iomraidhean Croise

IIMU/UUNGW 12:16

Farao Abramu guri hhooeemií tleéhh as /ameenidá'. Abramu bee/aangw guri sláy, nee hikwa nee daqwaayér yaqaambe, nee lawaalér hhawaate nee ar /ameena, nee daqwaayér /ameena nee angamía.

IIMU/UUNGW 12:5

Abramu hareerós Sarai gari ar tláy, nee Loti garmoó hhiyaawós, nee muruuwós sleémeero nee lawaaleerose, kudá' aa sláy baraá gixsár Haranír wa alé. Tari ti'iít as tawa tlay ay baraá yaamaá Kana'ani. Inooín tawa dáh baraá yaamaá Kana'anír i alé,

IIMU/UUNGW 13:6

Yaamu niri alné' qawtantá muruuine, tam inooín niwa dinkwár wa hootiya', asma hikwaaín ki yaariir.

IIMU/UUNGW 24:35

AAKOÓ MUNGÚ aakooeé' gwaa ló'wa tsuúq, nee gway daqaari'iitís. Nee inós a heé iia tleér. AAKOÓ MUNGÚ gwaa bee/ángw i haniís nee hikwa nee peésa nee sahaábu, nee sagadiyuusér hhawaate nee ar /ameenaaro, nee angamía nee daqwaayeero.

IIMU/UUNGW 25:6

Ala qoomár iwa slafi, daaqoó /ameenár hatlá' guna qáy. Daaqaydá' guri loohatís, giri da/ií saweés dír garmaawós Isakawo.

IIMU/UUNGW 29:1

Yakobo ina kumiít aaiiwose, iri hardáh baraá yaamaá múk da/aáw.

IIMU/UUNGW 32:14

Aaraá tsiire tsár nee gurtaawe mibeeri tsár, bee/aangw tsiire tsár, nee gwaandaawe mibeeri tsár,

IIMU/UUNGW 34:23

Xáy, bee/angw'ín nee daqaari'iimar'ín nee makay'ín sleémeero a kooréneéke? Gimsé', ti kaahi slawaané', inooín ta ayaarén wa hooti.»

2 SAMUELI 12:2

Daqarmoodá' bee/ángw yaariír gu kón nee hikwaá yaariire.

1 WAAWITÁ 4:30

Solomon múk yaamaá da/aáw nee oo Misriro gi baa/ sagalooaro.

2 WAAWITÁ 15:20

Menahemu daqaare gana /uurutimís ohmér shekeéli mibeeri kooán ar peesa ngiwa haniisiya' umuúqo heewo. Aluuwo Pulu aa hootiiká baraá yaamaá Israeliro, ina baraá ayaawós kií/.

2 WAAWITÁ 3:4

Waawutmo Mesha oo Moabu, inós a de'eemusmoó bee/aangw, nee umuú kurko ohme gana bu'ún dír waawutmoó múk Israeli ar deeloó bee/aangw kume tsiiru, nee se'éngw bee/ángw kume tsiiru.

1 QOM'I 27:30

Heé angamía ga sagesihhmiít a Obili heé tlahhoó Ishmaeli. Heé daqwaayér sagesihhmiít a Yedeya, heé Meronotír daáhh. Heé bee/ángw sagesihhmiít a Yasisi heé tlahhoó Hagri.

2 QOM'I 26:10

Inós sleeme baraá darmuuwo /aampu giri tleéhh, tlahheesaá yaariir giri foól, asma inós hikwaá yaariir gi kón baraá yaamaá goongoama nee baraá xatsowo. Inós doosla ga ló'wa slaa', muu guri qaás oo qamuuwós xuúm baraá yaamaá goongoamawo nee yaamuudá' wahhaara'a.

2 QOM'I 32:29

Sleeme gixsaduuwós giri tleéhh, inós hikwaá yaariir nee bee/aango gina sláy, asma Mungú inós guna tsuúq, guri daqaari'iimár yaariír i haniís.

YOBU 1:10

Gár us ilaiwawa/i aqo adoosíng kuúng kuwa xuun bihhe sleémeero, inós nee múk do'ós sleémeero nee muruuwós sleémeero. Slám inós ugwa ló'wa tsúq, daqaari'iimarós iri ló'wa doogiín baraá yaamuwo.

YOBU 1:4

Ki/imaá yaariire daaqoó Yobu muruú /aymár úr kun tlehhahhiit ar baalaqaasi dír maray'ín wa alé. Hhaeeín kudaá tám awa dasu ngin dah'imaamisiyá', as tawa al/ayín nee tawa alwahan.

YOBU 21:28

Asma kuungá' hamí a kata', ‹Doó waawutmo gaálaay, do'odá' heé tlaákw aa hoót i amá?›

YOBU 29:25

Ina loohírí laqaám, aníng tari adór waawutmooín. Aníng tari adór waawutmoó baraá tla/ángw slaqwaruuseerós i dirií'. Aníng tari adór heé múk tsuunqumiís gu gurkwa/amís.

YOBU 31:25

barnaxes aga qwalaá/ as daqaari'iimar'eé' kawa yaariír, laqaá as dakw'eé' iwa tleemaai,

YOBU 31:37

Mungú geeraawo un umuú gaárí oó' baraá hotaaeene, geera an adór garmoó waawutmoó wá daqáw amór Mungú.

YOBU 42:10

Alaá Yobu mukdá' nguwa hhe'eés aleefirooro, AAKOÓ MUNGÚ Yobu guri adoodár aángí ki/ís, guri muruuwósí ki/ís sleémeero kuduú aáng ba/a sagáwa tsár wa ale.

YOBU 42:12

AAKOÓ MUNGÚ hotaá Yobu kukaá alu gina ak tsuúq ta kudaá geeraawo. Bee/ángw Yobu tari kume mibaá nee tsiyáhh, angamiarós a kume lahhoó', hikwa ngi kon kume tsár, nee daqwaayér /ameena a kumuú wák.

AXWEESANOÓ SAGALOOA 10:22

Tsuuqaá AAKOÓ MUNGÚ i daqaari'iimár huwahuwiyá', nee gár tlii/ ngi tsuuqaá al haniisiiká.

YEREMIA 49:28

Axweesantí an tidá' AAKOÓ MUNGÚ aa oó' daanduú Kedari nee waawuti'iimár Hasoriro tidá' waawutmo Nebukadnesa oo Babuloni aa baál. AAKOÓ MUNGÚ i kaahi, «Sihhiít, tlahhoó Kedari i haraatlaweek múk bihhaá da/aáw hhaamiiseek!

FAARO 23:7

Bala'amu aarirós tí gari oó', iwa kaahi, «Balaki ina leéhh ay yaamaá Aramu, waawutmoó Moabu ina leéhh iimír tlom'aá da/aáw, iwa kaahi, ‹Qwaláng múk Yakobo lu'usek as daanduueé', qwaláng múk Israeli tli/isek!›

HAR'OHUUSE 6:3

Umuú daqto múk Israeli balaangw burngwa dahaasiyé' baraá qamuuín, múk Midiani nee oo Amaleki, nee oo hatlá' kuduú da/aáw, tan haraatláy amor'ín.

HAR'OHUUSE 6:5

Mukwí ina intsahhán daqaaqango, inooín ki ló'wa yaariir adór ingigi nee hikwaaine, nee angamíaro nee heemaduwo, niri hotaá ayé' yaamaá múk Israeli, yaamaá múk Israeli ngiri hhitaatiné'.

HAR'OHUUSE 7:12

Múk Midiani, nee múk Amaleki, nee múk hatlá' sleémeero oo da/aá daáhh xatsa ngaa qaroó alqaatiyé', yaareemaawo a adór ingigi, nee inooín angamíár yaariir adór hhasángw afaá tlawi ngi koná'.

HAR'OHUUSE 8:10

Seba nee Salmuna ta baraá yaamaá Karkorírí dirii' dinkwa nee slaqwaruusér kume mibaá nee kooán ar aa met slaqwaruusér da/aawe, asma hhaeeín awa slaqwarár paangadu ngi baalá' awa kume tsiiru nee mibeeraá tsár kina qororo'oós.

1 SAMUELI 25:2

Nee heeko wák i deer amoodár Maoniro. Heewí in halaanu'uumár tlehhahhiit Karmelír wa ale. A daqaarmo ló'wa ale, bee/ángw kume tám nee aaraá kumuú wák gi kón, inós i se'éngw bee/aangós tlaqaqaat gawaá tloomár Karmelír wa ale.

1 SAMUELI 27:9

Daudi ayeemoodá' gina haraadáh ar slaqwara, tam heé aa geexáy i kaahh, hhawaate nee /ameenaaro, hikwa nee daqwaaye, nee angamía, bee/aangw nee tlabaawo, iri kií/ amór Akishi.