YOBU 1:22 - Biblía Axweesantá Hhohho' ar Mungú 2004

²² Baraá muruuwí sleémeero, Yobu Mungú ngwaa tlakweemií tleehhiiká, nee sleeme gwaa gár tlaákw bayká.

YOBU 1:22 Iomraidhean Croise

YOBU 2:1

Wa'aá hatlae, looarka wake malaykér Mungú ina burumburít dír geeraá AAKOÓ MUNGÚ, Neetlaangw sleeme ina dír dinkwaadá' i hardáh.

YOBU 2:10

Yobu hareerós gari mu/aywaáts, iri oó', «Kiíng adór tar axwes a adór /ameenár daktana ir axweemaamis. Bar muruú hhó' una dír Mungú wa ilaoohaán, gár muruú tlákw kus ilaoohanaaká a milá?» Baraá muruuwí sleémeero Yobu /aymuú tlaákw afkose gwaa ooiiká.

YOBU 34:10

Gawaá adoorihe, kuungásingá' tsaahhár koomá', aníng iiarí qaasaré', a gár ya/aamaaká Mungú tlakweema ngiwa tleehhi, nee Munguú Aleesleemusmo i baloó dakuusiiká.

DAHARUSMO 8:14

Garka wák baraá daanduú yaamuwo aga ár ar tawór huwisha, sakwasleemár múk tlákw wá hariim múk hota ganaá' gun sleér, nee qeemuú múk hota ganaá' wa hariím múk tlákw gun sláy. Án a kah tí sleeme a tawór huwisha.

MALAKI 3:15

Adór atén kar tsatsahhaamana múk sagegawdén an ak múk amohhoó', nee múk slasla/aruú tlehhiít, an múk gár slasláw. Nee kudá' Mungú ngu iiara'ará', an múk aa /uy.› »

Rumi 9:20

Ala kuúng heé, kuúng a heemá, tiwa tlaampa'aamisa' nee Mungú? Gár taa tleéhh, tleehharusmoowós gunqo beéra, «Aníng misa adoorír tléhh?»

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

Yakobo 1:4

Ala qiqtliingw gadiyér ganaa' ngi tleehhi, as masók kuungá' tawa múk ganaá' baraá umuúqo gaaro, nee tawa múk qoóm, slám kuungá' gár nuwa /aaruw i káhh.

1 Petro 1:7

Iiara'aduuwí gídaabárós i deer. A haratlintaaorhúng kan iiara'ar, xáda xáy haratlintaaorhúng tisíng ar lóe? Sahaábu a gár qwaar, tam ku iiari ar baraá asltadár sahaábu kur hhoohhooeemiis. Ala haratlintaaorhúng ka ló'wa afhhamít ta sahaábuwo. Asma haratlintaaorhúng bar kaa iiár, i hariín kawa diidi'iimiisi nee kawa xirfayeemisi nee kan ilaiwawaa/ qoomár Yesu Kristo burkwa geehhooés.