YOBU 1:21 - Biblía Axweesantá Hhohho' ar Mungú 2004

²¹ Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

YOBU 1:21 Iomraidhean Croise

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

IIMU/UUNGW 30:2

Yakobo Raheli gari i buúhh, gari báy, «Aníng Mungú ina kitaangós wa qaási? Aníng a heé xwaylarók gaa ilaá/i?»

IIMU/UUNGW 45:5

Ala daxta kuungá' ma gurhaamuutara', laqaá miti lu'umisaara' as iwa weerisé'. Aakoó Mungú aníng ina geerií huúw as slafíngw muu nguwa ba/amis.

2 SAMUELI 16:12

Hám wané', AAKOÓ MUNGÚ slahh'amueé' gwaa ár. Inós adoorí aníng tiwa lu'umisi laarí ngin buu' ar hhooeema.»

1 WAAWITÁ 12:15

Gawaá adoorihe, waawutmo mukwí guna gaárí xuiiká, asma gaarí amór i dahh a amór AAKOÓ MUNGÚ, as axweesantós tidá' ngiwa boo/eesi, tidá' aa Yeroboamu garmoó Nebati báy ar afkú aarusmo Ahiya oo yaamaá Shilo.

2 WAAWITÁ 20:19

Hesekia iri oó', «Axweesantasír AAKOÓ MUNGÚ ta kat i qoón.» Asma inos ina baraá guruuwósí oó', «Ahaá ala, gár is tleehharutká a milá, bar baraá waawuti'iimar'eene wayda i deer nee saxremaawo?»

NEHEMIA 9:5

Aluuwo múk tlahhoó Laáwi ín Yeshua, nee Kadmieli, nee Bani, nee Hashabuea, nee Sherebia, nee Hodia, nee Shebania nee Petahia, muu nguri bayé', «Sihhiité', AAKOÓ MUNGÚ, Munguúhúng xirfayeemisaak, iimír iimu/uungw wasle ay alhhe'eesay wasle. Nee umuuwók kudá' xiríf ku diidi'iimisi, kudá' aa iia tleeruy ta tsuuqa nee xirif sleémeero.»

YOBU 1:11

Axáy dakók gawaawós i tleeseek, daqaari'iimarós kwatiiteek, áx buraqo /ooslinká.»

YOBU 2:10

Yobu hareerós gari mu/aywaáts, iri oó', «Kiíng adór tar axwes a adór /ameenár daktana ir axweemaamis. Bar muruú hhó' una dír Mungú wa ilaoohaán, gár muruú tlákw kus ilaoohanaaká a milá?» Baraá muruuwí sleémeero Yobu /aymuú tlaákw afkose gwaa ooiiká.

YOBU 9:12

Gaarós ar i slai gan taataahh gari ar tláy, heé inós ilaa/aro gu aleesláw a heemá? Heé inós gu báw, «Ma tlehh,» a heemá?

WARA'AMI 34:1

Aníng AAKOÓ MUNGÚ u diidi'iimiís qooma sleémeero, inós afkwe'eene u xirfayeemiís daqisleém.

WARA'AMI 34:2

Muunaáeé' AAKOÓ MUNGÚ gu xirfayeemiis, múk slahhahhaá' tí ka axaasi, nee ta qwalaala/i.

WARA'AMI 39:9

Aga xasliít afkwe'eé' ugwa mutsutsuú'. Asma kuúng an kudá' adoorí gaa tleehh.

WARA'AMI 49:17

Bira gwaá', gár i huwi i káhh, tam xirfuuwós gu eehariiká tam ay baraadá'.

DAHARUSMO 12:7

Dír kuúng tara baraá hhapeérí ki/iká, nee dír qeeru ira ki/iiká amór Munguúdá' ngwa haniis.

DAHARUSMO 5:14

Gitsa/aá tlakwe daqaari'iimadá' bira hhiturút iri fák, gár aa dakós i met i káhh, slám inós a heé na/oó koóm.

DAHARUSMO 5:15

Hee adoodá' kura laqwaál ir tlabaá konká aqo adoodá' ganar kii/, gár i huwi i káhh tam ar wák baraá muruudá' aa tleehhi.

DAHARUSMO 5:19

Umuú hee kudá' Mungú aa daqaari'iimár i haniís nee pa/ángw ngiwa saqwalalaa/i, daqaari'iimarós tidá' a dabaawós ar tleéhh, sluufay ngu ooi as slaasláwarí, tí an qeemuú Mungú.

ISAYA 24:15

AAKOÓ MUNGÚ kuri xirfayeemiis da/awe, mukduú afaá tlawtá hoót, umuú AAKOÓ MUNGÚ, MUNGÚ Israeli, nguri xirfayeemisiyá'.

ISAYA 42:24

Xáy, heé Yakobo gwaa haasaáng tleehh nee múk Israeli gwa fiis, Xáy, a AAKOÓ MUNGUHEKÁHE kudá' atén taa sadakusaán, kudá' handá' lohuuwós ooharo taa siaán, nee dabeerós taa iialooesaniiká.

ISAYA 45:7

Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

WA/AA/I 3:38

Muruú tlákw nee oo hhoe dír ni daraahhi a baraá afkú Kudá' Gáwtí diriaakáhe?

AMOS 3:6

Xáy, tarumbeéta kaqo tawo ufaáhhi baraá gixsaro, muu iri da'ayutiiká? Xáy, gár tlaakw iqo baraá gixsár wa tleehharúta ar amór AAKOÓ MUNGÚ dahhaaká?

Matayo 20:15

I hariindakáhe aníng muruueé' nguwa ar gadiyuus ar adór án ngur slaa'. Laqaá daxta kuúng gura' un ohína asma aníng tiwa hhoó'?› »

Tlehhema'aá ya/Abuuse 4:28

As kawa tleehhi tidá' kuúng taa slá' nee taa tsabiín kawa tlehh ar /uuruuwók, iimír iimu/uungo iwa bo/.

Efeso 5:20

Nee Mungú Baabá ku sluufmisá' daqisleém as mura' sleémeero ar baraá umuú Aakoorén Yesu Kristo.

1 Tesalonike 5:18

Mungú sluufmisaak baraá umuúqo gaaro. Asma gaarí an gár Mungú i slai dír kuungaásingá' awa baraá Kristo Yesu i diriia'a.

1 Timoteo 6:7

Asma atén niwa hardahaán baraakaá yaamu, gár ta koomaan i káhh, slám yaamu bir geexawaán, gár tar tlawaan i káhh.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

Yakobo 5:11

Ga/aawaak, mukdá' aa qiqtlaatlin ay alhhe'eesaay atén un babawaan a múk amohhoó'. Kuungá' kángw qiqtlíngw Yobu ugwa axasé', nee aga aandé' tidá' Aako aa dír Yobú i tleéhh alhhe'eesaywo. Aako guruuwós iri tláy nee inós i haats gurtleemuuwo.

RUTI 1:21

Qoomár aníng niwa tláw, umuú gaaro a koóm. Ala AAKOÓ MUNGÚ aníng iga ki/ís ar gaa wasl. Waáy, mihar Naomír ateetiindá'? Asma AAKOÓ MUNGÚ Aleesleemusmoó mura' sleémeero aníng iga amotlakweér i haniís nee iri slahh'eés.»

1 SAMUELI 2:7

AAKOÓ MUNGÚ hee gun narkwií kwaahh, inós barakarka gari daqaari'itís, inós heeko gu niinawees kooko guri urees.

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.

1 SAMUELI 3:18

Naagáy Samueli umuúqo /aymuuwo guna oó', oo aa duqún i kaahh. Eli iri oó', «Inós a AAKOÓ MUNGÚ. Inós adór i slai ngi tleehhi.»