YOBU 1:17 - Biblía Axweesantá Hhohho' ar Mungú 2004

¹⁷ Qoomár kwí kaangwí nguwa hhe'eesiiká ooaro, oo hatlá' nina hardáh, iri oó', «Múk Kaldayo tina amohhe'eés ar daqooray tám, angamiadu ngiri hayoohiyé', sagadiyuuse ngiri tsu/iyé' ar paánga, aníng kilooeé' nina /úw, as kaangwí nguwa ooár aw.»

YOBU 1:17 Iomraidhean Croise

IIMU/UUNGW 11:28

Harani iri gwaá' baraá gixsár Uri ar baraá yaamaá Kaldayo, didá' kuwa laqwaál. Inós gwa'araaro ina giirín dír baabuúwós Terawo.

IIMU/UUNGW 11:31

Tera Abramu garmaawós gurir tláy, nee Loti garmoó naangós, na/oó Harani, nee Sarai harér garmaawós Abramu. Inooín nina altlayé' iimír gixsár Uri wa alé ar baraá yaamaá Kaldayo as tawa yaamaá Kana'anír kay. Ala tawa hardáh yaamaá Harani, tana baraadá' wa hoót.

2 SAMUELI 1:3

Daudi guri báy, «Kuúng a dáhh?» Inós iri oó', «Aníng nina /akuút baraá kitángw slaqwarár Israeli wa alé.»

YOBU 1:15

múk Seba atén tina ii haratláy, sagadiyuuseerók kari tsuú/ ar paánga, hikwa kiri hayóh, aníng kilooeé' ana /úw, as kaangwí nguwa oo'.»

YOBU 1:18

Qoomár kaangwí ooaro nguwa hhe'eesiiká, oo hatlá' ina hardáh, iri oó', «Na/iiwók, daaqaay nee dasuuwo, qoomár tawa dír doó hhiyaaín oo úr wa /ayin, nee tawa difaáír wahan,

ISAYA 23:13

Ga/aaweek mukdá' makaá sla/a ngaa geemay niwa haratlaya' amór gixsár Tiro a múk Kaldayo, slám a múk Ashururoká. Inooín an múk gixsa gaa harweer ar /aampu, as kawa i haratlay, maraywós kudaá waawitá kiri taangúy.

ESEKIELI 23:23

Aníng múk Babuloni ngu dúk, nee oo Kaldayowo, nee mukduú Pekodi sleémeero, nee oo Shoa nee Koa, dinkwa nee múk Ashuru sleémeero. Aníng masoombár hhohho' ngi dúk sleémeero nee ga/awuuse, nee geeraharuusér slaqwaruuse, nee waawitá nee slaqwaruuse sleémeerowo tidá' aa tsa/aan gawaá faras.

HABAKUKI 1:6

Asma ga/aawaak, aníng xoorór Kaldayo ngi tleés, xoorodá' xaraasl tidá' slaqo tsadér, tam gár kir qoomeesi i káhh. Inooínadá' waraarahhá' ar baraá ayeemo as aalír múk hatlá' ngiwa aaliya'.