YOBU 1:10 - Biblía Axweesantá Hhohho' ar Mungú 2004

¹⁰ Gár us ilaiwawa/i aqo adoosíng kuúng kuwa xuun bihhe sleémeero, inós nee múk do'ós sleémeero nee muruuwós sleémeero. Slám inós ugwa ló'wa tsúq, daqaari'iimarós iri ló'wa doogiín baraá yaamuwo.

YOBU 1:10 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 26:12

Isaka dahaasiingw guri dahaás baraá yaamudae, kurkudae iri ak bu'ún sagaáwa tsiiru. AAKOÓ MUNGÚ guri tsuúq.

IIMU/UUNGW 30:30

Qoomár án niwa hardihiiká, daqaari'iimarók ka niina. Hám daxta aa doogiín, nee AAKOÓ MUNGÚ kuúng ugwa tsuúq umuúqo dír naa kawi. Hám daxta a xaylá aníng ti kilooeé' aleeslaw?»

IIMU/UUNGW 30:43

Adoorihe heewí muruuwós iri ló'wa tlaáhh, nee sagadiyuuseerós nee lawaaleero, nee angamía nee daqwaayerose.

IIMU/UUNGW 39:5

Iimír Yosefu nguwa qaás tawa sageesihhtusmoó umuúqo gaaro baraá do'ose, AAKOÓ MUNGÚ doó Potifa guri tsuúq as Yosefu. Umuúqo gár i kona baraá do'o tam baraá qaymooro gari tsuúq.

IIMU/UUNGW 49:25

Munguú baabuúwók u alee/iisi, Munguú Aleesleemusmo u tsuuqi ar tsuuqaá dooraá dahhá', ar tsuuqaá iltá tlawtá dahhá', ar tsuuqaá ilwa nee na/ii.

YOBU 1:3

Yobu a daqaarmoó tlií/, bee/aangw ngu kon kume faanqw, angamía kume tám, awér doosla ngi kon kumuú wák. Daqwaayér /ameena ngi kon a tsiire kooán. Sagadiyuusér do'ós ka ló'wa yaariir. Inós a heé ló'wa iia tleér baraá yaamuudaá da/aawe.

YOBU 29:2

«Ooyeey! Tsiní geera bar aníng an adoodár slahheeraá geerií kaáhh, de'emaadá' aníng tiwa de'aaen nee Mungú.

YOBU 29:6

deeloodá' ya'aaeé' ngiwa hamtlaatliit ar ilwa, nee duxér di/i niwa amór dooeéní wa/amiin baraá tla/ú wa ale.

YOBU 31:25

barnaxes aga qwalaá/ as daqaari'iimar'eé' kawa yaariír, laqaá as dakw'eé' iwa tleemaai,

YOBU 42:12

AAKOÓ MUNGÚ hotaá Yobu kukaá alu gina ak tsuúq ta kudaá geeraawo. Bee/ángw Yobu tari kume mibaá nee tsiyáhh, angamiarós a kume lahhoó', hikwa ngi kon kume tsár, nee daqwaayér /ameena a kumuú wák.

WARA'AMI 107:38

Mukós guri tsuúq, tari ló'wa laqwaál, muruu'ín oo de'eengw iri tleemaá'.

WARA'AMI 34:7

Malaykamoó AAKOÓ MUNGÚ mukdá' AAKOÓ MUNGÚ gu ilaiwawaá/, gun harweer ar slumtós as nguwa xun guri ba/amis.

WARA'AMI 5:12

AAKOÓ MUNGÚ, kuúng kudaádá' hota ganaa'á' in tsúq. In báq ar hhooeemawók adór gaamboót.

WARA'AMI 71:21

Kuúng ilaiwa/amer'eé' ngin dók, nin amor'eénií kí/ iri gurkwa/ás.

WARA'AMI 80:12

Asma milá koo/irós masa fe/é', mukdá' sleémeero waraáhh ar baraá loohi guri bu'ún?

WARA'AMI 90:17

AAKOÓ MUNGÚ, Munguúrén, masók hhohhoaarirók i gawaarén i dirí', gadiyér dabaarén ya/ameek, kuúng gadiyér dabaarén ka kwa/ás.

AXWEESANOÓ SAGALOOA 10:22

Tsuuqaá AAKOÓ MUNGÚ i daqaari'iimár huwahuwiyá', nee gár tlii/ ngi tsuuqaá al haniisiiká.

ISAYA 5:2

Gana doosla hhe'eés, tlaa/e sleémeero giri hingeés. Baraadae sabiíbuudá' taa tsawaár guri hamareés. /Aampár xuuma gari baraá tla/angwdií tleéhh, nee bohóngw sabiíbu kuwa tsoo/iti guri foól. Naagáy sabiíbu guna dán iwa laqwaali, ala sabiíbuudá', sabiíbuú sla/a guri laqwaál.

ISAYA 5:5

«Hám daxta adór qaymoorí ngi laaq ngi oó'. Yawtós an feé/, kari hhitín, koo/irós an feé/, kari yaamií kal/án.

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

DABE 33:11

Aá AAKOÓ MUNGÚ, /uuruuín tsuuqeek, nee gadiyér dabaaín ya/aameek, afeetlér wakuuser'ín giqaweek, kudá' inooín ngi ahhiitá' mindiwa malé sihhiitiyé'.»

DABE 33:27

Munguú iimu/ungw wásl an dír guwaywók. Dabaawós kudá' alhhe'eesay wasl un loohisiyá'. Inós wakuuse gan geerawók wa guus, i kaahi, ‹Hhaamiseek.›

DABE 7:13

Kuungá' nuri slaa' nee nuri tsuuq, kuungá' tari ló'wa tláhh, nee na/iihúng niri tlahhiyá', qamuuhúng giri tsuuq as kuungá' balaangw kuwa sleera', nee difaái, nee di/to, kuungá' nu tsuuq as hikwa nee bee/aangw ngiwa haniisi baraá yaamuudá' aa al'axweés.

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.

1 SAMUELI 25:16

Mukwí atén tina harweér adór slumtá atén taa baq xweera nee tlaatla/aango, qooma sleémeero tawa bee/ángw de'eemaán.