YOBU 1:1 - Biblía Axweesantá Hhohho' ar Mungú 2004

¹ Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

YOBU 1:1 Iomraidhean Croise

IIMU/UUNGW 10:23

Nee daaqoó Aramu a Usi, nee Huli, nee Geteri nee Mashi.

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 22:12

Malaykamo iri oó', «Dakók mu tleesaar gawaá garmií alé, laqaá tam mu gaa /iisaar. Asma daxta aníng aga tsaáhh adór kuúng Mungú kur ilaiwaawá/. Qaytsiít tam sleeme kuúng garmaawók oo kilós oo ta sla', ugwa ila/iká dir'eéní haniisaro.»

IIMU/UUNGW 36:28

Daaqoó Dishani a Usi nee Arani.

IIMU/UUNGW 42:18

Bál tame Yosefu giri báy, «Asma án Mungú nguwa haratlintaatii', adoorí tleehhaak as tawa hota'.

IIMU/UUNGW 6:9

Kuká' an xwaylár Noa. Noa a heé gan'amkú koóm. Inós a heé hhoó' ta múk hatlá' oo qoomaarose. Noa nee Mungú tana aldinku'uumaamiís.

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

1 QOM'I 1:17

Daaqoó Shemu aa laqwaál a kwí: Elamu, nee Ashuri, nee Arpakshadi, nee Ludi, nee Aramu, nee Usi, nee Huli, nee Geteri nee Mesheki.

1 QOM'I 1:42

Daaqoó Eseri a kwí: Bilhani nee Sa'awani, nee Ya'akani. Daaqoó Dishani a kwí: Usi nee Arani.

YOBU 1:8

AAKOÓ MUNGÚ Neetlaangw guri báy, «Án ngi slaá' sagadiyusmooeé' Yobu ngwa aán. Inós a heé hhoó', oo gan'amuú tlehhiít, heé Mungú gu ilaiwawaá/, slám a heé tlakweemaá sla'aaká. Baraá yaamuwo heé adór inós i kaahh.»

YOBU 2:3

AAKOÓ MUNGÚ Neetlaangw guri báy, «Sagadiyusmooeé' Yobu ugwa aándi? Baraá yaamu sleémeero heé adór inós i kaahh. Inós a heé hhoó', oo gan'amuú tlehhiít, a heé Mungú ilaiwawaá/, tlakweema gi slaiiká. Inós aa ló'wa /aátl gan'amu nguwa tlehhiiti, tam kuúng aníng iga duki, as muruuwós nguwa tawó hhaamiis.»

YOBU 28:28

Mungú hee guri báy, ‹Ga/aaweek, Aako bur ilaiwaawá/ an sagalooa, nee tsaahha a tin parátl dír tlakweemaawo.› »

YOBU 4:6

Ahaá, harahhifoorók a Mungú kuwa ilawawá/ke? Gan'amuuwók an gár kuúng taa haraahhífke?

YOBU 9:21

Tlakweema i mak koomaaká, ala aníng ti gaárií xuaaká, slafingw'eé' u sla'aaká.

TI'INAANGW 18:21

Ala muruú hatlá' dír kwihe, muu na leelehheek baraá tla/angw'ín wa ale, masók a múk aleesleemuú koóm, múk Mungú ilaiwawaá/, múk inkihhimuú koóm, múk slukmár /ayaaká. Waawiti'iimárí haniseek, bahh'ale múk kumuú wák ngu geeraharahariye', bahh'ale múk tsiiru, kooko múk mibeeri kooán, kuqá' múk mibaangw.

AXWEESANOÓ SAGALOOA 14:16

Heé sagaloó' tlakweema gi da'ayumiit nee giri kwirihhiit, Ala heé daktani i paslaahh nee i fadaaq.

AXWEESANOÓ SAGALOOA 14:2

Heé gan'amúr hoót i AAKOÓ MUNGÚ ilaiwawaa/, Ala heé aa parangaa/ i Mungú waaqaqaa'.

AXWEESANOÓ SAGALOOA 16:17

Gár slahhaa' dír heé hhooe a tlakweema gin geewakáy, nee heé hotaawós gaa harmagaahh a slafiingw gun amohhe'eemiis.

AXWEESANOÓ SAGALOOA 16:6

Tlakweemaá hee kin gurtláy as iialooa nee inkihhimu, tam heé AAKOÓ MUNGÚ gu ilaiwawaá/ tlakweema gin geewakáy.

AXWEESANOÓ SAGALOOA 20:7

Heé hota ganaá' nee oo tsaeemár hotaatiím, Na/iiwós ki tsuuq aluuwose.

AXWEESANOÓ SAGALOOA 3:7

Miti kilók xuaar tawa heé sagaloó', AAKOÓ MUNGÚ ilaiwawa/eek, tlakweema ilaguweek.

AXWEESANOÓ SAGALOOA 8:13

AAKOÓ MUNGÚ bur ilaiwawá/ a tlakweema i áhh; Daara/aangw ugwa aáhh, nee hi/niro, nee lohdaá tlakwe, axweesanoó sagagawda ugwa aáhh sleeme.

YEREMIA 25:20

nee dahaaye sleémeero tidá' yaamaá Misrír wa hoot, nee waawitá sleémeero oo yaamaá Usi, nee waawitá sleémeero oo yaamaá Filisti, nee oo Ashkeloni, nee oo Gasa, nee oo Ekroni, nee yaamuudá' naa meetiye' awa Ashdodi.

WA/AA/I 4:21

Qwalaala/é' nee qaseesemé' daxta, kuungaá Edómu, kuungaásingá' yaamaá Usír hootá', ala xooslmoowuú sakwasleema kungu dirhúng i haniis sleeme as kuwa wata', tay oonimitá' tlabaahúng kay kwakwahhá'.

ESEKIELI 14:14

tam geera Noa, nee Danieli, nee Yobu in baraá yaamuuká' i diri'iia, inooín mukwí /iisaro ngu aleeslay'aaká, aqo har slafingw'ín ngun ba/amisiyá', as gan'amuuín kudá' i koná'. Anuú Aakoó MUNGÚ tí aga oó'.

ESEKIELI 14:20

tam geeraawo barnaxes Noa, nee Danieli, nee Yobu in baraá yaamuukae, adór anuú Aakoó MUNGÚ nirqo hotaatina, ar ló', tam na/oó wák oo garma laqaá oo dasi oo ta ba/amiisi i kaahh. Aqo har inooín slafingw'ín kilós ngun /iisiyá', asma gan'amuuín kudá' ta kon.

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

DABE 18:13

Kuungá' masók gár nuwa /aaruw dír geeraá AAKOÓ MUNGÚ, Mungúhung i kaahh.

Yakobo 5:11

Ga/aawaak, mukdá' aa qiqtlaatlin ay alhhe'eesaay atén un babawaan a múk amohhoó'. Kuungá' kángw qiqtlíngw Yobu ugwa axasé', nee aga aandé' tidá' Aako aa dír Yobú i tleéhh alhhe'eesaywo. Aako guruuwós iri tláy nee inós i haats gurtleemuuwo.

1 Petro 3:11

Inós tlakweema ngi may nee tlehhema'aá hho' ngi tleehhi. Wayda ngu leeleehhi ar ilakaaharu.