YEREMIA 9:8 - Biblía Axweesantá Hhohho' ar Mungú 2004

⁸ Tsifreeri'ín a adór maheeraá qarkú koomá', inooín naa hatsiyé' lamto. Umuú heewo axweesanoó tsuú' gu axwees dír inslaawmowo, ala baraá muunaáwose a adór ngur dahhi gan leelehhiit.»

YEREMIA 9:8 Iomraidhean Croise

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

WARA'AMI 12:2

Sleémeero axweesanay'ín a axweesanoó lama. Afer'ine a waaqoduuse nee baraá muner'ine a al/aymuuse.

WARA'AMI 12:3

AAKOÓ MUNGÚ waaqoduuse ngi xasltisi, nee afér daar/uuse ngi tseegi,

WARA'AMI 120:3

Kuungaá lamuúse, gár tundu i tleehhi a milá? Nee adór tundur muxi a adoomá?

WARA'AMI 28:3

Aníng mi harahuwaar dinkwa nee múk tlakuuse, kudá' tlakweemaá tlehhahhiít. Afer'ine i wayduú axweesiyá' dír inslaaway'ine, ala baraá muner'ine gár aa hats a wakaari.

WARA'AMI 35:20

Axweesanoó i axweesiya' oo wayduwooká. /Ayseeno ngin tlaaqiyá' dír múk wayduú sla'a.

WARA'AMI 55:21

/Aymi'iiwós i tsuiyá' di/tá /awak ba/a. Ala muunaáwose gaa a slaqwara. /Aymi'iiwós i natsaatsaiyá' adór di/i, ala i tlaaqaná' adór siíme.

WARA'AMI 57:4

Aníng taa harweér nee wakuusér adór direeri, kudá' múk /aa/ayá'. Sihhinaín a adór lawlu nee maheeri, tsifreeri'ín a adór tsatoó xaraásl.

WARA'AMI 62:5

Aníng Mungú un daamaraám ar qitla, harahhifor'eé' amór i dahh a amoorós.

WARA'AMI 64:8

Inooín ki hhaamiis as axweesanoó afer'ín ar kilá', heé giqo ara saga gun muumukuumiis.

AXWEESANOÓ SAGALOOA 25:18

Lamabu'usmoó lamtá tlaáq dír inslaawaywós, a adór guhhláy, laqaá paánga, laqaá mahángw qirqiintli.

YEREMIA 5:26

Baraá tla/ángw muk'eene tlakuuse i deer. Múk muruú múk hayoohiím ar /uuru, inooín an adór múk tsir/ór slakaát, tsaaxweeluín ngun qaminá' as muu kuwa ohin.

YEREMIA 5:9

Xáy, aníng kaangwihe sakwasleemaro i qo máwa? Xáy, anuú AAKOÓ MUNGÚ daanduú xoorór adór tihe li/aay bu'utuuwo uqo máwa?

YEREMIA 9:3

AAKOÓ MUNGÚ i kaahi, «Tsifreeri'ín ngaa qwambatmisiyé' adór ga/ale iwa lamemaá axweesiya', nee inooín /uuru ngwaa slayé' baraá yaamuwo ala as gan'amuuwooká, asma nin kumiitiyá' baraá tlakweemaawo, ala aníng i xuiaaká.

YEREMIA 9:4

«Umuú heewo ti harmagaahhi dír inslaawmowose. Nee hhiya' mu harahhifaar, umuú heewo a al/aymusmo nee umuú inslaawmowo a kaantusmo.

YEREMIA 9:5

Umuú heewo inslaawmoowós gun lámtí tlaaq, heé looeema gi káh i kaahh, inooín afer'ín ngina algeemayé' lama ngiwa axwes. Inooín tlakweema ngina tlehhahhitiyé', tam hhu'u'uungo ngiri harslaaqatiyé'.»

MIKA 6:12

Dirhunge daqaarér narkuutér al/agagiim i deer, kuungá' sleémeero a lamuuse, aferhunge a al/aymár katá'.