YEREMIA 9:6 - Biblía Axweesantá Hhohho' ar Mungú 2004

⁶ AAKOÓ MUNGÚ Aleesleemusmo i kaahi, «Inooín /ayta ngin daanduú tiqií qaminá', nee al/ayma ngin daanduú tiqá' wa dogiitiyá'. Aníng iga si'iyé' xu'utiro. Anuú AAKOÓ MUNGÚ tí ngina oó'.»

YEREMIA 9:6 Iomraidhean Croise

AXWEESANOÓ SAGALOOA 1:24

Án kuungá' nuna ateetiím ooimaro tari sié'. Nuri dabár ateetiím sleeme, ala heé qaytsimiít i kaahh.

AXWEESANOÓ SAGALOOA 1:29

Asma kuungá' xu'uti ana ahhé', slám AAKOÓ MUNGÚ kuwa ilaiwawa/a' aga tsawdi'iiká.

ISAYA 1:25

Aníng dakw'eé' un gawaahúng i tleés, Aníng /o/oduuwók in hheehhe'eés, nee slasla/aruuwók sleémeero u hingeés.

ISAYA 1:3

Awu aakoowós gu xuu', nee daqwaay islángw aakoó dooín gu xuu'. Ala múk Israeli gu xuiiká, muk'eé' gár i tsatsahhan i káhh.»

ISAYA 4:4

Qoomaadae Aako slasla/aruú /ameenár Siyoni nee tseerér Yerusalemu gun hhoohhooees ar qeeruú gi sakwasleemuút nee oo gi da/a/aám ar asla.

YEREMIA 11:10

Inooín tlehhmi'idá' tlakw awa baabi'ii'ín ngina i ki/iyé' tlehhtuuwo, kudá' axweesante'eé' nga si'iye' eeharto. Inooín munguaá hatlá' ngina harahhifiyé' nee ngina sagadiyusiyé'. Múk Israeli nee oo Yuda alqadoodá' aníng naa oó' dír baabi'ii'ín ngaa geexayé'.»

YEREMIA 11:19

Ala aníng an adór deelmoó bee/i kudá' tsatsa'aár oo ta gaasár ay. Aga xuiiká adór aníng tir gaasár wa slaá', tawa kaahi, «Xa'anoowí u hhitiimaán dinkwa nee mamuuwose. Un amór saáwií kwahhaán baraakaá yaamaá múk slafa. Umuuwós mukuwa baloó insláy malé alé.»

YEREMIA 13:10

Mukwí tlákw, kwí axweesante'eé' gaa sii' axaasaro, kwí sagagawduuín gwaa eehar nee inslaway'ine. Munguaá hatlá' ngina eeharahariyé' nee ngiri sagadiyusiyé', nee ngina sluufmisiyé', mukwí tay adór inqwaarirí aa hifut, tí gár ya/amaaká.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 20:10

A axamiís muu iwa saasahhan daanduueene, aníng taa umií tsaát i babaya', «Dae tlaqa umuú bihhiwo.» Bahh'alé ta kaahi, «Tlawsé', sakwasleemutaak! Qwalaas, u sakwasleemutaán!» Mulqer'eé' sleémeero i daamaraán iwa kat, «Doóqa i tapiis, atén daqaní li/aay un buaán.»

YEREMIA 5:27

Adoodá' slakaatusmo lakwaanti ngir dalaa/i tsir/ór aa ohini, an adoodá' maray'ín nira hatsiyé' muruú fisooro. An gár inooín is /uuruú kona' nee tas daqaare.

YEREMIA 8:5

Ahaá ala waáy, mukwí loohír ganaa' maska sií', niri ak kumiitiyé' baraá qwanay'ín. Inooín niri ak naagisiyé' munguaá lama eeharahaduuwo, niri si'iyé' ki/imaá amor'eene.

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

1 Korinto 15:34

Daarkiité' baraá oonitimerhunge, nee fuqurangwhúng ar gadiyuusaak, slám tlakweema mi tlehhiitara'. Asma kuungá' bahh'alé Mungú u xua'aaká. Aníng adoorí an káh as kuungá' nuwa mureekees.

1 SAMUELI 2:12

Daaqoó Eli a múk iia waslén, AAKOÓ MUNGÚ ngu gaárií xuiaaká,