YEREMIA 9:5 - Biblía Axweesantá Hhohho' ar Mungú 2004

⁵ Umuú heewo inslaawmoowós gun lámtí tlaaq, heé looeema gi káh i kaahh, inooín afer'ín ngina algeemayé' lama ngiwa axwes. Inooín tlakweema ngina tlehhahhitiyé', tam hhu'u'uungo ngiri harslaaqatiyé'.»

YEREMIA 9:5 Iomraidhean Croise

IIMU/UUNGW 19:11

Aluuwo mukdaádá' afkú doó i dirií' kuri taampúy, oo ninákw nee oo urene, tam tay slaaqamiít afkú do' leelehhtuuwo, kuri slayká.

YOBU 11:3

Ahaá pooqirók muu gu xasltísa? Nee barnaxes a niqiín, heé kuúng u mureekeés i káhhi?

YOBU 15:5

Afkók ugwa tlakweemaá intsaahhatís Kuúng iimi aga náxw ar afkók kwisíng.

WARA'AMI 140:3

Tsifreeri'ine in tsu/uutiyá' adór dayshamoó qarkuú koóm, Baraá afer'ine gár ti'iimiit a qarkuú dayshe.

WARA'AMI 50:19

«Afkók ugwa algeemeér muruú tlákw nguwa alki/iiti. Nee tsifraangók lama gan axwees.

WARA'AMI 52:3

Kuúng tlakweema ina ak gurií bá/ ta hhoeemaawo. Nee lama an ak slá' ta looeemaawo.

WARA'AMI 64:3

Kudá' afer'ín ngaa duuqiye' adór tsati'ií wa ale, /ayma'aá afa tli/a ngin tlaquutiyá' adór maheeri.

WARA'AMI 7:14

Qaytsiít, heé tlaákw aa tsíh tlakweemaawo, gár aa hats baraawose a muruú tlákw gun aldakuut, nee tsiihaywós kwihe gár i laqwaali a lameemo.

AXWEESANOÓ SAGALOOA 12:5

Inslawoó heé hota ganaá' i ganaa', Ala gurbu'úngw heé tlaákw a al/ayma.

AXWEESANOÓ SAGALOOA 4:16

Asma múk tlákw gu'ute gu oohahiindaaká bar tlakweema nga tleehhi'iiká, gu'uter'ín in /akút bar hee ngwa dahhi'iiká.

ISAYA 5:18

Tsaxwaaín kudá' dakuúsár uuruxuumá' ar himuú lama, awa tlakweema ngi uuruxuumá' ar himuú gaári,

ISAYA 57:10

Kuungá' loohír tleer naa qaroó slaaqatimís ala kuungá' a kat'aaká, «Gaarí a gadiyér tawo.» Kuungá' /uuruú /abén kuri sleeré' an gár tasa /ararandi'iiká.

YEREMIA 12:13

Muk'eé' angaáno nguna dahaasiyé', ala gár naa buiyé' a slaamboqáy. Inooín ilakaaharu nguna mak tleehhiyé', ala aqo tawo. Asma buhhtaeé' kudá' xaraasla'a bu'úngw taa sláy a mure.»

YEREMIA 12:6

Asma tam hhaeewók, múk doohúnguú kilá', kuúng una geewaqaát. Inooín kuúng un iigahhamitiyá'. Kuúng inooín mi haratlintatiaar tam i axweesanoó tsuúár axweesiia.»

YEREMIA 13:23

Xáy, heé boó/ kalaywós gu qo warqeési, laqaá du'uma biifayaarós gaqo warqeési? Bir ngi aleesláy, daqaní kuungá' sleeme tlehhma'aá hhohho' i aleesleerá', kuungaáká' muruú tlákw ugwa intsahhé' tlehhtuuwo.

YEREMIA 4:22

AAKOÓ MUNGÚ i kaahi, «Muk'eé' a daktana, aníng i xuiaaká. Inooín a na/aá iimibo/ gár i tsatshhana' i káhh. Inooín lohdaá tlakweema tlehhit ngi xuiyá', ala kángw hhó' tleehhtuuwo ngu xuiaaká.»

YEREMIA 51:58

«Anuú AAKOÓ MUNGÚ Aleesleemusmo a kah, koo/idá' yangaariit ar Babuloni ka yaamií daahh kari hhapeérár alqoomees, nee afeerós tidá' urén kari daa/ ar asla. Muu ina tawo gadiyumaamiís, xoordu tina tawo gadiyédár faakiyé' ala alhhe'eesay'ín a asla.»

YEREMIA 51:64

‹Adoorí an adoodá' gixsár Babuloni iri /et nee iri baloó sihhitaká malé alé, asma amotlakweedá' AAKOÓ MUNGÚ i gawaawós i huwi.› » Alhhe'eesoó axweesantá Yeremia.

YEREMIA 7:28

Kuúng kay beer, «Kuungá' a xoorór afór AAKOÓ MUNGÚ, Munguúín, gaa si' iialooeesaro, tam intsaahhasa ana sié'. Dirhunge looeema naa gwaaiyé', baraá axweesantahunge, tam looeemaá niiná i kahhiyá'.»

YEREMIA 9:3

AAKOÓ MUNGÚ i kaahi, «Tsifreeri'ín ngaa qwambatmisiyé' adór ga/ale iwa lamemaá axweesiya', nee inooín /uuru ngwaa slayé' baraá yaamuwo ala as gan'amuuwooká, asma nin kumiitiyá' baraá tlakweemaawo, ala aníng i xuiaaká.

YEREMIA 9:8

Tsifreeri'ín a adór maheeraá qarkú koomá', inooín naa hatsiyé' lamto. Umuú heewo axweesanoó tsuú' gu axwees dír inslaawmowo, ala baraá muunaáwose a adór ngur dahhi gan leelehhiit.»

ESEKIELI 24:12

Ala aníng aqo gadiyér tawo an tleéhh, kuútuuwós ku ló'wa úr tam asla gu aleesleeraaká.

MIKA 6:12

Dirhunge daqaarér narkuutér al/agagiim i deer, kuungá' sleémeero a lamuuse, aferhunge a al/aymár katá'.

MIKA 6:3

AAKOÓ MUNGÚ i kaahi, «Muk'eé', gár naa kuungá' a tleéhh a milá? Nee gár nura slaaqatís a umós? Gimsé', kuungá' ooare'.

HABAKUKI 2:13

Ga/aawaagáy gaarí amór i dahh a amór AAKOÓ MUNGÚ Aleesleemusmo. Tí muu iwa daawimiti as gár asla i fak nee xoordu gadiyér tawo gaa fák.

MALAKI 2:10

Xáy, atén sleémeero baabuúrén a wákeéke? Munguú taa tleehh a wákeéke? Ahaá baré umuúqo heewo hhiyaawós gun muruú tlákw i tlehhiit, alqadaá baabi'iirén in hhititimaán.

Efeso 4:25

Gawaá adoorihe, lama mawaak. Kuungá' looeema kilooín na axweesaak baraá tla/angwhunge. Asma atén sleémeero a diqoó slaqwtá wák, tidár Kristo.

1 Timoteo 4:2

Intsaahhasarí amór i dahh a amór mukduú lamuuse. Afoodá' hho' ar baraá muner'ín aa hhitirút adór gár taa daá/ ar muqslír da/a/aam.

HAR'OHUUSE 2:10

Slám muu sleémeero oo qartadá' iwa faakiís, qartá hatlá' niri aluuín wa iitleér ar AAKOÓ MUNGÚ gu xuaaká, tam gadiyeédá' aa tleéhh as múk Israeli ngi xuiaaká.