YEREMIA 9:3 - Biblía Axweesantá Hhohho' ar Mungú 2004

³ AAKOÓ MUNGÚ i kaahi, «Tsifreeri'ín ngaa qwambatmisiyé' adór ga/ale iwa lamemaá axweesiya', nee inooín /uuru ngwaa slayé' baraá yaamuwo ala as gan'amuuwooká, asma nin kumiitiyá' baraá tlakweemaawo, ala aníng i xuiaaká.

YEREMIA 9:3 Iomraidhean Croise

IIMU/UUNGW 39:16

Ala harér Potifa inqwaaridá' gari didií geexeér tam tay qoomár hhawaatuuwós ni watli.

AXWEESANOÓ SAGALOOA 12:5

Inslawoó heé hota ganaá' i ganaa', Ala gurbu'úngw heé tlaákw a al/ayma.

ISAYA 1:3

Awu aakoowós gu xuu', nee daqwaay islángw aakoó dooín gu xuu'. Ala múk Israeli gu xuiiká, muk'eé' gár i tsatsahhan i káhh.»

ISAYA 3:5

Nee muu tiri kilooín baramaanuus, umuú heewo nee mulqumoowós, umuú heewo nee inslaawmoowós. Masoomo iri saga gawduú tleehh dír baabuúwose, nee heé daqaatlaákw dír geeraá heé ilaiwa/amér koóm.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

ISAYA 9:18

Tlakweema na oohiyé' adór asltá fuquroó /aay nee laqayaawo, adór asltá baraá gara, quuír ilo' in gáwtí tsa/a/aán.

YEREMIA 12:6

Asma tam hhaeewók, múk doohúnguú kilá', kuúng una geewaqaát. Inooín kuúng un iigahhamitiyá'. Kuúng inooín mi haratlintatiaar tam i axweesanoó tsuúár axweesiia.»

YEREMIA 22:16

Múk liitlakwén nee narkuuteero giri hariímar'ín i haniís, umuú gaaro iri ya/aán. Adoorí an adoodá' anuú AAKOÓ MUNGÚ ira xuú'.

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

YEREMIA 4:22

AAKOÓ MUNGÚ i kaahi, «Muk'eé' a daktana, aníng i xuiaaká. Inooín a na/aá iimibo/ gár i tsatshhana' i káhh. Inooín lohdaá tlakweema tlehhit ngi xuiyá', ala kángw hhó' tleehhtuuwo ngu xuiaaká.»

YEREMIA 5:4

Aluuwo án niri oó', «Mukwí an narkuutér kilá', i fuqurángw kon'aaká. Inooín gár Mungú i slai ngi xuiaaká, dabér AAKOÓ MUNGÚ ngi xuiaaká.

YEREMIA 5:5

Aníng a axweesantá áw dír geeraharuuser'ín, inooín gár Mungú i slai ngi xuiyá', nee dabeerose.» Ala inooín sleémeero i alqoná' waawuti'iimár AAKOÓ MUNGÚ ngina si'iyé', nee iialooeesaro nguna si'iyé'.

YEREMIA 6:28

Inooín sleémeero naa dee/anutiyé', ki sage gawden. Inooín an múk tawo hi'imiít as muu kuwa kaantin. Ki gawden adór muqslír sirdaa/aat nee muqsli. Inooín sleémeero a múk a hhitruut.

YEREMIA 7:26

Ala inooín aníng iga iiárií qaasi'iiká laqaá iga axasi'iiká, ala inooín nina ak sage gawduduyé', muruú ak tlákw nguna tlehhiitiyé' ta baabi'ii'ine.»

YEREMIA 9:5

Umuú heewo inslaawmoowós gun lámtí tlaaq, heé looeema gi káh i kaahh, inooín afer'ín ngina algeemayé' lama ngiwa axwes. Inooín tlakweema ngina tlehhahhitiyé', tam hhu'u'uungo ngiri harslaaqatiyé'.»

YEREMIA 9:8

Tsifreeri'ín a adór maheeraá qarkú koomá', inooín naa hatsiyé' lamto. Umuú heewo axweesanoó tsuú' gu axwees dír inslaawmowo, ala baraá muunaáwose a adór ngur dahhi gan leelehhiit.»

ESEKIELI 8:13

Slám ina malé báy, «Gimáy daameek, muruú urén oo aníng i buhhtamís oo i tlehhitiyá' u ara hhe'és.»

DANIELI 11:27

Waawitaáwí tsár tari dinkwár i iwiit tawa /ayin, ala dir'ine umuú heewo muruú tlákw gun aldakuut daanduú heé hatlae nee tin kilooín al/aginá'. Ala gár tleehharo i aleeslaya' i káhh asma qooma aa xeeriiká.

TLAHHOÓ LAÁWI 19:11

«Ma fisiisimaara', ma al/agiimara', laqaá miti lamemií kaahara'.

Marko 8:38

Asma umuúqo heewo oo aníng i samurumiít, nee as axweesante'eé', baraá mukuú de'emaaká' oo fuquuse nee tlakuuseero, heé adoorí ku samuruut nee Garmoó Hee, qoomár Garmoó Hee birna hardáh ar xirfuú Baabuúwós dinkwa nee malaykér hhohho'.»

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

Tlehhema'aá ya/Abuuse 24:9

Múk Yahudi sleeme sakwasleemadá' gari ya/án, tari oó', «Kangwsíng sleémeero oo ló'.»

Rumi 1:16

Aníng Ya/abtór hho' a murér wa ara'araaká. Asma Ya/abtór hho' an /uuruú Mungú kudá' ba/amár huwahuúw dír umuúqo heé aa haratlintii'i, har geeraawo a dír heé Yahudi, nee tam dír heé Yunani sleeme.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

Rumi 3:13

Hhehhuuín a adór /aantaá kistí diriiá'. Al/ayma kan axwees ar tsifreeri'ín. Gawaá afer'ine gár ti'imiit a qarkwá dayshe.

1 Korinto 15:34

Daarkiité' baraá oonitimerhunge, nee fuqurangwhúng ar gadiyuusaak, slám tlakweema mi tlehhiitara'. Asma kuungá' bahh'alé Mungú u xua'aaká. Aníng adoorí an káh as kuungá' nuwa mureekees.

Filipi 1:28

Wakuuserhúng ma da'ayuumitaara' baraá umuúqo gaaro. Kuungá' bar pihh'uumár koondá', gaarí a laya dir'ine ar inooín iwa qwaariya'. Ala dirhunge a laya adór kuungá' tar ba/aandá'. Nee layaarí amór i dahh a amór Mungú inósuú kilá'.

2 Timoteo 3:13

Ala múk tlákw nee al/aymuuse ta ak geerií kumiit baraá tlakweemaawo. Inooín in al/aginá', nee slám inooín awa kilá' kaa al/aáy.

Yuda 1:3

Sla'aaruúse, aníng kángw ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh adór gár hariím gooiro tar kuungá' nuwa gurbuu'. Gurbu'ungw'eé' a kwí kuungá' haratlintaao sageeslaqwaak, tidá' Mungú aa saayín dír mukós sagaáwa wák wa ale.

Geehhoeemaá 12:11

Inooín sakwasleemusmoodá' kuna arbaá/ ar /uuruú tseerér Deelmoó bee/i nee ar axweesantá lamabu'ungw'ín. Asma inooín slafingw'ín ngwa slai'iiká, tam gwa'ara sleeme ngaa ilaguwi'iiká.

HAR'OHUUSE 14:17

Ala inós guri i /aa/amamiín deeloodá' faanqw sleémeero ar duuxor'ine. Nee bál faanqwe Samson gari oó', asma inós kwaa ló'wa harakeés nee hareerós. Aluuwo inós kangwdá' gway ó' dír mukós.

HAR'OHUUSE 2:10

Slám muu sleémeero oo qartadá' iwa faakiís, qartá hatlá' niri aluuín wa iitleér ar AAKOÓ MUNGÚ gu xuaaká, tam gadiyeédá' aa tleéhh as múk Israeli ngi xuiaaká.

1 SAMUELI 2:12

Daaqoó Eli a múk iia waslén, AAKOÓ MUNGÚ ngu gaárií xuiaaká,