YEREMIA 9:23 - Biblía Axweesantá Hhohho' ar Mungú 2004

²³ AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

YEREMIA 9:23 Iomraidhean Croise

YOBU 32:13

Ti harmagahhe' hee miwa oo', ‹Daxta sagalooa aga sláw, Heé Yobu gur baá/ a Mungú, a heewooká.›

YOBU 41:15

Daanduuwós gár kura tleéhh a darqeefaá gawden, darqeefoodá nina naga'amitiyé' kwaáo' kina naga'amiís ar boohhayaangw.

WARA'AMI 33:5

AAKOÓ MUNGÚ sakwasleemár gan'amu ga slaa'. Yaamu i hatsiyá' sla'aarirós ar warqawaakahe.

WARA'AMI 34:3

Gimsé', AAKOÓ MUNGÚ xirfayeemisaare' dinkwa nee aníng, inós u aldiidi'iisaán.

WARA'AMI 44:9

Tam adoorihe kuúng ta daanduú xu'ús tiri mureekés. Slám nee slawemaá bartaarén taa alkoondi'iiká.

WARA'AMI 62:10

Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunaáwók munguwa hayót.

AXWEESANOÓ SAGALOOA 11:4

Daqaari'iima hee gu gaa wa bu'uká qoomár qwanaywo, Ala hotaá ganaa'á' hee ngu tu/iyá' dír gwa'araro.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

AXWEESANOÓ SAGALOOA 3:5

AAKOÓ MUNGÚ na haraahhifeek ar muunaáwók sleémeero, slám fuqurangók mu haraahhifaar.

DAHARUSMO 2:19

Xáy, heé ga xuú' adór heedaádá' tar heé sagaloó' laqaá daktani? Tam adoorihe muruudá' aníng naa tleéhh ar sagalooar'eé' baraá yaamuukae inós gun aal. Tí sleémeero a tawór huwisha.

DAHARUSMO 9:11

Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

ISAYA 10:8

Asma i kaahi, «Geeraharuusér uren sleémeero a waawitahekáhe?

ISAYA 20:5

Daqaní mukdá' sleémeero oo múk Kushi gwaa harahhiif, nee kudá' Misri gara daara/uut, tan daandeemo feehhamiit, tari amoqwaar.

ISAYA 47:10

Kiíng aga yaandahhe'és baraá tlakweemaawók ale, a kat, ‹Heé aníng i ga/áw i kaahh.› Sagalooarók nee xu'utiroge iga qwaareesiyé', tari baraá muunaáwók i ó', ‹Aníng a kilooeé', heé hatlá' oo adór aníng i kaahh.›

ISAYA 5:21

Tsaxwaaín kudá' ti múk sageeloén wa tsatsahhaamá', nee kudá' ti kilooín tsatsahhaamá' tawa múk daharuú koóm.

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

YEREMIA 48:14

«Xáy, múk Moabu adór kuungá' tar oa', ‹Atén a miguuse nee pihhuusér slaqwarár baal›?

YEREMIA 48:7

As koo/irhúng tidá' gawit nee daqaari'iimaro kiwa harahhifé', kuungá' sleeme tundu ar tláy. Mungú kudá' ta bay Kemoshi ku loohatis dinkwa nee kaahamuuseerós nee geeraharuuseerose.

YEREMIA 49:4

Kuungaáká' haratlintaaór kooma'aaká mas daara/aandá' ar xatsoohúng, kuungaásingá' daqaari'iima aga harahhife', tawa kata', ‹Atén heé ti qiítl a heemá?›

ESEKIELI 29:9

Asma kuúng ana ó' yaaér Nili a tók, kwaáo', kuúng ana tléhh. Ala yaamuuwók Misri tari darmuú tawo nee xaanxaay. Daqaní muu gari tsaahh adór aníng tar AAKOÓ MUNGÚ.

ESEKIELI 7:19

Peésar'ín ngiri kwahhiya' baraá lohdu, nee sahaábuín tari adór gár meetagaamiis. Inooín ti tu/iiaakaá ar peésa nee sahaábuuwo baalaadár buhhtaá anuú AAKOÓ MUNGUHE. Inooín slám ta axiiká, laqaá gur'er'ín ka dala/iiká peesaaro nee sahaábu ta burumbuuri. Asma daqaari'iimar'ín an gár gaa tlakweemá i hup.

DANIELI 3:15

Gimsé', hám bar aga ya/aandé', afór xareemi nee ar filiímbiro, nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango, bar aga axasé', nee bar muslaaqatuudá' naa sihhtís ugwa ii tumbararaa'até' nee kuri sluufisé', daqaní adór hhoo' nee ar qoom aga tlehhé'. Ala adoorí bar aga sié', siiwarír kilae tundu kwahhtá áy baraá bohongwduú asltá gufteeri. Axáy a Mungú gaalá oo nu ba/amís gawaá dabaaeene?»

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

SEFANIA 1:18

Peésar'ín laqaá nee sahaábuwo sleémeero gi ba/amisiiká bál deelór xarasleemaá AAKOÓ MUNGUHE, ala tam yaamu sleémeero kin daa/ ar asltá da/tós, asma muu sleémeero oo baraá yaamuuká' hoót gun qwaarees ar hartsatángw dae tlaáq.

Marko 10:24

Eeharuuseerós axweesantós gari waa/ó/. Yesu giri malé báy, «Ná/ii, ga/aawaak dahmaá baraá waawuti'iimár Mungú adór kir gawít.

Rumi 1:22

Inooín ta kaahi, «Atén a sagalooár koomaán,» ala laatí inooín tari daktu'uút.

1 Korinto 1:31

Gawaá adoorihe, adoodá' Gooi i kat ina tleehharút, «Heé ti kilós xirfayeemiís, masók ti xirfayeemiis as Aako.»

DABE 8:17

Gawaá adoorihe ti harmagahhe' ma baraá munerhúngí ooara', ‹Atén taa kiloorén daqaari'iitisaan ar /uureemoorén, nee aleesleemurén oo kilá'.›

Filipi 3:10

Gár án ni leelehhiit a wak kilós. A Kristo nguwa xuu', nee /uuruú waasle/uuwós nguwa slaw, nee niwa haragwaa' baraá slahh'amaayeerós i alé. Nee aníng tawa adór inós baraá gwa'araarose.

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár afhhamít ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as kahhó' Kristo nguwa slaw,

1 Timoteo 6:10

Asma ilatleerír peésa an iimu/úngw umuúqo gár tlaakw. Muu bahh'alé haratlintaao gaa máy, gurhaamír yaariir kari sláy asma ilatleerír peésa.

1 SAMUELI 17:42

Heedaáduú Filisti iwa qaytsiít, Daudi nguwa ár guna waaqaá', asma a masoomoó niiná slám ku hhoohhoó'.