YEREMIA 9:22 - Biblía Axweesantá Hhohho' ar Mungú 2004

²² AAKOÓ MUNGÚ ina báy, «Tí ooeek, ‹Tuaá muu naa qaqatiné' umuú diiro, naa tlufaafuiyé' baraá qamuwo adór tsuunkáy. Tu'u a adór hhaanslaá taa fiíq, heé gi burumbuúr i kaahh tumu wák.› »

YEREMIA 9:22 Iomraidhean Croise

2 WAAWITÁ 20:13

Hesekia giri dah'ís, do'ós kuduú daqaari'iima ngi amohhe'eemamisi guna laqán: Peésa nee sahaábuwo, nee mooyangwdá' tsuú', nee di/i, nee do'ós oo xooslár slaqwarár koóm, nee xoosla sleémeero tidá' sa dawa gana laqán. Hesekia umuú gár aa laqaniiká i káhh baraá do'ose, nee ar dawa baraá yaamuuwose.

2 WAAWITÁ 20:15

Isaya iri oó', «Gár na ariyé' a milá baraá do'oge?» Hesekia iri oó', «Mura' sleémeero kuduú baraá dooeé' ngwa ariyé', ar na laqamiiká i káhh tam ar wák tidá' sa dawa.»

2 WAAWITÁ 9:37

Tuuár Yesebeli a adór /o/ór baraá qaymo, baraá yaamaá Yesre'eliro, asma heé oó', gaarí a tuuár Yesebeli, i kaahh.› »

YOBU 5:13

Fuquruuse gan uhín ar fuqurangw'ín oo kilá'. Qeeruú ta tlehhiiti inós gun xasltis ar wa'aá wák.

WARA'AMI 49:7

Ar looeemawo hee kilós ba/amisaro ti aleeslayká, tam gár i haniisi kitángw slafiingose i káhh dír Munguhe.

WARA'AMI 83:10

Kudá' naa hhané' baraá Endórír wa ale, nee tu'uuín nay naasuutiyé' yaamií alé.

AXWEESANOÓ SAGALOOA 18:11

Daqaarmo ngiwa xui daqaari'iimarós a gixsár /uuruú koom, A adór koo/ir ló'wa gáwtí tleer, gár dah i káhh.

AXWEESANOÓ SAGALOOA 23:4

Bar sagalooa a koón miti gadiyeédár gaasaar as tawa daqaari'iitár sla'.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

YEREMIA 16:4

‹Mukwí i qaatl ar tiqtír pu/i nee heé tsuunqumiís i kaahh, laqaá heé gi foliít i kaahh. Tu'uuín nin tlufaafuiyá' adór tsuunkáy daanduú yaamuwo. Mukwí ku hhaamiis ar paánga nee qwari, nee tu'uuín a muruú /aymár tsir/o nee makaá sla/a.› »

YEREMIA 25:33

Baalaadae awa ta tsu/i nee AAKOÓ MUNGÚ i qaatiyá' bihhaá wák awa yaamu ay bihhiiqá'. Ki sa tsuunqumisiiká, sleeme ki burumburiiká, laqaá ki foliitiiká, aqo nin meetiyá' gawaá daanduú yaamu adór tsuunkoó hikwa.

YEREMIA 6:21

Gawaá adoorihe anuú AAKOÓ MUNGÚ a kah: Qaytsiít mukwí aníng u dukuutseérí qaás, dukuutseerí gi dukúts, giri daráhh yaamií alé. Ín baabá nee na/ii'ín nin dinkwaárií huuiyá', tam inslaawmo nee mulqumoowós aqo kin hhaamiis.»

YEREMIA 7:33

Tuaá mukwí tari muruú /aymár gwares nee oo makaá sla/a, heé makayká' gi dae tsaát tumu wák i kaahh.

YEREMIA 8:2

Fadu kiri intlah dír tsee/amá nee slahhaangw nee tsatse/uú gawaá doori, dír muruudá' aáng inooín naa slaiyé' nee naa sagadiyusiyé', nee kudá' naa eehariyé' nee ngina hara'ayaárí lehhiitiyé', nee ngiri sluufmisiyé'. Faduuká' ki burumburiiká laqaá ki fooliiká', aqo nin meetiyá' gawaá daanduú yaamu adór tsuunkáy.

HABAKUKI 1:11

Inooín tari waaraahh ar gaanslaay adór fur'a, tlakweema ngin tleehhiyá', i diiqiiaaká asma /uureemooín an adór munguúín.»

SEFANIA 1:17

Aníng muu ngun slahh'amaayér i huúw, bar ta hi'iimiit tay adór taampu, asma AAKOÓ MUNGÚ ngwa tlakweemaá i tleehhiyé', tseerduín kin adór teerír wá ku'uus, nee fu'unay'ín nay adór /o/odu tleehhitiyá'.

DABE 8:17

Gawaá adoorihe ti harmagahhe' ma baraá munerhúngí ooara', ‹Atén taa kiloorén daqaari'iitisaan ar /uureemoorén, nee aleesleemurén oo kilá'.›