YEREMIA 9:18 - Biblía Axweesantá Hhohho' ar Mungú 2004

¹⁸ Inooín ni gaanslár hardihiyé' tawa tsuunqumisi as atén, hhirhheeri baraá ilaarene ni baráy gororoxotiye', hhirhheeri ni baraá ilaarén wa ti'imitiye'.

YEREMIA 9:18 Iomraidhean Croise

WARA'AMI 119:136

Hhirhheeri in xintsaatsiím, asma muu dabeerók gaa sií'.

ISAYA 22:4

Gawaá adoorihe, aníng ana oó', aníng mi i qaytsimiitara', aníng mawaaré' ni /aa/amiím ar slahh'amu, ma daawimiitaara' aníng iwa gurkwa/amisa', asma muk'eé' iwa hhán.

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

YEREMIA 14:17

AAKOÓ MUNGÚ aníng ina báy, as muu nguwa kángw baw daanduú gurhaamir'eene nee nay oó', «Masók hhirhheeraá ilaaeé' nin wa/aminá' tlaatla/aangw nee xweeraawo, masók an kumaamiít /aa/eewo, asma muk'eé' kwa ló'wa hariiáy, nee kwa ló'wa slahh'eés.

YEREMIA 3:24

Iimír masoombi'iimarene tlehhmuuwí oo mureekesaay umuú gaaro gana hhaamiís nee daqooray'ín oo bee/aangw nee oo hikwaawo nee daaqay'ine nee dasuuwo, muruudá' xwayliteérén aa hamér wa xínts.

YEREMIA 3:25

Gimsé' atén gár tiwa hariím an yaamií qaataán as mureerén, nee masók mureekesayrén ti tuuntuuk, asma tlakweema iga tleehhaán dír AAKOÓ MUNGÚ, Munguúrene, atén nee xwayliteérene. Iimír masoombi'iimarén wa tleemu ay laarí atén afór AAKOÓ MUNGÚ, Munguúrén, aga iialooeesaniiká.»

YEREMIA 4:20

Slahh'amaaye tí bira waaráhh ar tidá' ba/a nin ti'ít, yaamu sleémeero naa hhitiruutiyé'. Heemaduurén kaa wa'aá wák ar hhaamiís, nee inqwaruú pe/eeriiwós kuna karslamiís.

YEREMIA 6:26

Tlabaá guniyadu dahasaak, muk'eé', nee ta gwangwara'amitá' baraá da/arár wa aleeró. Tsuunqumisé' ar /aa/aá uren, adór heé na/aywós oo wák aa gwaa'. Asma heedá' nu hhaamiís ni gaanslár hardah.

YEREMIA 7:29

Kuungá' yaamuloousér Yerusalemu, se'engwhúng deeqwaak nee ku kwahhá'. Tsuunqumisé' gawaá sagér tlom'i wa aleeró, asma AAKOÓ MUNGÚ kuungá' naa sií' nee naa máy, kuungá' qartá buhhtaawós gwarangwariim.

YEREMIA 9:1

Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

YEREMIA 9:20

Aá /ameéna, axweesantá AAKOÓ MUNGÚ iiárií qaasaak, nee iiaahúng axweesantá afkós ngi axaasiye'. Dasuuhúng tsuunqumisuwo intsaahhatisaak, nee umuú heewo inslaawmoowós ngu intsaahhatisi daa'ángw folituuwo.

WA/AA/I 1:2

Inós xweeraawo in /aa/amaamiín as slahh'amu, hhirhheeri nin gororoxeeliná' gawaá tlaaqarmaawo, baraá tla/ángw sla'aaruuseerós sleémeero oo gaa gurkwa/as i kaahh tumu wák. Inós kaa al/aáy nee mulqeerós sleémeero, inooín naa wakuuseerós tleehhitiyé'.

WA/AA/I 2:11

Ilaeé' naa slahhaaiyé' /aa/eewo, guruueé' /ur/uri gwa eér, muunaáeé' i ló'wa gurhaamír kón, asma muk'eé' kuwa hhaamiís, nee as na/aá qaweero nee kudá' du'uumá' niwa /araarana' baraá lohdaá gixsa.

WA/AA/I 2:13

Kuungaá múk Yerusalemu, gár nu baw, gár nur alqoomees? Kuungaá múk Siyoni gár nur alqoomees, as kahhó' nuwa gurkwa/as? Asma adór tundura hhitín ka ló'wa ur, heé kuungá' huungu/uusaro nu aleesláw a heemá?

WA/AA/I 2:18

Kuungaá múk Siyoni, amór AAKOÓ MUNGÚ i /aa/aak! Hhirhheerihúng ni wa/amine' adór duxa tlatla/aangw nee xweeraawo! Kuungá' ma huungu/uusara', ilaahúng mindiwa huungu/uusiyé'!

WA/AA/I 3:48

Hhirhheeri baraá ilaaeene nin wa/aminá' adór duxa, asma muk'eé' kuwa qwaareés.

AMOS 5:16

Gawaá adoorihe, AAKOÓ MUNGÚ, inósuuduú Munguú Aleesleemusmo i kaahi, «Tsuunqusmoó úr i deeruut umuúqo diiro baraá gixsaro, nee baraá luhaá urene, muu in /aa/amín as gurhaami, tawa kaahi, ‹Oóyeéy, aángwayteéy, tí mara /imiisaán?› Tam doosluusér baraá tla/ángw aya kari ateet as tawa al/aa/amin, nee mukdá' tsuunqusmo gu baál kuri ateet as tsuunqumis.

Luka 19:41

Yesu qoomár iwa tseewúy, gixsadá' gana ár, iri /aá/ as gixsadá',