YEREMIA 9:17 - Biblía Axweesantá Hhohho' ar Mungú 2004

¹⁷ AAKOÓ MUNGÚ Aleesleemusmo i kaahi, «Kaangwí aldakwaak /ameenár tsuunqumis ateetaak ni hardat, /ameenár tsuunqumisuú baal ni hardat.

YEREMIA 9:17 Iomraidhean Croise

2 QOM'I 35:25

Aarusmo Yeremia daa'ángw tsuunqumis gway daá' as daanduú waawutmo Yosia. Daauusér hhawaate nee /ameenaaro sleeme Yosia kuna satsuunqumiís ar daa'aangw ay laarí. Adoorí iri dawa tleehhít baraá Israeliro. Daa'angwí dír kway gooín a baraá kitaábuú tsuunqumis.

YOBU 3:8

Da/aluuse baalaadá' ngi lu'us, mukdaádá' sagalooár makiito'ooda' ta bay Lewiatan kawa baali ga koóm, baalaadá' ngi lu'usi.

DAHARUSMO 12:5

Deelór /aantani tsa/amtooro kawa da'ayut nee muruú dae tlaáq iwa baraá loohi. Deelór saga iwa adór pungaanír wa /awaakuy, nee tsaxwaay iwa huwa tleehhiti, nee ilatleeri sleémeero iwa fak. Asma hee in amór do'ós kuduú alhhe'eesay wásl i tláy, múk tsuunqumiís iri baraá loohír wá hi'iimiit.

YEREMIA 7:29

Kuungá' yaamuloousér Yerusalemu, se'engwhúng deeqwaak nee ku kwahhá'. Tsuunqumisé' gawaá sagér tlom'i wa aleeró, asma AAKOÓ MUNGÚ kuungá' naa sií' nee naa máy, kuungá' qartá buhhtaawós gwarangwariim.

WA/AA/I 2:5

Aako naa hardáh adór wakusmo, múk Israeli gwa hhaamiís. Inós maraydaá waawitá sleémeero gaa hhaamiís, nee koo/idá' gawit gaa taangúy, tsuunqumís nee wa/aa/ír múk Yuda gaa tlahhás.

ESEKIELI 27:2

«Hám daxta, heewí, tsuunqumiís daanduú gixsár Tirowo,

ESEKIELI 32:16

Gaarí an tsuunqumisuudá' oo /ameenár xoordaá hatlá' iri tsuunqumiis daanduú yaamaá Misriro nee mukós sleémeero. Anuú Aakoó MUNGÚ tí aga oó'.»

AMOS 5:1

Tsuunqumisuueé' daanduuhunge iiárií qaasaak, kuungaá múk Israeli.

MIKA 2:4

Baalaadá' birna hardát, muu kuungá' nuri daa'ángw kooyaángwí oh, oo adoodá' kuungá' taa mukdá' i tlehhé', tawa adór daa'ángw wa/aa/i, tay ooi, ‹Atén taa /awa/awín ló'wa alé, AAKOÓ MUNGÚ daqaari'iimarén gana warqeés, gari hingeés direne, qamuurén gina qasmiís dír múk wakuuse.›

Matayo 9:23

Yesu iwa dír doó waawutmoodií hardáh, múk filiímboó ufhhaám guna didií áy, nee boo/oó muu oo tsuunqumiís.

Marko 5:38

Tari hardáh dír doó heedaádá' úr oo doó saaliingw. Yesu múk yaariír guri ár oo aa amoqwaar. Inooín ta /aa/amín nee ta ló'wa tsuunqumiis.