YEREMIA 9:11 - Biblía Axweesantá Hhohho' ar Mungú 2004

¹¹ AAKOÓ MUNGÚ i kaahi, «Aníng gixsár Yerusalemu a ufuú tse/ewasi tleéhh, tay dír qatuú intsaawe. Gixsadaá Yuda in xaanxay tleéhh, heé gi hoót iri qwaar.

YEREMIA 9:11 Iomraidhean Croise

NEHEMIA 4:2

dír geeraá mulqeerós nee daqtá slaqwaruuse ar Samaria, iwa kaahi, «Múk Yahudi kwí daqatlakwén, mi /imiis? Xáy, gár i slaiya' a gixsarí ngi /abeemár tleehhiía? Xáy, ilahhooár muruú ta tsu/i ngi haniisía? Xáy gadiyeérí ngi hhe'eesiía looár wake? Xáy, tlaa/aá taa buruumbuúr baraá xwaansláy ale, nee awa taa daá/ ngiqo aleesláy'a ngiwa ar tleehhitiya'?»

WARA'AMI 107:43

Múk sagalooár koóm muruuwí ku alqaytsiti, nee kawa tsaahhi sla'aarír warqawaaká ar AAKOÓ MUNGÚ.

WARA'AMI 44:19

Tam adoorihe atén kuúng taa kwáhh ay dír tawer i hooti, atén kuúng taa geexeér baraá ma/amír aa kiqit.

WARA'AMI 79:1

Aá Mungú, múk kuúng u xuaaká yaamuuwók gaa i haratláy. Do'ók oo hhoohhoó' ngwa tligár ayé', nee gixsár Yerusalemu ngiri sluhhuyé'.

ISAYA 13:22

Bahu niri gawaá daandemaá maray'ín wa buuheeliná', intsaawe iri dát baraá maraá waawitá, deelór Babuloni aa fák, slám deeloorós ka doogiiká.»

ISAYA 25:2

Asma kuúng gixsa ana /aantani tléhh, nee koo/ír gawit kari gixsár aa hhiturut tléhh, nee maraá dahaaye tari sangw gixsaroká, sleeme ki baloó /abeesiiká tleehhamoro.

ISAYA 34:13

Slaamboqáy niri ti'iit gawaá koo/ir'ín tidá' gawdén wa alé, te'eesmó nee laqayawo niri ti'iitiyá' baraá koo/ir'ín wa alé, tari dír tawer iwa hooti, sakwel iri baraadií waatl.

ISAYA 44:26

Ala axweesanoó sagadiyusmoowós un gawdeemiís nee iigu'utuú ya/abuuser'eé' un looeemiís aníng an kudá' káh dír Yerusalemu, «Kiíng Yerusalemu muu i male hoot baraá ayaawók wa ale.» Nee an kudá' káh dír Yudawo, «Tundu malé tleehh, taanguuhúng i malé sihhitiyá'.»

YEREMIA 1:15

Asma aníng waawuti'iima sleémeero ar bihhaá /iya nee tlahhi'ii'ine ngi tleés. Waawitaáwós sleémeero nin hardah, umuú waawutmowo kitaangós oo waawuti'iima guri qaas dír afér gixsár Yerusalemu, koo/irós badu sleémeerowo kari harweer nee gixsadaá Yuda sleémeero kiri harweer.

YEREMIA 10:22

Iia qaasaak, afo taa i hardát, tsimaahhír xoorór yaamaá /iikú daahh ni hardát, gixsadaá Yuda giri xaanxay tléhh, tari dír hotángw intsaawe.

YEREMIA 16:10

Qoomár bár kuúng /aymi'iiká' sleémeero iga dír múkwí ó', inooín kuúng turi yaahaas tawa kaahi, ‹Ahaá waáy, gár AAKOÓ MUNGÚ atén tis i xaraasli? Dakumisuurén a milá? Ahaá tlakweemaá taa AAKOÓ MUNGÚ, Munguúrén i tleehhaán a milá?› »

YEREMIA 25:11

Yaamuuká' sleémeero ni taangu tleehhitiyá' nari deewaaiyá', nee xoordaá inslaawaywí waawutmoó Babuloni ngun sagadiyuusiyá' kureeri mibeeri faanqwe.

YEREMIA 25:18

Ana giiriím ar Yerusalemu, nee gixsadaá Yuda, nee waawitaáín nee geeraharuuser'ín, as kahhó' iwa xaanxay tleehhitiya', nari deewaaiyá', nee tawa gár ta waaqaqai nee ar ta lu'umisi. An adór i dirii'iya' ay laarí.

YEREMIA 26:18

«Qoomár Hesekia tawa waawutmoó Yuda, Mika, heé Moreshetír daáhh, múk Yuda sleémeero guna báy, AAKOÓ MUNGÚ Aleesleemusmo i kaahi, ‹Gixsár Siyoni ka adór qaymór wá doosl. Gixsár Yerusalemu ka taangu tleehh. Tloomár Doó Mungú i darma tleehhít.›

YEREMIA 26:9

Ahaá waáy, masa aariín ar umuú AAKOÓ MUNGÚ tawa kat, ‹Do'owí i adór kuduú Shilo tleehhiit, nee gixsarí i deewa'amérí mét, múk baraaká' wa hoót i kaahh?› » Muu sleémeero Yeremia guri harweér baraá Doó AAKOÓ MUNGÚ wa aleeró.

YEREMIA 34:22

Anuú AAKOÓ MUNGÚ a kah, ga/aaweek, aníng inooín i ádbáw as gixsarí ngiwa malé inki/iya' slaqwaraaro, nee gixsarí ngiri hayoohiyá', nee ngiri da/iyá' ar asla. Aníng gixsadaá Yuda i xaanxay tleéhh, tam múk gi hoót iri qwaar.»

YEREMIA 4:27

AAKOÓ MUNGÚ i kaahi, «Yaamu sleémeero i xaanxay tleéhh, ala sleémeero i ak hhitiimaaká.

YEREMIA 44:2

AAKOÓ MUNGÚ Aleesleemusmo, Munguú Israeli i kaahi, «Kuungá' amotlakweedá' naa huúw dír gixsár Yerusalemu nee dír gixsadaá Yuda aga aandé'. Ga/aawaak gixsaduuká' tam ay laarí naa deewaiyé', nee heé baraadá' hoót i kaahh tumu wák.

YEREMIA 49:33

Gixsár Hasori i hotaá intsaawe tleehhít, tari xaanxaay kureerisleém. Heé baraaká' hoót i kaahh, tam heé baraadá' i deél i kaahh.»

YEREMIA 50:3

«Asma xoororka /iikú daahh ni haratleér amór xooroorí, yaamuuká' ngiri deewa'atisiyá'. Heé baraaká' i hotaá áw i kaahh, muu nee makaywo tan tlatlaahh baraá yaamuudae.»

YEREMIA 51:37

Babuloni a taangu tleéhh, tari mar'ír intsaawe i hot, tari dír dae tlaaq, tari dír ta waaqaseesen, nee heé baraadá' wa hoót iri kaahh.

YEREMIA 8:22

Ahaá, baraá yaamaá Gileadiwo xa'anoó maasáy i káhhi? Ahaá, qwaslaarmo i káhhi Gileadiwo? Ahaá baré muk'eé' kuú narkute kwa hungu/uusiiká.

WA/AA/I 1:4

Lohaá Siyoni i tsuunqumisiyá', as heé hardáh iwa kahhi bál deelór ure. Afér maraá gixsa aa tawo mét, kaahamuuseerós i baraá /ifór diren, /amaatliiteerós kaa hhiimbirtlín, nee gixsa i baraá slahh'amaayér diren.

WA/AA/I 2:2

Aako dír hotaá múk Yakobo gana hhaamiís sleémeero ar gurtleemu wasle. Koo/idá' gawit ar múk Yuda gana yaamií daáhh ar buhhtaawós. Mukdá' urén nee waawuti'iimar'ine gina yaamií daáhh ar murekesaay.

WA/AA/I 3:47

Dae tlaqa nee bohoongw i dír geeraarén, amotlakwe nee hhituru'uuma taa sleér.

TLAHHOÓ LAÁWI 26:32

yaamuuhúng in hhitiím tam wakuuserhúng ar baraadií loohoó slaa' kiwa waa/oo/i.

MIKA 1:6

Aako i kaahi, «Gawaá adoorihe aníng gixsár Samaria a /aantani tleéhh baraá tla/ángw xatsto, tari adór dír ta xaa'aá sabiíbú i dahamamisi. Nee tlaa/eedá' tara tleehhiít in kwaáhh baraá xatsa, iihhafiiriirós ngiri geehhoeés.

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

MIKA 6:16

Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

DABE 29:23

nee adór yaamuuká' asla ngira hhitiín, nee diwto, nee adór asla ngira qororo'ós, gár ki dahamiisi káhh, gár i laqwalina' i káhh, tam gitsór ti'imiit i káhh, a adór qoomaadá' AAKOÓ MUNGÚ yaamaá Sodoma nee Gomora nee Adma nee Seboimu ngira hhaamiís ar buhhtaawós kudá' xaraaslá'.

Geehhoeemaá 18:2

Malaykamoowí iri tseé' ar afór ur iri oó', «Babulonidá' ur aa hú'. Inós aa hotángw neetlaamér tlakw tleehhít, nee slám a mar'ír neetlaameedá' slasla/aren, nee a mar'ír umuúqo tsir/ír tlaakw, tidá' ta ahhiiti.