YEREMIA 9:10 - Biblía Axweesantá Hhohho' ar Mungú 2004

¹⁰ Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

YEREMIA 9:10 Iomraidhean Croise

ISAYA 41:15

Ga/aawaak aníng nu xooslmoó afa xaraásl oo xoosliingw tleéhh, xooslmoó /abén, afa xaraásl nee oo sihhnaá koóm. Kuungá' tlom'i i xoslá' nee kiri naasuurá', gongooama' kay muundáy tlehhá'.

ISAYA 49:19

Looeemaawo yaamuuhúng kaa xaanxay tleéhh nee kaa deewaa'atís, nee sleeme kaa hhitín. Looeemaawo hamí daxta yaamuuhúng ni iirakuyá' as yaamuloouuserhúng. Kudá' yaamuuhúng ngaa hhitine' ki puruuts dirhunge.

YEREMIA 12:10

De'eemuusér yaariir qaymor'eé' ar sabiíbu gaa hhitiín. Daqaari'iimar'eé' nga yaamií kalaa/iyé', qaymor'eé' tidá' hhoohhoo' nga xaanxay tleehhiyé'.

YEREMIA 12:11

Ngina darma tleehhiyé', gár i koon i káhh geeraaeene. Yaamu sleémeero a xaanxaay, slám heé ga gaárií xuú' i kaahh.

YEREMIA 12:4

Ay xaylá yaamu i tsuunqumaamisiya', nee gitsór umuú diiro i /otsaatsit? Makaay nee tsir/o kina hhaamiís as tlakweemaá yaamuloouuse. Asma muu i kaahi, Mungú alhhe'eesoó slafingwrén gu ariiká.

YEREMIA 14:6

Daqwaayér aa narís i gawaá gongooamaá kaaharén wa sihhimiít, i adór intsawér wa sluuqún, asma hiinsla gwa dakús, ilaaine i xumisiaaká, asma gár i /ayiya' i káhh.

YEREMIA 2:15

Inós kuna i /oroótl nee direeri, inooín naa /orootliyé' ar afór uren. Yaamuuwós nga deeli tleehhiyé', nee gixsaduuwós nga sluhhay tleehhiyé', múk baraadá' wa hoót i kaahh.

YEREMIA 2:6

Inooín taa yaahasi'iiká, ‹AAKOÓ MUNGÚ kudá' atén taa baraá yaamaá Misrír wa duux i amá? Kudá' atén taa geeraharahaar baraá darmuuwo nee yaamaá xaanxaay nee boh'e, baraá yaamaá kaahaar nee awa ma/ami, yaamaá muu ira waaraahhiiká nee awa ta hootiiká.›

YEREMIA 23:10

Asma yaamu naa hatsiyé' fuquseero, yaamu i tsuunqumiisiyá' asma lo'o, qawtantaín ar baraá darma aa kát. Tlehhma'aá muu ki ló'wa tlakw, /uuruuín kun ar gadiyuus ar adór qoomaaká.

YEREMIA 50:3

«Asma xoororka /iikú daahh ni haratleér amór xooroorí, yaamuuká' ngiri deewa'atisiyá'. Heé baraaká' i hotaá áw i kaahh, muu nee makaywo tan tlatlaahh baraá yaamuudae.»

YEREMIA 7:29

Kuungá' yaamuloousér Yerusalemu, se'engwhúng deeqwaak nee ku kwahhá'. Tsuunqumisé' gawaá sagér tlom'i wa aleeró, asma AAKOÓ MUNGÚ kuungá' naa sií' nee naa máy, kuungá' qartá buhhtaawós gwarangwariim.

YEREMIA 8:18

Gurhaamir'eé' tihe ti tu/iiká, muunaáeé' i ló'wa slahhahhaa'.

WA/AA/I 1:16

«Aníng hamí an /aa/amiím as kaangwí. Hhirhheeri baraá ilaeene in tawo wa/aminá', as heé aníng i gurkwa/ás kuwa saáw dir'eene, kudá' aníng i muunií qaás i kaahh. Na/iieé' kina kilooín geexáy asma wakusmo aa baalín.

WA/AA/I 2:11

Ilaeé' naa slahhaaiyé' /aa/eewo, guruueé' /ur/uri gwa eér, muunaáeé' i ló'wa gurhaamír kón, asma muk'eé' kuwa hhaamiís, nee as na/aá qaweero nee kudá' du'uumá' niwa /araarana' baraá lohdaá gixsa.

WA/AA/I 5:18

Asma tloomár Siyoni kaa kilós geexáy, tawer i baraá tanguuwós wa harweeriirín.

ESEKIELI 14:15

«Barnaxes makaá sla/a awa xaraaslá' in ya/aawa muu nguwa /ayiya', na/ii'ín ngiri hayohiyá', yaamu niri deewaaiyá', nee heé waarahhamuú baraá yaamuudá' gu qiítl tumu wák iri kaahh as makaydá' xaraaslá'.

ESEKIELI 27:2

«Hám daxta, heewí, tsuunqumiís daanduú gixsár Tirowo,

ESEKIELI 29:11

Heé baraadár waaraáhh i kaahh, laqaá makiito'o. Heé baraadá' wa hoót i kaahh ar afiqoomár kureeri mibeeraá tsiyahhe.

ESEKIELI 33:28

Yaamuuká' i xaanxay tleéhh nee gaa wasle. Pihhuuseerós tidár daara/uuse an suqúw. Tlom'aá Israeli in xaanxay tleéhh, nee heé gawaadár óh i kaahh.

ESEKIELI 6:6

Amór taqo i hotaá eera'a, gixsaduhúng ki muu waslen, nee wa/ameedár gawaá gongoama' ar munguaá hatlá' kiwa sluufmaamisá' an hhitiín, slaqsi'iidaá munguaá hatlá' ki giqáy kiri hhitín. Didá' ta mooyángw tsuú' i da/a/aanda' ka fee/, nee umuú gaaro kari hhaamiis.

HOSEA 4:3

Gawaá adoorihe yaamu naa slahhaaiyé' nee umuúqo heé baraadí diriia in beehhuut, dinkwa nee makaá sla/ato, tsir/ór hhampe'eerír tlatlaw i beehhuumít, tam siyó baraá tlawi sleeme iri hhán.

Yoeli 1:13

Guniyadu tsiitaak ta tsuunqumisá', kuungaásingaá kaahamuusér Mungú. /Aa/amiimé', kuungaásingaá sagadiyuusér kitángw ilahhooa. Tlawsé' baraá Doó Mungú, guniyadu tsiitaak, tsuunqumisé' xweera sleémeero. Asma ilahhooár balaangw nee ar muruú wahaango baraá Doó Munguhe aa fák.

Yoeli 1:19

Aá AAKOÓ MUNGÚ, án kuúng un i /aa/amiím, asma asla gitsór baraá darma gaa /ák, nee tsángw asla xaai sleémeero awa baraá qamu gaa faák.

AMOS 5:1

Tsuunqumisuueé' daanduuhunge iiárií qaasaak, kuungaá múk Israeli.

AMOS 5:16

Gawaá adoorihe, AAKOÓ MUNGÚ, inósuuduú Munguú Aleesleemusmo i kaahi, «Tsuunqusmoó úr i deeruut umuúqo diiro baraá gixsaro, nee baraá luhaá urene, muu in /aa/amín as gurhaami, tawa kaahi, ‹Oóyeéy, aángwayteéy, tí mara /imiisaán?› Tam doosluusér baraá tla/ángw aya kari ateet as tawa al/aa/amin, nee mukdá' tsuunqusmo gu baál kuri ateet as tsuunqumis.

MIKA 2:4

Baalaadá' birna hardát, muu kuungá' nuri daa'ángw kooyaángwí oh, oo adoodá' kuungá' taa mukdá' i tlehhé', tawa adór daa'ángw wa/aa/i, tay ooi, ‹Atén taa /awa/awín ló'wa alé, AAKOÓ MUNGÚ daqaari'iimarén gana warqeés, gari hingeés direne, qamuurén gina qasmiís dír múk wakuuse.›

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.