YEREMIA 9:1 - Biblía Axweesantá Hhohho' ar Mungú 2004

¹ Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

YEREMIA 9:1 Iomraidhean Croise

WARA'AMI 119:136

Hhirhheeri in xintsaatsiím, asma muu dabeerók gaa sií'.

WARA'AMI 42:3

Tlaatla/aangw nee xweeraawo an /aa/amamiím, hhirhheerieé' nay adór muruú /aymar'eé' tleehhitiyé'. Tlaatla/aangw sleémeero muu in yaahamiis tawa kaahi, «Munguúwók i amá?»

WARA'AMI 55:7

Geera a amorqá' saáw i tláw, nay hotaá áw baraá darma.

ISAYA 16:9

Gawaá adoorihe, aníng a /aa/amiím dinkwa nee Yaseri as sabiíbuú Sibma, aga hhuuntsuumiít /aa/eewo as kuungá' kuungásingá gixsadaá Heshboni nee Eleale, ururu'umisuduú qoomár fiiqit aa faák.

ISAYA 22:4

Gawaá adoorihe, aníng ana oó', aníng mi i qaytsimiitara', aníng mawaaré' ni /aa/amiím ar slahh'amu, ma daawimiitaara' aníng iwa gurkwa/amisa', asma muk'eé' iwa hhán.

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

YEREMIA 14:17

AAKOÓ MUNGÚ aníng ina báy, as muu nguwa kángw baw daanduú gurhaamir'eene nee nay oó', «Masók hhirhheeraá ilaaeé' nin wa/aminá' tlaatla/aangw nee xweeraawo, masók an kumaamiít /aa/eewo, asma muk'eé' kwa ló'wa hariiáy, nee kwa ló'wa slahh'eés.

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

YEREMIA 4:19

Baraaeene aga slahhaá', aga ló'wa slahhaá', nee slahh'amaaye ti gwangwar'aamaán, muunaáeé' aa slaaqaát. Muunaáeé' i ló'wa tuu'uut, xasliita a aleeslawaaká. Asma aníng afór tarumbeéta aga axaás nee tsimaahhír slaqwaraaro.

YEREMIA 5:7

Xáy, tlakweemaahúng adór ngir gurtlaw? Mukók aníng iga sií' nee lo'o ngiri /ayiyé' ar munguaá lama. Qoomár inooín ngiwa /aymiís niri aaxiyé', nina baraá fúqtí tlayé', baraá maraá tsaatuuse ngiri dalaa/iyé'.

YEREMIA 6:26

Tlabaá guniyadu dahasaak, muk'eé', nee ta gwangwara'amitá' baraá da/arár wa aleeró. Tsuunqumisé' ar /aa/aá uren, adór heé na/aywós oo wák aa gwaa'. Asma heedá' nu hhaamiís ni gaanslár hardah.

YEREMIA 8:18

Gurhaamir'eé' tihe ti tu/iiká, muunaáeé' i ló'wa slahhahhaa'.

YEREMIA 9:18

Inooín ni gaanslár hardihiyé' tawa tsuunqumisi as atén, hhirhheeri baraá ilaarene ni baráy gororoxotiye', hhirhheeri ni baraá ilaarén wa ti'imitiye'.

WA/AA/I 2:11

Ilaeé' naa slahhaaiyé' /aa/eewo, guruueé' /ur/uri gwa eér, muunaáeé' i ló'wa gurhaamír kón, asma muk'eé' kuwa hhaamiís, nee as na/aá qaweero nee kudá' du'uumá' niwa /araarana' baraá lohdaá gixsa.

ESEKIELI 22:12

Mukko baraahunge muu gun peésaárí hanmiis as múk hatlá' kuwa tsu/i. Aldaafi ana ót, nee muruuwók una peésár hara/untsár weermís as tawa daqaari'iimár gaanslár sla', aníng iri ló'wa gunqaarés.› Anuú Aakoó MUNGÚ tí ngina oó'.

HOSEA 7:4

Inooín sleémeero a fuquuse, a adór asltá taa slaáx nee huuruso'o, iri puuruú lufuu/ár eér, asla gari meér gutlhhuungo ay dír puuruúdá' i sluufi.