YEREMIA 8:5 - Biblía Axweesantá Hhohho' ar Mungú 2004

⁵ Ahaá ala waáy, mukwí loohír ganaa' maska sií', niri ak kumiitiyé' baraá qwanay'ín. Inooín niri ak naagisiyé' munguaá lama eeharahaduuwo, niri si'iyé' ki/imaá amor'eene.

YEREMIA 8:5 Iomraidhean Croise

AXWEESANOÓ SAGALOOA 4:13

Intsaahhatisarí ooheek, ma baloó alií kwahhaar, ooha hhe'eeseek, asma inós u slafíngw ar eér.

ISAYA 1:20

Bar aga sié', tay dee/aanuté', tundu qwaarees ar paánga, asma AAKOÓ MUNGÚ tí gana oó'.»

ISAYA 30:10

Inooín iigu'utuuse ngin babaya', ‹Iigu'utu mu ara'araara',› nee aarusmo ngun babaya', ‹Muruurén oo ló' mu kaahaar, ala muruú atén ni sla'aan na alki/iiteek, muruú al/ayma na dahareemiseek.

ISAYA 44:20

Inslawaywós i baraá gaadaádá' da/ara tleehhiit kilós. Heé adór kwí aa hhitiruút ti baloó ba/amisiiká, laqaá sleeme i kaahiiká. «Gaarír gawaá dakw'eé' oo doó /iyáy a lamtookáhe.»

YEREMIA 14:7

Muk'eé' iga i /aá/ tawa kaahi, «Tam tlakweemaarén i lamaabu'uná' daandeemorene, AAKOÓ MUNGÚ atén kuúng ti alee/is as kuúng kilók, dee/aanurén ku úr, atén kuúng ugwa tlakweemáy tleehhaán.

YEREMIA 2:32

Xáy, dasír /amatliito'o parootirós gaqo gunqaarésa, laqaá dasír ta duxuuti tlabaawós giqo gunqaarésa? Ala muk'eé' aníng iga gunqaareés har afiqoomár deelór yaariir.

YEREMIA 3:5

Mungú i buhhaahhína ay alhhe'eesay wasle? I qa/iimaamíti ay alhhe'eesaay?» Adoorí an adór tara axwesé', ala kuungá' tlakweemaá taa qo alesleeri'i ina tlehhé'.

YEREMIA 5:27

Adoodá' slakaatusmo lakwaanti ngir dalaa/i tsir/ór aa ohini, an adoodá' maray'ín nira hatsiyé' muruú fisooro. An gár inooín is /uuruú kona' nee tas daqaare.

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

YEREMIA 5:6

Gawaá adoorihe dirángw baraá sla/atá daáhh gin uhín, taweeramoó baraá xaanxoó daáhh gin hhaamiis, du'uma i baraá gixsaduuín wa gigidín. Umuúqo heé tsee/áy ti'iita kun karslamiis. Asma tlakweemaaín naa ló'wa tlahhiyé', nee inooín Mungú siasiuuwo naa ak harwaarahhiyé'.

YEREMIA 6:17

Aluuwo nuri xuumuuseérí qaás, nuri báw, ‹Afór tarumbeéta iiárií qaasaak.› Ala inooín tari oó', ‹A iiárií qaasanaaká.›

YEREMIA 6:19

Yaámu, iia qaasaak, ga/aawaak, aníng mukwí u amotlakweérí huúw, adoodá' inslaway'ín kudá' tlákw kus hariím. Asma inooín axweesante'eé' ngaa gaárií xui'iiká, nee intsaahhasar'eé' sleeme ngina si'iyé'.

YEREMIA 9:6

AAKOÓ MUNGÚ Aleesleemusmo i kaahi, «Inooín /ayta ngin daanduú tiqií qaminá', nee al/ayma ngin daanduú tiqá' wa dogiitiyá'. Aníng iga si'iyé' xu'utiro. Anuú AAKOÓ MUNGÚ tí ngina oó'.»

DANIELI 9:11

Múk Israeli sleémeero dabeerók gaa sií', kuúng ugwa geexayé', nee axweesantók ngaa iialooesi'iiká. Atén lo'odá' taa gooín baraá dabér Mose, sagadiyusmoowók, taa /ák, asma kuúng ugwa sadakusaán.

HOSEA 11:5

Inooín ta kii/ Misri, kiri sawaawuti'ín nee waawutmoó Ashuru, asma ki/imaá amor'eé' ngaa si'iyé'.

HOSEA 11:7

Muk'eé' aa maariít iga si'iyé', handá' ki ateetín tawa ki/i amór Kuduú Gawa, tam heé wák i kaahh oo inós gu xirfayeemiís.

HOSEA 13:2

Hám daxta tana ak kumiít tlakweema tlehhtuuwo, inooín munguú slaqsaay kway tleéhh ar peésa. Heé fuqurángw koóm slaqsaywí guna tleéhh ar peésa. Muruuwí sleémeero kuna tleéhh nee heé kwahhór baál, tari oó', «Ilahhooár muruú ta tsu/i dír muruuwí ti hanmisé'.» Muu slaqsi'iidá' mungui ngiri ma'amisiyé', kudá' taa tleéhh ar slaqsoó dama.

HOSEA 4:16

Asma múk Israeli aa sagagawdúy, adór tsa/atmoó gwaréhh. Hám daxta AAKOÓ MUNGÚ de'eengo gi aleesláya adór deeloó bee/ángw baraá hindawtá ur?

SEKARIA 7:11

«Ala inooín axaasaro nina si'iyé', iri alaá xu'usiyé', iaaín ngiri tuuntukiyé' as mindiwa gaa axaasiyé'.

Yohana 5:40

Ala kuungá' a sla'a'aaká niwa amor'eé' hardata' as slafiingw kuwa sleera'.

1 Tesalonike 5:21

Mura' sleémeero iiaraagáy, oo hhó' ku otá'.

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?

Geehhoeemaá 2:25

Ala tisíng ta koonda' na ooha hhe'eesaak ay dír án ni hardah.