YEREMIA 8:3 - Biblía Axweesantá Hhohho' ar Mungú 2004

³ Panaay sleémeero oo daa'awtá mukwí tlákw umuú dír i dirii'i gwa'ara kari fitlín ta slafiingo. Anuú AAKOÓ MUNGÚ Aleesleemusmo tí ngina oó'.»

YEREMIA 8:3 Iomraidhean Croise

1 WAAWITÁ 19:4

Eliya iri kumiít aaiiwo looa gari dahaás. Inós iri hardáh dír xa'anoó ta bay retemu, iri iwiít dír gamuú xa'anoodá', inós gwa'ara gari fitlín, iri oó', «A ido daxta aá AAKOÓ MUNGÚ, slafingw'eé' hingeeseek, asma án gár baabi'iieé' ngir baa/ i káhh.»

YEREMIA 23:3

Naagáy aníng bee/angw'eé' kudá' aa meet un burumbuúr baraá yaamu sleémeerowo, amoodá' ngway diyaá/, ngiri ki/ís baraá qawtanti'ín. Inooín niri laqwaaliyá', niri dooginá'.

YEREMIA 23:8

Ala inooín bar lo'o ka /aay tan ooi, ‹Adoodár AAKOÓ MUNGÚ ir hotaatin, kudá' múk Israeli ngwa /iikú wá duux, nee gwa baraá yaamu sleémeeró wá geerahaar, amoodá' aáng ngay diyaá/. Aluuwo inooín tari baraá yaamuuín wa hoot.› »

YEREMIA 29:14

Aníng kuungá' i sleerá'. Aníng diihhooarhúng ngi ki/ís, nee nuri burumbuúr baraá xoordu sleémeerowo, nee umuú diiro amoodá' nay diyaá/. Nuri ki/ís amoodá' nay diyaa/i, amoodár yaamaá nuy loohatís. Anuú AAKOÓ MUNGÚ tí ngina oó'.›

YEREMIA 29:28

Asma inós afo gana ilahaniís baraá Babuloni iwa kaahi, ‹Loohayhúng oo har afiqoomár niinaweeká,› iri oó', ‹Marayhúng tleehhaak, hooté', qamu dooslaak, balanghúng dahaasak nee /ayimé'.› »

YEREMIA 40:12

Aluuwo múk Yuda sleémeero niri waatliyé' baraá ayeemoodá' sleémeero aáng ki diyaa/i, tari daqáy amór Gedalia baraá Mispa. Inooín difaái nee mamaá xaai kudá' qoomár age ngina ló'wa burumburiné'.

YEREMIA 44:2

AAKOÓ MUNGÚ Aleesleemusmo, Munguú Israeli i kaahi, «Kuungá' amotlakweedá' naa huúw dír gixsár Yerusalemu nee dír gixsadaá Yuda aga aandé'. Ga/aawaak gixsaduuká' tam ay laarí naa deewaiyé', nee heé baraadá' hoót i kaahh tumu wák.

YEREMIA 44:6

Gawaá adoorihe aníng ana xaraásl nee niri daa/atúw buhhtaawo gawaá gixsadaá Yuda nee baraá lohdaá Yerusalemu, niri xaanxay tleehhitiyé', nee niri deewaiyé' adoodá' laarí i dirii'iya'.

YEREMIA 6:9

AAKOÓ MUNGÚ Aleesleemusmo i kaahi, «Panoó múk Israeli kudá' aa meet burumburaare', adór múk sabiíbuú burumburiím i /imamisi, adoodá' múk sabiíbu daber'ín ngir malé baraá haleemaá sabiíbúr waarahhamaamisiya'.

DANIELI 9:7

Aá Aáko, diroge gan'amu i deer, ala atén umuú deeloro mure taa fák. Kaangwí sleémeero a ló' dír ateéká' Yudeár hootá' nee yaamuloouusér Yerusalemuro, nee múk Israeli sleémeero kudá' taa diyá/ baraá yaamaá saawá' nee awa tsewene, asma inkihhimu nguwa dakuusiyé' diroge.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

AMOS 3:1

Gimsé' daxta, /aymi'iiká' AAKOÓ MUNGÚ aa axweés daanduuhunge iiárií qaasaak kuungaásingaá múk Israeli, xooroorí sleémeero inós naa duúx baraá yaamaá Misrír wa alé,

YONA 4:3

AAKOÓ MUNGÚ, hamí aníng u firiím, slafingw'eé' hingeeseek, ala ta niwa hoota a tsiní bara gwaá'.»

MIKA 2:3

Gawaá adoorihe AAKOÓ MUNGÚ i kaahi, «Ga/aawaak, aníng sleeme a muruú tlákw qoomeemeés oo ni daanduuhúng i huuw, oo kuungá' ta ilagoba'aaká. Gaarí a qoomar tlaakw, tam kuungá' hi'iitanór daara/aangw kay inki/a'aaká.

DABE 30:1

«Qoomár kuungá' bar baraá tla/ángw xoordudá' i dir'á', kudá' AAKOÓ MUNGÚ Munguúhúng nu i diyaá/, nee bar kaangwí sleémeero naa sláy, tsuuqaaká' nee lo'ooro kiri insleeré', kuká' laarí naa dír geerahúng i qaás as tawa tsawdiinda',

DABE 30:4

Tam geera kuungá' tunda diyaa/i baraá ku/uyaá yaamu awa saawá', AAKOÓ MUNGÚ, Munguúhúng nun burumbuúr nuri ki/is.

Geehhoeemaá 6:16

Inooín tari tseé' ar afór ur, dír tlom'i nee dír tla/u, ta kaahi, «Atén ti harahue', atén ti lu/e', dír geeraá gitsee/aá kudá' aa iwiiti gawaá kitangwduú aleesleemu, nee dír xarasleemaá Deelmoó bee/iro.

Geehhoeemaá 9:6

Qoomaadae muu gwa'ara ga fitlín, ala ka baloó ariiká. Nee inooín ka ilatleeruus tawa qatli, ala gwa'ara gi ilagóp.