YEREMIA 8:22 - Biblía Axweesantá Hhohho' ar Mungú 2004

²² Ahaá, baraá yaamaá Gileadiwo xa'anoó maasáy i káhhi? Ahaá, qwaslaarmo i káhhi Gileadiwo? Ahaá baré muk'eé' kuú narkute kwa hungu/uusiiká.

YEREMIA 8:22 Iomraidhean Croise

IIMU/UUNGW 37:25

Tari iwiít as tawa /ayin. Naxés tawa qaytsiít, múk Ishmaeli kuna ár oo aauuse, naa hardáh, ta yaamaá Gileadír daahh. Inooín a múk halaanu'uumár tleéhh. I angamíar'ín koná'. Nee muruuín kudá' ta weerimiisi angamía gun loohís. Gár i kona' a moqoonjó nee garka mooyángw tsuú' koom qoomár barka daá/, nee mooyangwko ta babay manemane, kun yaamaá Misrír i huuw.

IIMU/UUNGW 43:11

Baabuúwós Israeli iri oó', «Bar adoosíng, adoorí na tleehhaak, muruú hhó' oo yaamu na huwaak ar xosluuhúng: Di/tá niina ar mooyaangw, danuú niiná, moqoonjó, nee mooyangwdá' ta babay manemane, josi, gár adór karaánga, nee loósi, gár adór miniqiti.

YEREMIA 14:19

Aá AAKOÓ MUNGÚ, múk Yuda una tsuwa si'ima hhe'ési? Kuúng múk Siyoni una ló'wa áhhi? Ahaá, asma mista adoorír sláhh, tam hungu/uusaro ti aleeslayká. Atén wayda una harahhifaán, ala gár hhoo' ar taa slawaán i káhh. Harahhifo ana qaasaán as tawa hunguu/aan, kitaangose tina dae tsaát.

YEREMIA 22:6

AAKOÓ MUNGÚ i kaahi daanduú waawuti'iimár Yudawo, «Tam do'owí ku hhoohhooe adór yaamaá Gileadi, adór ságw tloomár Lebanoni, ala looeemaawo aníng diirí a xaanxay tleéhh, tari gixsár hotángw muko ya/aamaaká.

YEREMIA 46:11

Kuungá' múk Misri, tlawsé' ay Gileadi, xa'anoó maasáy leelehhaak, asma maasoó yaariír una tlehhaahhité', kuungá' gár nu hungu/uus i káhh.

YEREMIA 51:8

Babuloni aa gaanslár hú' nee iri qeqtiín. Tsuunqumiisé' as inós, xa'anoó maasáy ti hanise' as slahh'amuuwós, doóqa i hungú/.

YEREMIA 6:7

Adoodá' hhalaangw ma'aá hhohho' ngir baraawósií meetamamisi, án adoodá' gixsár Yerusalemu tlakweema ngir amohhe'eemis baraawose. Xaraasleema nee hhitiru'uma ki baraawós wa axamiis. Tiqtirós nee mulkaywós umuú deeloro un ga/áw.

YEREMIA 9:1

Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

YEREMIA 9:11

AAKOÓ MUNGÚ i kaahi, «Aníng gixsár Yerusalemu a ufuú tse/ewasi tleéhh, tay dír qatuú intsaawe. Gixsadaá Yuda in xaanxay tleéhh, heé gi hoót iri qwaar.

WA/AA/I 2:13

Kuungaá múk Yerusalemu, gár nu baw, gár nur alqoomees? Kuungaá múk Siyoni gár nur alqoomees, as kahhó' nuwa gurkwa/as? Asma adór tundura hhitín ka ló'wa ur, heé kuungá' huungu/uusaro nu aleesláw a heemá?

ESEKIELI 27:17

Tam múk Yuda nee oo Israeli halaanu'uuma ngina tleehhiyé' nee kiíng. Inooín angaáno nguna hanisiyé', nee seituúni, nee /aantsír aa geerií hamat, nee dane, nee di/i nee mooyángw tsuú', as bu'utuú muruuwók.

FAARO 32:1

Múk tlahhoó Reubeni nee oo tlahhoó Gadi a daqaarér hikwa. Inooín kana ár adór yaamaá Yaseri nee Gadi tar yaamaá qawtantá hikwa.

Luka 8:43

Nee /ameenirka i deer ar tiqaaqiim kureeri mibaá nee tsár ar tiqtír ubíngw tseerdu. Daqaari'iimarós sleémeero gana qwaslaarér i fák, ala oo gaa hungu/uus i kaahh.