YEREMIA 8:16 - Biblía Axweesantá Hhohho' ar Mungú 2004

¹⁶ Afór farsuín aga axaasaán baraá Dani, kididihoó farsuín oo slaqwara yaamu sleémeero gaa diingiís. Nin hardihiyá' as yaamu nee umuú gaaro ngiwa hhitina', gixsa nee mukose ngiwa hhitina'.

YEREMIA 8:16 Iomraidhean Croise

YOBU 39:20

/Uuruudá' ir gáwtí /akumaamit adór tsaxwáy wá ale heé gwa haniis an kuúnge? Asma aahhoorós tidár daara/aangw muu gun de'e tsát.

WARA'AMI 24:1

Yaamu nee muruudá' sleémeero gaa hatsiis an daqaari'iimár AAKOÓ MUNGÚ, yaamu nee múk baraawós wa hoota a kós.

YEREMIA 10:25

Daa/atúw buhhtaawo daanduú xoordaá kuúng u xua'aaká, nee gawaá kudá' umuuwók ngu ateetima'aaká. Asma inooín múk Yakobo nguna tsu/iyé', nguna tsu/iyé' ngway hhaamiisiyé', yaamuuín ngiri taanguyé'.»

YEREMIA 3:24

Iimír masoombi'iimarene tlehhmuuwí oo mureekesaay umuú gaaro gana hhaamiís nee daqooray'ín oo bee/aangw nee oo hikwaawo nee daaqay'ine nee dasuuwo, muruudá' xwayliteérén aa hamér wa xínts.

YEREMIA 30:16

Ala kudá' sleémeero kuungá' nu hhaamiisár wa sla'á' ki hhaamiis. Wakuuserhúng sleémeero kar tláy baraá loohaay, kudá' kuungá' naa gaa wa hayohiye', muruuín ku hayoh sleeme. Kudá' kuungá' naa slakaatiyé' aníng in slakaát.

YEREMIA 30:5

AAKOÓ MUNGÚ i kaahi, «Afór dae tlaaq aga axaasaán, /aa/aá dae awa wayda wasl.

YEREMIA 4:24

Aníng ana qaytsiít gawaá tlom'i, naxés tlom'i i daaraxiyá', nee gongooama' i diinginá'.

YEREMIA 4:7

Adór dirángw naa baraá nahhaatarós wa ti'iit. Kudá' xoordu gi hhaamiís taa amohhe'eés. Inós naa dír kitaangós wa tláy as yaamuuwók ngiwa hhitin. Gixsaduuwók ngiwa taanguy nee heé baraadá' hoót iri qwaar.

YEREMIA 47:3

Inooín kididiheelíngw faras ku axaas, nee tsimaahhír gaardaá slaqwara, nee kuduuduhár /angeegeuú gaardu kari axaas, baabi'i na/ii'ín kiri máy amohhe'eemisuuwo, asma dabaaín naa tsatiitiyé' ló'wa aleeró.

YEREMIA 5:17

Inooín balangwhúng nee muruú /aymarhúng kun /aay. Inooín na/iihúng awa dasu nee awa daaqaywo ngi tsu/iyá'. Inooín daqooroó hikwaahúng nee bee/angwhúng ngun /ayiyá'. Inooín sabiíbuhúng nee seituúnirhunge ngin /ayiyá' gixsaduhúng kudá' koo/i gawden kuungá' taa harahhifé', inooín ngin hhaamiisiyá' ar xooslár slaqwara.›

YEREMIA 50:42

Ga/alduuín nee lawluwo nga taataahhiyé', a múk xaraásl, oo gurtleemuú koomaaká. Kududuhay'ín a adór gwaanduú tlawi, inooín ta gawaá daandeemaá faras. Farsuuín ngwa ii tsa/ané', tindin haratláy amór kuungaá Babuloni.

YEREMIA 51:29

Yaamu naa daaraxaatiyé' nee i nu/uu/utsiyá' as slahh'amu. Asma AAKOÓ MUNGÚ gár aa ístí tsaát dír Babuloniro ga boo/ees, yaamaá Babuloni ki deewa'atis, niri yaamuloouuse wasleesiyá'.

YEREMIA 6:23

Inooín ga/aldu nee lawlu nga baraá dabaaín i oohiyé', múk xaraásl i gurtleemú konká, i kududuhiyá' adór hhaahhoó' ma'aay. Naa tsa/ané' gawaá daandeemaá faras, taa amohhe'eesiyé' slaqwaraaro daanduú Siyoniro.»

NAHUMU 3:2

Afór qaw'i iiárií qaasaak nee tsimaahhír /angegeeamaá xuuruuá' nee faras nee gaardaá slaqwara awa ti'ii'imá'.

HABAKUKI 3:10

Tlom'i uwa ariyé' nina daaraxaatiyé'. Alwuór ma'aay iri waaráhh, iloo niri xuuruuiyé', /ur/urti'ín iri gáwtí tsifaaqamít.

1 Korinto 10:26

Asma Gooi i kat, «Yaamu nee umuúqo gaaro ar baraá yaamií diriia a ar Aako.»

1 Korinto 10:28

Ala barnaxes hee kuungá' naa báy, «Gaarí kaa ilahhooár wa gaás,» kuungá' daqaní gadaádá' ma /ayaara', as heedaádá' ngaa oo', nee as haratlintaao.

HAR'OHUUSE 18:29

Gixsarí umuuwós kway báy Dani, as ooartá umuú baabuúín kudá' taa laqwaál nee Israeli. Umuú gixsarí geeraawo a Laishi.

HAR'OHUUSE 20:1

Aluuwo xoorór Israeli iri ti'ít sleémeero, Dani ay Be'er-sheba dinkwa nee Gileadi, iri iwít iri qartlamít dír geeraá AAKOÓ MUNGÚ baraá Mispa.

HAR'OHUUSE 5:22

«Aluuwo faras niri hardáh ar kididiheliingw, i yaamaá kal/án ar fuqeeni'ín.