YEREMIA 8:14 - Biblía Axweesantá Hhohho' ar Mungú 2004

¹⁴ Xaysé', gár ta daamaramaan diirihe? Burumburiité' baraá gixsadaá koo/i gawden ta hhaamaán baraadá'. Asma AAKOÓ MUNGÚ, Munguúrén gaa qoomeés atén tawa hhaamaan. Ta ma'aá qarkwí haniís asma kuwa sadakusaán.

YEREMIA 8:14 Iomraidhean Croise

2 SAMUELI 20:6

Daudi Abishai guri báy, «Hamí, Sheba garmoó Bikri, atén ti slahh'ees Absalomu ba/a. Sagadiyuuser'eé' huweek, Sheba leelehheek, miwa dáh baraá gixsadaá koo/i gawden, iri kotsqoot, kuri aranaaká male ale.»

WARA'AMI 39:2

Aníng an adór afaa wasli, ana xasliít, ala amohhooa a slaslawaaká, nari ló'wa slahhaá'.

WARA'AMI 69:21

Qoomár niwa qwariít, qara nguna haniisiyé' tawa muruú /aymar'eé'. Qoomár án niwa waxiít tina wahaás ar gár qarqaar.

ISAYA 47:5

AAKOÓ MUNGÚ i kaahi, «Iwitanaangw i xasliteek, ta dát baraá giwti, kiíng dasír Kaldayo. Asma kiíng daxta a sangw waawuto'ór waawuti'iimarooká.

YEREMIA 14:20

Aá AAKOÓ MUNGÚ, tlakweemaarén nga ooaán, nee tlakweemaá baabi'iirén ngina ooaán, asma atén kuúng ugwa tlakweemií tleehhaán.

YEREMIA 14:7

Muk'eé' iga i /aá/ tawa kaahi, «Tam tlakweemaarén i lamaabu'uná' daandeemorene, AAKOÓ MUNGÚ atén kuúng ti alee/is as kuúng kilók, dee/aanurén ku úr, atén kuúng ugwa tlakweemáy tleehhaán.

YEREMIA 23:15

Gawaá adoorihe, anuú AAKOÓ MUNGÚ Aleesleemusmo daanduú aaruusér Yerusalemuro a kah, «Ga/aawaak, aníng in /aymiís ar xa'anoó qarqaár, ngiri wahaás ar ma'aá qarkú koomá'. Asma aaruusér Yerusalemu Mungú ilaiwa/ameero nguna geerií mayé', tleehhmuuwí iri tsiyaayaxaát baraá yaamuwo.»

YEREMIA 3:25

Gimsé' atén gár tiwa hariím an yaamií qaataán as mureerén, nee masók mureekesayrén ti tuuntuuk, asma tlakweema iga tleehhaán dír AAKOÓ MUNGÚ, Munguúrene, atén nee xwayliteérene. Iimír masoombi'iimarén wa tleemu ay laarí atén afór AAKOÓ MUNGÚ, Munguúrén, aga iialooeesaniiká.»

YEREMIA 35:11

Ala qoomár Nebukadnesa waawutmoó Babuloni, yaamuuká' ngiwa i haraatláy, atén tay ooaán, ‹Qwalaasé', a tlawaán Yerusalemu, as slaqwaruusér múk Kaldayo nee ar Aramuwo kawa ilaguwaan. Hám daxta an hootaán baraá yaamaá Yerusalemúr wa aleeró.› »

YEREMIA 9:14

Ala inooín muner'ín ngina gawdeesiyé' nee Ba'ali nguri eehariyé' adoodá' kira intsaahhatís nee baabi'ii'ín.› »

YEREMIA 9:15

Gawaá adoorihe AAKOÓ MUNGÚ Aleesleemusmo, Munguú Israeli, i kaahi, «Ga/aawaak mukwí un hhamaandúr /aymiís, nee nguri ma'aá qárkwár wahaás.

WA/AA/I 3:19

Slahh'amayer'eé' nee harweeriringw'eene bira insláw, án i ló'wa slahh'eemisiyá' adór saaxí.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

AMOS 6:10

Qoomár maamáy tuuadá' taa daá/ birngi tse/aá i duux, heé aa baraá qul/ír dóií nahhaat bir deer, barngwa báy, «Heé aa meet i deéro?» Heedaádá' in ooi, «Tumu wák i kaahh.» Ala iri ooi, «shi-shi-shi-shi xásl asma umuú AAKOÓ MUNGÚ u ooanaaká.»

HABAKUKI 2:20

«Ala AAKOÓ MUNGÚ i baraá do'ós kudá' hhoohhoó' i dirii', yaamu sleémeero i xasliitiye' geeraawós i ale.»

SEKARIA 2:13

Kuungaásingaá muu sleémeero, dír geeraá AAKOÓ MUNGÚ i xaslitaak, asma inós naa dirós tidá' hhoohhoó' wa tláy.

Matayo 27:34

difaáír taa garka qarqaárár aleedoók kari haniís. Ala ngiwa tsaáq, gay sií' wahto.

DABE 29:18

Gimsé' ti harmagahhe' laarí hhawaata laqaá /ameeni, laqaá heé doohúng, laqaá oo tlahhayhúng tumu wák oo diirí wa sihhmiít laarí, oo AAKOÓ MUNGÚ, Munguúrén gu sií', miwa deeruút, iri munguaá xoordaá hatlá' sagadiyér áy. Gár adór tí an adór dee/armoó aa harmaa/, mamaá qarqará' giri laqwaál, kudá' qarkú koomá'.

DABE 32:32

Asma xa'anoó sabiíbuuín a xa'anoó Sodomár daáhh, dír kunguwa huúw a Gomora, sabiíbuuwós a sabiíbuú qarkú koóm, mamuuwós i qarqariyá'.