YEREMIA 8:13 - Biblía Axweesantá Hhohho' ar Mungú 2004

¹³ Qoomár aníng muk'eé' nguwa burumburtá wa slaa', adór heé sabiíbuuwós burumburiím inooín an adór sabiíbuú mamaá koomaaká, inooín a adór /aantsír mamaá koomaaká tam loo/oorós ina /óts. Tam muruudá' sleémeero naa haniís ina ilaá wa qwaár. Anuú AAKOÓ MUNGÚ tí ngina oó'.

YEREMIA 8:13 Iomraidhean Croise

ISAYA 5:10

Qaymór eéka mibaangw ar sabiíbu gár i dux a liíta dakaát kilós ar difaái. Heé kílór tsiiru ar balaangw gaa dahaas, gár i bui a kílo mibaangw ar balaangw.»

YEREMIA 14:12

Tam ta gwaawin, firor'ín a baloó iiárií qaasaaká, tam barnaxés iga ilahhooár dá/tí haniisiyé', nee tam ilahhooár balaango, aníng ilahhooar'ín a ya/aamaaká. Inooín aqo in hhaamiís ar paánga nee giyeé nee pu/i.»

YEREMIA 14:15

Gawaá adoorihe, anuú AAKOÓ MUNGÚ kuúng un babaw, ‹Aaruuseedá' aníng naa ya/aawiiká, tidá' aa tawó axwes ar umuueé', ar kah, slaqwara nee giyeé ni baloó baraá yaamuukií hardihiaaká. Aníng inooín in hhaamiís ar slaqwara nee giyeé.

YEREMIA 17:8

Heewí an adór xa'anoó taa haátl dír afaá kutltá ma'aay, kudá' dee/aruuwós gwaa siihh afaá yaae. Inós i kahiiká qoomár siire/iro, loo/oorós aqo in na/aa/át, sleeme tam kurkú slahheemasto i orooiiká, nee mamu gi mayká laqwaliingo.

YEREMIA 5:17

Inooín balangwhúng nee muruú /aymarhúng kun /aay. Inooín na/iihúng awa dasu nee awa daaqaywo ngi tsu/iyá'. Inooín daqooroó hikwaahúng nee bee/angwhúng ngun /ayiyá'. Inooín sabiíbuhúng nee seituúnirhunge ngin /ayiyá' gixsaduhúng kudá' koo/i gawden kuungá' taa harahhifé', inooín ngin hhaamiisiyá' ar xooslár slaqwara.›

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

ESEKIELI 22:31

Gawaá adoorihe iga buhhtaaeéní ku'uús, nee ar asltá xarasleemaeé' iga hhaamiís ar harqoomoó tlehhmi'ii'ín i diri'iya'. An adoodá' ni kah, anuú Aakoó MUNGÚ.»

HOSEA 2:12

Aníng qamuuwós awa sabiíbu nee awa /aantsihe, in hhitiím kudá' inós iwa kat, ‹Qamuuká' an bu'utueé', kudá' mulqer'eé' naa hanís.› Aníng in gara tleéhh, makaá sla/a ngiri /ayiyá'.

Yoeli 1:7

Sabiíbuueé' gwa hhitiín, /antsír'eé' gaa karslamaamís, tam qafo giri fíq, gay yaamií dáhh, nee haleemiiwós nay /awkukuyé'.

TLAHHOÓ LAÁWI 26:20

/Uureemoohúng in tawo hhitiindá', asma qamuuhúng balaangw ngu hamareesiaaká, nee yaamuuhúng i mamaá laqwaliaaká.

HABAKUKI 3:17

Geera tam /aantsí i laqwalkahe, laqaá tam sabiíbu i na/aá konkahe. Laqaá tam seituúni mamaá seituúni ngi laqwalindaakahe, tam qamu balaangw ngu hamaaremisiaakahe, nee tam bee/ángw baraá dito i faaki qatlooro, laqaá tam hikwa ni su'unsuu'utiia baraá slumto,

HAGAI 1:11

Aníng qoomár slahhemasi ngi tleés baraaká yaamií ale, nee gawaá daandemaá tlom'i, nee baraá balaangw, nee gawaá difaáidá' /aben, nee baraá umuúqo gár di/tá duxuuma, nee baraá umuúqo gár yaamu i duxuna', nee gawaá muu, nee gawaá daanduú makaá ta de'en, nee gawaá daanduú gadiyeé sleémeero ar daba'.»

HAGAI 2:17

Nuna slaáhh ar slahheemasi nee ar ququamó nee ar tluwoó tlaa/e, baraá gadiyeé sleémeero ar dabaahunge, ala naa amor'eé' ki/ii'iiká. Anuú AAKOÓ MUNGÚ Aleesleemusmo tí ngina oó'.

MALAKI 3:11

Ingigtá bu'ungwhúng hhitiim án a iigahhaát, tam balángw hhaperhúng guri hhitiindaaká, tam sabiíbuuhúng mamuuwós gi paahhasiiká qoomaarós bira xeeriiká baraá qamuuwo.

Matayo 21:19

/Aantsírka wák ar afaá loohírí dirii' gari artá áy. Ala naxés i mamaá koondaaká, aqo har loo/o kilós. /Aantsídá' gari báy, «Iimír laarí mamu mikiwa baloó sláy gawaawoge.» /Aantsídá' iri kát siiwadár kilae.

Yakobo 1:11

Asma tsee/amuú xaraásl sla/a gan da/aa/án, gari kahaas, /ayoorós iri hú', hhoohhooartós iri fák. Tam daqaarmo sleeme aqo in adoodár /oots iri qwaar baraá daawitimeerós sleémeerowo.