YEREMIA 7:5 - Biblía Axweesantá Hhohho' ar Mungú 2004

⁵ «Ala barnaxes hotaahúng iga warqesé' nee tlehhmi'iihunge, nee kuungá' kiloohúng bar gan'amúr hotá'.

YEREMIA 7:5 Iomraidhean Croise

ISAYA 1:19

Bar aga ya/aandé' nee tay iialooeesé', daqaní hhooeemaá yaamu i /agá'.

ISAYA 16:3

Múk Moabu i múk Yuda babay, «Atén ti gurbue', kangwrén tlaaqare', xuumarhúng daandemorene doogare' adór giwtír naa tlatla/ángw iimu/uun. Mukrén oo tinda guús lu/aak, nee kudá' naa ayahúngí /akumiit mu geewaqaatara'.

YEREMIA 21:12

Kuungá' múk doó Daudi, anuú AAKOÓ MUNGÚ an kah, ‹Gan'amu matlaatleero tseewa tleehhaak. Heé taa daqaari'iima hayóh /iisaak dabaá múk /aytuuseero. Laqaá bar adooriheeká, buhhtaaeé' i adór asltá wa oohiyá', nee heé gaasaro ga aleesláw i kaahh, asma tlehhmi'iihúng kudá' tlakw.›

YEREMIA 22:15

Xáy, kuúng kawa xu', tuna waawutmoó wa qaási as do' kuwa tlehh ar xaa'aá sahhta? Baabuúwók ina /ayín nee iri wahán, muruú ganaá' guri tlehhiít, iri hoót ar hotaá ganaa'á'. Umuú gaaro iri ya/aán dirose.

YEREMIA 22:3

Anuú AAKOÓ MUNGÚ a kah, ‹Muruú ganaá' nee oo qoóm tlehhiitaak. Heé taa daqaari'iima hayóh /iisaak dabaá múk /aytuuseero. Muu mu slahh'eemisaara' nee dahaayeero, tam na/aá panaay nee kwaeeliwo. Tam tseerdaá múk dakuús wásl mi diirí ku'umiisara'.

YEREMIA 26:13

Gimsé', hám daxta hotaahúng gan'aasaak, nee tlehhmi'iihúng gan'aasaak, nee afór AAKOÓ MUNGÚ Munguúhúng iialooeesaak. Adoorí bar aga tlehhé', AAKOÓ MUNGÚ inslawaywós gu warqees, nee amotlakweedá' aa uín ngi huwiiká dirhunge.

YEREMIA 7:3

AAKOÓ MUNGÚ Aleesleemusmo, Munguú múk Israeli, i kaahi, hotaahúng qoomeesaak nee tlehhmi'iihúng gan'aasaak, daqaní án kuungá' nu ya/aám tawa baraaká' wa hota'.

ESEKIELI 18:17

tlakweema gi tlehhitiiká, hee burngwa kirkitís aldaafi ga iinuusiká, laqaá slaasláwár ur ga leelehhitiiká, hara'ayar'eé' nee kaahir'eene gina eeharahar, na/aywí i gwaaiiká as tlakweemaá baabuúwós. Inós in hoot.

ESEKIELI 18:5

«Hee barnaxes i gan'amuú kón, inós bar muruú ganaá' gu tlehhiit nee oo qoóm,

ESEKIELI 18:8

nee gaa birnga heéwí haniís aldaafi ga leelehhitiiká, tam slaasláwár ur ga leelehhitiiká, barnaxes dakós gwa ilaá/ dír gár tlaakwe, sakwasleema aqo gan tsaat ar gan'amu dír heé iinuús nee oo ta iinuusi,

TLAHHOÓ LAÁWI 25:17

Miti hara/uuntsimaara', ala Munguúhúng na ilaiwawa/aak. Aníng an AAKOÓ MUNGÚ, Munguúhúng.»

SEKARIA 7:7

Xáy, /aymi'iiká' a kudá' AAKOÓ MUNGÚ naa oóiíke ar afér aaruusér aáng, qoomár Yerusalemu kawa hoót nee muu nee slaasláw kawa sláy. Qoomár gixsaduuwós ngiwa harweeriyé' nee yaamaá Negebu nee Shefela kiwa hoót nee muu.

HAR'OHUUSE 21:12

Inooín baraá xooroodae dasuú nee hhawaate taa alqatiiká kway sláy oo tsiire tsiyáhh. Dasuuwí kunguri huúw ay Shilo tidár baraá yaamaá Kana'ani.

HAR'OHUUSE 5:1

Aluuwo baalaadár kilae Debora nee Baraka garmoó Abinoamu daa'angwí nguri daaiyé', daa'angwí i kaahi,