YEREMIA 7:4 - Biblía Axweesantá Hhohho' ar Mungú 2004

⁴ Axweesanaywí oo al/ayma mu harahhifaara', tawa kata', ‹Do'owí oo AAKOÓ MUNGÚ, Doó AAKOÓ MUNGÚ, Doó AAKOÓ MUNGÚ.›

YEREMIA 7:4 Iomraidhean Croise

1 WAAWITÁ 9:7

naagáy nun sií' kuungá' nee do'owí naa hhoohhooeés as umuueé', sleémeero in saweés dír ilaeene. Múk Israeli tari slaqsaay nee /aymuú /ooslisliingw baraá xoordu sleémeerowo.

ISAYA 48:2

Kuungaádá' ti ateetimá' ar umuú gixsár hhoohhoo', handá' a kata', Munguú Israeli un harahhifaán, umuuwós an AAKOÓ MUNGÚ Aleesleemusmo.

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

ISAYA 66:1

AAKOÓ MUNGÚ i kaahi, «Doori an kitangw'eé' oo waawuti'iima, nee yaamu an kitángw ya'aaeé' ngi qamiim. Xáy aníng doó kuungá' i tlehha' a doó adoomá? Xáy dír ni hungu/uus a dír adoomá?»

YEREMIA 28:15

Aluuwo aarusmo Yeremia aarusmo Hanania guri báy, «Hananía iia qaaseek, AAKOÓ MUNGÚ kuúng ugwa ya/aawiiká, kuúng mukwí un harahhifór lámtí qamiín.

YEREMIA 29:23

Inooín adoorí gin sleér, asma alsi'imu nguna tleehhiyé' baraá yaamaá Israeliro. Inooín fuqi kana tleéhh nee tlaawoó muu, nee lama kana tlaáq ar umuú AAKOÓ MUNGÚ, gár anuú AAKOÓ MUNGÚ ngaa bawiiká kana tlehhiít. Aníng tí a xuú', aníng a lamabu'usmo. Anuú AAKOÓ MUNGÚ tí ngina oó'.»

YEREMIA 29:31

«Ya/abtoorí huweek dír muu sleémeero kuduú baraá looháy dirií', Anuú AAKOÓ MUNGÚ daanduú Shemaya oo Nehelamuwo a kah, ‹Shemaya ina kilós aariirín aníng ngwa ya/aawiiká, nee kuungá' lamtós kari haratlintié'.›

YEREMIA 6:14

Muk'eé' i baraá qwanáy dirii', ala inooín qwanoó muu kun duquuqún tawa kaahi, ‹Wayda i deer wayda i deer.› laatí wayduú daadáw i kaahh.

YEREMIA 7:14

Gawaá adoorihe kangwdá' naa /imiís dír Shilo un /imiís dír Do'owí taa umuuér ateét, Do'owí kuungá' ta harahhifa', diirí naa kuungá' i haniís nee xwaylitérhúng.

ESEKIELI 13:19

Aníng kuungá' iga ló'wa /ooslisliindé' dír geeraá múk wa alé, as tsa/oó wák oo puuruú angaanoó shayiíri kuwa sleera' nee muruú /aymár niiná. Kuungá' múk tsu/utaro harimaaká una tsu/é', nee kudá' tsu/utaaro hariím una meeré' tsu/utaaro. Muk'eé' ugwa lameemaá babeeré', nee inooín lameemoohúng nga haratlinti'iyé'.›

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

SEFANIA 3:11

Baalaadae tlakweemaawók kudá' tawa dee/aanút dir'eene, gár kiwa sa muruumit i káhh. Asma baalaadae mukdá' daara/aám nee ti xirfayeemiís un hingeés diroge. Slám kiíng a malé daara/utká gawaá tloomar'eé' tidá' hhoohhooe.

Luka 3:8

Tlehhma'aá hhu'u'ungwhúng ngu laqaqamá' na tleehhaak. Slám ma baraá munerhúng i kaahara', ‹Abrahamu a baabuúrén.› Án a kah, Mungú ga aleesláy tlaa/eeká' ngiwa na/aá Abrahamu tleehhi.