YEREMIA 7:34 - Biblía Axweesantá Hhohho' ar Mungú 2004

³⁴ Yaamu in xaanxay tleéhh, iimír gixsadaá Yuda wa tleemu ay lohdaá Yerusalemu, afór qwala/ nee qaseengw ka axaasiiká nee afór ni/imár /aylaawo asma yaamu i deewaaiyá'.»

YEREMIA 7:34 Iomraidhean Croise

YOBU 3:7

Xweeraadá' ni tawo tleehhitiye', qwala/ mukuwa baloó axaás xweeraadae.

WARA'AMI 78:63

Masoombar'ín asla gari /ák, nee múk dasuuín gu duxuút iri qwaár.

ISAYA 1:7

yaamuuhúng kaa deewa'ameérí geexáy, gixsaduuhúng kaa daá/ ar asla. Yaamuuhúng hooma gaa dír ilaahúng wa ar tleér, i baraá deewaa'ame, kwaáo hooma gina hhitiín.

ISAYA 3:26

Afér gixsár Siyoniro gaa a wa/aa/i nee tsuunqumis, gixsarí tari adór /ameenír taa geexáy ar pakáy, iri iwít baraá teeri.

ISAYA 6:11

Aluuwo niri yaahaás, «Xáy Aako, tay xaylá?» Inós iri mu/aywaáts, iri báy, «Ay dír gixsadu i deewaiya', niri muu wasleesiyá', nee maraay iwa tawo iwiitiya', nee yaamu kiwa ak ló'wa hhitin.

YEREMIA 16:9

Asma AAKOÓ MUNGÚ Aleesleemusmo, Munguú Israeli, i kaahi, «Ga/aawaak aníng afór qwala/ nee ar bara/ a qwaareés baraá yaamuukae, tam qwal/uú ni/imár /ayla. Tí kuungaákaá slafá' a aandá' ilaahunge.

YEREMIA 22:6

AAKOÓ MUNGÚ i kaahi daanduú waawuti'iimár Yudawo, «Tam do'owí ku hhoohhooe adór yaamaá Gileadi, adór ságw tloomár Lebanoni, ala looeemaawo aníng diirí a xaanxay tleéhh, tari gixsár hotángw muko ya/aamaaká.

YEREMIA 25:10

Aníng afor'ín ar qwala/ nee ar bara/, nee ni/imár /ayla, nee afór xoosliingw a qwaareés dir'ine nee tsaa'asór oh a gaás dir'ine.

YEREMIA 27:17

Inooín mi iiárií qamiimara'. Waawutmoó Babuloni sagadiyuusaak daqaní kuungá' a hotá'. Ahaá waáy, gár gixsarí kas taangu tleehhi?

YEREMIA 33:10

AAKOÓ MUNGÚ i kaahi, «Baraá gixsarí kuungá' tawa kata'a, muu i kaahh laqaá makaay, eeít gixsár Yuda nee baraá lohdaá gixsár Yerusalemu, tidá' múk koomaaká laqaá makaay, baraakae

YEREMIA 33:11

afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

YEREMIA 4:26

Aníng ana qaytsiít, naxés yaamaá hhape hho' nina adór xaanxay tleehhitiyé' nee gixsadu sleémeerowo naa tangwaá tawo tleehhitiyé' asma buhhtadaá xaraaslá' awa AAKOÓ MUNGÚ.

YEREMIA 4:27

AAKOÓ MUNGÚ i kaahi, «Yaamu sleémeero i xaanxay tleéhh, ala sleémeero i ak hhitiimaaká.

YEREMIA 44:6

Gawaá adoorihe aníng ana xaraásl nee niri daa/atúw buhhtaawo gawaá gixsadaá Yuda nee baraá lohdaá Yerusalemu, niri xaanxay tleehhitiyé', nee niri deewaiyé' adoodá' laarí i dirii'iya'.

WA/AA/I 5:14

Bariise axweesanoó tliintu gway meér, nee masoomba /ayla gaa meér.

ESEKIELI 26:13

Tsimaahhír daa'aangw a hhaamiís. Afór gidandoorayhúng a male axasa'aaká.

ESEKIELI 7:11

Gurtleemu wasle aa kumiít ar adór ló'wa tlaakw, hee tumu wák oo dirhunge meét i kaahh, laqaá tam muruudá' yaariír taa burumburariindé', laqaá daqaari'iimarhúng, heé ilaiwa/amér koóm oo dirhúng i meét i kaahh.

HOSEA 2:11

Slám qwal/amaayeerós sleémeero a hingeés. Nee deeloorós tidá' urene, nee deelór uren ar slahhaangw niwa ti'iít, nee deelór Sabaáto nee deeloodá' uren taa qaás.

HOSEA 2:13

Aníng a muúx as deeloodá' ur ar munguaá ta bay Ba'ali i aaeer, nee ilahhooadár mooyángw koom deeloodae i da/a/ángw aaeer dír munguiidá'. Tina parootumaamís ar peéterós nee ar muruudá' tlaxo gawdén, iri tleér amór mulqeerós, aníng iri gunqaarés. Anuú AAKOÓ MUNGÚ tí ngina oó'.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

MIKA 7:13

Ala Mungú yaamu gi hhitín, asma tlehhma'aá tlakw awa múk baraadá' wa hoót.

Geehhoeemaá 18:23

Nee slám gwa/aateemaá tsaa'asi ki baloó ariiká baraawoge. Nee afór garmoó duuxuxuúm nee ar dasír ta duxuuti ka baloó axaasiiká baraawoge malé alé. Asma mukók kudá' halaanu'uumár tleéhh, inooín a múk aleesleemuú koóm baraá yaamuwo, nee xoordu sleémeero kina al/agín ar da/ariwók.»