YEREMIA 7:29 - Biblía Axweesantá Hhohho' ar Mungú 2004

²⁹ Kuungá' yaamuloousér Yerusalemu, se'engwhúng deeqwaak nee ku kwahhá'. Tsuunqumisé' gawaá sagér tlom'i wa aleeró, asma AAKOÓ MUNGÚ kuungá' naa sií' nee naa máy, kuungá' qartá buhhtaawós gwarangwariim.

YEREMIA 7:29 Iomraidhean Croise

2 WAAWITÁ 17:20

AAKOÓ MUNGÚ múk Israeli guri sií' sleémeero, giri muúx ar loohír xoordaá xaraaslá', sleémeero kiri hhaamiís dír geeraawose.

YOBU 1:20

Aluuwo Yobu kaangwí sleémeero nguwa axamaamiís, iri sihhiít, tlabaawós giri feehhamiís, se'eengós nee daamoórose giri deéqw as tsuunqumis, iri yaamií huú' ar gura', Mungú guri sluufiís.

ISAYA 22:12

Baalaadae Aako MUNGÚ Aleesleemusmo muu gun bay, «/Aa/amimé' nee tsuunqumisé', nee deequmé', nee guniyadu siinootaak.»

YEREMIA 12:7

AAKOÓ MUNGÚ i kaahi, «Aníng múk dooeé' ugwa sií', aníng mukduú aalir'eé' ugwa geexáw. Mukduú sla'aaruser'eé' ar muuná ugwa haniís baraá dabaá wakuuser'ín.

YEREMIA 14:19

Aá AAKOÓ MUNGÚ, múk Yuda una tsuwa si'ima hhe'ési? Kuúng múk Siyoni una ló'wa áhhi? Ahaá, asma mista adoorír sláhh, tam hungu/uusaro ti aleeslayká. Atén wayda una harahhifaán, ala gár hhoo' ar taa slawaán i káhh. Harahhifo ana qaasaán as tawa hunguu/aan, kitaangose tina dae tsaát.

YEREMIA 16:6

Sleémeero múk urén nee oo ninakwe, i qatliyá' baraá yaamuukae, ki foliitiiká, laqaá heé gi satsuunqumiís i kaahh, laqaá oo ti yaamúr slaáhh, tam oo sagós gu deéqw as gwa'ara i kaahh.

YEREMIA 3:2

Axáy ilaawoge sagér tlom'i xuxueek. Dii a diimá ar kuungá' nee inooín tawa alqati'iiká? Mulqeerók ana daamaraán bihhaá loohír wa aleeró adór Ma/araábuduú baraá xaanxaay. Yaamu iga meetagasé' ar tsaatu'uumarhúng tidá' slasla/aruuwo aa harwaarahh.

YEREMIA 3:21

Tsimaahhi an gawaá sagér tlom'i axamisaán, tsuunqusmo nee /aa/aá na/aá Israeliwo. Asma loohír ganaa' ngina dakuusiyé', AAKOÓ MUNGÚ, Munguúín, nguna gunqaaresiyé'.

YEREMIA 47:5

Múk Gasa se'engw'ín ku deeqw asma tawa tsuunqumisi. Gixsár Ashkeloni kaa qwaareés. Xáy kuungaásingá' aga mete' baraá xatstá ayaaín, ay xaylá ti kiloohúng siiqaaqita' as gurhaami?

YEREMIA 48:37

Umuú heewo saga nee daamode gaa deéqw. Dabaaín sleémeero ka gwehhaahhín nee tlabaá guniyadu nga siinotiyé'.

YEREMIA 6:30

Inooín ki bay, «Baa/ír peésa ar taa kwaáhh,» asma anuú AAKOÓ MUNGÚ inooín iga sií'.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

YEREMIA 9:16

Aníng i diyaá/ baraá xoordaá hatlá' awa i baloó xuiiaaká, tam baabi'ii'ín ngi xuiiaaká, nee wakuuse ngiri ya/aáw aluuín wa aleeró, ay dír án ngi hhaamiis.»

WA/AA/I 5:22

Laqaá kuúng atén taa ló'wa sí'i? Kuúng atén tina ló'wa i búhhi?

ESEKIELI 19:1

AAKOÓ MUNGÚ aníng ina báy, «Tsuunqumiís as daanduú geeraharuusér Israeli.

ESEKIELI 28:12

«Heewí, tsuunqumiís daanduú waawutmoó múk Tirowo. Ku beer, Aakoó MUNGÚ i kaahi, Kuúng aáng a slaqsoó ganaá', sagalooaro a háts, nee tu ló'wa hhoohhoó'.

AMOS 5:1

Tsuunqumisuueé' daanduuhunge iiárií qaasaak, kuungaá múk Israeli.

MIKA 1:16

Kuungá' múk yaamaá Yuda, se'eemerhúng deeqwaak tawa tsuunqumisa' as na/iihúng kudá' ta sla'a'. Sagerhúng adór tiqár gwares tleehhaak, asma na/iihúng kir tláy nee wakuuse ay yaamaá saawá'.

Matayo 12:39

Giri báy, «Qartá tlaakw nee ar tsaatuuse i layár leelehhít. Ala layár ta slay i káhh, aqo har layár aarusmo Yona kilós.

Matayo 16:4

Qartá tlaakw nee ar tsaatuuse i layár leelehhít. Ala layár ta slay i káhh, aqo har layár Yona kilós.» Giri geexáy iri quútl.

Matayo 23:36

Án a kah, kaangwí sleémeero ni hardah gawaá múk qartí.»

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Tlehhema'aá ya/Abuuse 2:40

Petro giri ló'wa lamabu'ún ar /ayma'aá hatlá' awa yaariir, nee giri gurbu'ún iri oó', «Tundu ba/amisi dír qartír múk tlakwe.»

DABE 32:5

Ala kuungá' tundu inkihhimu wásl dirose. Kuungá' a hariinda'aaká tawa na/iiwós. Kuungá' a qartá tlakuuse nee ar aa qwat.