YEREMIA 7:24 - Biblía Axweesantá Hhohho' ar Mungú 2004

²⁴ Ala inooín aníng iga ilaiwa/i'iiká laqaá axweesante'eé' nga iiárií qaasi'iiká. Inooín nina hootiyé' ar adoodá' sager'ine i slaiya', nee muner'ín tidá' gawden ngina eehariyé', inooín nina alií ki/iyé' kitángw tawa geerií kumiiti hhooeema tlehhtuwo.

YEREMIA 7:24 Iomraidhean Croise

NEHEMIA 9:29

Ina gurbu'uún as daberók ngiwa i ki/iya'. Ala ar sagagawduuine hara'ayarók ngaa iialooeesi'iiká, kaahirók ngina si'iyé' tidá' handá' geeraawo bar hee ngaa iialooeés in hoot, inooín sager'ín ngiri gawdeesiyé' nee da/ewer'ine, kuúng uri si'iyé' iialooeesaro.

WARA'AMI 81:13

A gár hhoo' geera bar muk'eé' kangw'eé' ngwa iiárií qaás, nee múk Israeli bar loohir'eé' ngaa slaiyé'.

YEREMIA 13:10

Mukwí tlákw, kwí axweesante'eé' gaa sii' axaasaro, kwí sagagawduuín gwaa eehar nee inslaway'ine. Munguaá hatlá' ngina eeharahariyé' nee ngiri sagadiyusiyé', nee ngina sluufmisiyé', mukwí tay adór inqwaarirí aa hifut, tí gár ya/amaaká.

YEREMIA 13:11

Adoodá' inqwaarír siinootaay ira naga'át baraá afeetlaá hee, an adór múk Israeli nee oo Yuda ngaa laáq, ina gawaaeé' naga'aás, as inooín tawa muk'eé' tleehhiti, as niwa umuueér xu'utiitiya', nee iwa xirfayeemisiya' nee iwa diidi'iimisiya'. Ala inooín aníng iga iiárií qaasi'iiká.› Anuú AAKOÓ MUNGÚ tí ngina oó'.»

YEREMIA 15:6

Anuú AAKOÓ MUNGÚ a kah, «Kuungá' aníng iga sié', aníng iga geexeeré', tari alií ki/é'. Aníng kuungá' nay hhaamiís, asma aga slahhaá' kuungá' gurtlatlaango.

YEREMIA 16:12

Kuungá' tlakweema ina tlehhé' ta baabi'ihunge, asma ga/aawaak, umuú heewo dirhunge ku saga gawít, nee ku inslaway tlákw, tam aníng i iiárií qamiinda'aaká.

YEREMIA 17:23

Ala baabi'iihúng aníng iga iiárií qaasi'iiká nee iga hhasliti'iiká, ala inooín sager'ín ngina gawdeesiyé', tidá' naa oó' ngina si'iyé', nee intsaahhasar'eé' ilaooharo gina si'iyé'.› »

YEREMIA 17:9

Muunuú hee a ló'wa al/aymusmo ta umuú gaaro, hungu/uusaro ku aleeslayká. Heé tsaahharo gu aleesláw a heemá?

YEREMIA 18:10

ala barnaxes xooroodá' tlakweema gaa tléhh dír geeraaeene nee afor'eé' iialooeesaro ngiri si'iyé', aníng an warqáw hhooeemaadá' nira tsabiím tleehhamoro i sangw tleehhaaká.»

YEREMIA 18:12

Ala inooín i kaahiya', ‹Tisíng a tawo. Adoorén tidá' ta sla'aan an eeharaán, nee umuú heewo in hoot ar adór aa ár baraá muunaáwós kudá' tlaakwe.› »

YEREMIA 2:27

Kuká' an kudá' xa'anoó babaawá', «Kuúng a baabuúeé',» nee tlaa/anoó, babawá', «Kuúng atén tina laqwál.» Ala inooín intlerhhuuín ngwa amor'eé' xu'usiyé' nee gitsee/er'ín nga amor'eé' xu'usi'iiká. Ala qoomár slahh'amaayeero i kaahiya', «Tlawáng ti /is.»

YEREMIA 22:21

AAKOÓ MUNGÚ ina axweés nee kuungá' qoomár tawa baraá diihhooa, ala kuungá' tari oé', «U iiárií qaasanaaká.» Adoorí an adoodá' tar hotaatinda' iimír tawa masoomba. Kuungá' afór AAKOÓ MUNGÚ aga iialooesi'iiká.

YEREMIA 23:17

AAKOÓ MUNGÚ i kaahi, «Inooín i lakiitiaaká mukdá' axweesante'eé' ga waaqaqaá' nguwa babaya', ‹Gár tlaakw ar nu slaw i káhh.› Nee umuúqo heewo oo sagagawduuwós gu eeharaahár ngun babaya', ‹Gár tlaakw ar u slaw i káhh.› »

YEREMIA 3:13

Kuungá' tlakweésarhúng kilós na hhu'uu'umaak, tidá' anuú AAKOÓ MUNGÚ, Munguúhúng, iwa ahhé', nee munguaá hatlá' kiwa slaé' sluufmisuuwo dír umuúqo gamuú xa'anoó loo/o naa/e, nee afor'eé' kari iialooesi'iiká. Anuú AAKOÓ MUNGÚ tí ngina oó'.

YEREMIA 3:17

Nee qoomaadae gixsár Yerusalemu ka bay, ‹Kitángw aleesleemu oo AAKOÓ MUNGÚ.› Nee xoordu sleémeero niri burumburitiyá' dír geeraaeé'. Adoodá' tlaakw muner'ine ta slai ngi eehariaaká.

YEREMIA 32:23

Inooín niri dahiyé', yaamu ngiri oohiyé', ala tidá' kuúng kaa beér nga iiárií qaasi'iiká, tam hara'ayarók nga oohi'iiká. Tidá' kuúng kaa beér ngaa tleehhi'iiká. Gawaá adoorihe, kuúng kiri amotlakweérí húp.

YEREMIA 32:33

Inooín aníng ina alaá xu'usiyé' iga i qayti'iiká, tam aníng inooín iga intsaahhatimisi umuú daqto, ala axweesante'eé' nga iiárií qaasi'iiká, sleeme intsaahhasar'eé' ngaa ilaoohi'iiká.

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

YEREMIA 6:16

AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

YEREMIA 7:26

Ala inooín aníng iga iiárií qaasi'iiká laqaá iga axasi'iiká, ala inooín nina ak sage gawduduyé', muruú ak tlákw nguna tlehhiitiyé' ta baabi'ii'ine.»

YEREMIA 8:5

Ahaá ala waáy, mukwí loohír ganaa' maska sií', niri ak kumiitiyé' baraá qwanay'ín. Inooín niri ak naagisiyé' munguaá lama eeharahaduuwo, niri si'iyé' ki/imaá amor'eene.

YEREMIA 9:14

Ala inooín muner'ín ngina gawdeesiyé' nee Ba'ali nguri eehariyé' adoodá' kira intsaahhatís nee baabi'ii'ín.› »

ESEKIELI 20:13

Ala múk Israeli ina dee/anuút baraá xaanxáy wa ale, kaahir'eé' eeharto ngina si'iyé' nee daber'eene, tidá' handá' hee geeraawo birnga eehár, in hoot. Deelór Sabaáto ngaa meetagaasiyé'. Aníng niri oó', In i buúhh ngiri hhaamiís baraá xaanxaay.

ESEKIELI 20:16

Adoorí ana tleéhh asma inooín daber'eé' ngina si'íyé', nee naa hooti'iiká ar baraá kaahir'eé', Sabaátor'eé' ngina meetagaasiyé', asma inooín slaqsi'iidaá munguaá hatlá' ngina gurií ba/iyé'.

ESEKIELI 20:21

«Ala tam na/ii'ín sleeme aníng ina aahhiyé', naa baraá kaahir'eénár hooti'iiká, sleeme daber'eé' ngaa harmagahhi'iiká ooharo, nee Sabaátor'eé' ngina meetagaasiyé'. Naagáy nari oó', ‹In i buúhh, tidá' tleehhamooro ni slaa' daanduuine ngiri boo/eés baraá xaanxáy wa alé.›

ESEKIELI 20:8

Ala ina aahhiyé', slám iga iiaárií qaasi'iiká. Tam heé wák i kaahh oo muruudá' aníng ni ahhiit, kudá' inooín i slaiya', gwaa may tlehhtuuwo, sleeme inooín slaqsi'iidaá munguaá yaamaá Misri ngaa may'iiká. Naagáy niri oó', ‹In i buúhh dír ir baraá yaamaá Misrír i kahhiya'.›

DANIELI 9:6

Sagadiyuuseerók tidár aaruuse aga iiárií qaasaniiká, tidá' aa axwes ar umuuwók dír waawitaárén nee mukrén oo urén nee xwayliteérén, nee xooroorén sleémeerowo.

HOSEA 10:6

Slaqsayduú dama kuri huuw Ashuru. Kuri koódír wa haniis dír waawutmoó úr, múk Efraimu kuri mureekees, nee múk Israeli iri muruut as slaqsayduú mungú.

HOSEA 4:16

Asma múk Israeli aa sagagawdúy, adór tsa/atmoó gwaréhh. Hám daxta AAKOÓ MUNGÚ de'eengo gi aleesláya adór deeloó bee/ángw baraá hindawtá ur?

MIKA 6:16

Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

SEKARIA 7:11

«Ala inooín axaasaro nina si'iyé', iri alaá xu'usiyé', iaaín ngiri tuuntukiyé' as mindiwa gaa axaasiyé'.

DABE 29:19

Barnaxes axweesanoó alqadoorí, tí hamí lo'o kawa /agé', hee gwaa axaás, aluuwo iri sagós ar awín, nee iri ooi, ‹Aníng gár i aw i káhh, tam aníng sagagawduueé' bura eehár,› gaarí kuungá' sleémeero nu fák, múk tlákw nee oo hhoe.