YEREMIA 7:21 - Biblía Axweesantá Hhohho' ar Mungú 2004

²¹ AAKOÓ MUNGÚ Aleesleemusmo, Munguú Israeli i kaahi, «Gimsé' ilahhooarhúng ar da/a/aangw doogaak gawaá ilahhooár muruú ta tsu/i nee fu'unaay /ayaak.

YEREMIA 7:21 Iomraidhean Croise

WARA'AMI 50:8

U iigahhamitaaká as ilahhooarók tidár muruú ta tsu/i, nee ilahhooarók ar da/a i dír geeraaeé' qooma sleémeero.

ISAYA 43:23

Kuungá' aníng iga bee/ángw ilahhooár dá/tí hubi'iiká, laqaá iga ilaiwa/i'iiká ar ilahhooár muruú ta tsu/i. Aníng kuungá' naa al'iloouwiiká ar ilahhooa, laqaá naa slaaqatisiiká ar ilahhooár mooyángw tsuú' ar ta da/aa/an.

YEREMIA 14:12

Tam ta gwaawin, firor'ín a baloó iiárií qaasaaká, tam barnaxés iga ilahhooár dá/tí haniisiyé', nee tam ilahhooár balaango, aníng ilahhooar'ín a ya/aamaaká. Inooín aqo in hhaamiís ar paánga nee giyeé nee pu/i.»

YEREMIA 6:20

Asma milá misa ubaánír amór Shebár daáhh i hubé' tidá' mooyángw tsuú' koom? Nee uúdi ar mooyángw tsuú' koom mis nga amór yaamaá saáw wa hubé'? Ilahhooarhúng tidár da/a ka ya/aniká, laqaá ilahhooarhúng tidár muruú ta tsu/i i sla'atimisiiká.

ESEKIELI 33:25

«Gawaá adoorihe kibeeto, Anuú Aakoó MUNGÚ a kah, Kuungá' fu'unaay in tseerér al/agá', nee slaqsi'iidaá mungui in sluufmisá', nee tseerdu in tawo ku'umisá', xáy, ka xua' yaamuuká' kingiqo kuungá' i tsuwa haniísi?

HOSEA 8:13

Inooín ilahhooár muruú ta tsu/i hanmisuuwo ngi slaiyá', nee fu'unaydá' kiri /aay. Ala AAKOÓ MUNGÚ ku baloó sla'atimisiiká nee inooín. Aníng hamí tlakweemaaín kuká' in insláw ngiri muúx as tlakweemaaín kuká', ngiri ki/ís baraá lawaali'iimár yaamaá Misri.

DABE 12:27

Kuungá' ilahhooár da/a an hanisá', fu'unaay nee tseereero gawaá kitangwduú ilahhooár AAKOÓ MUNGÚ, Munguúhúng kawa hanmaamisa'. Tseerér ilahhooár muruú ta tsu/i an tsipipi'isá' gawaá kitangwduú ilahhooár AAKOÓ MUNGÚ, Munguúhúng, ala i ya/aán kuungá' fu'unaydá' kiwa /aga'.