YEREMIA 7:2 - Biblía Axweesantá Hhohho' ar Mungú 2004

² «Tláw, sihhiít dír afkú doó Mungú nee axweesantí dahareemiseek, ta o', kuungá' múk Yuda, iia qaasaak kuungaáká' sluufmisuú aa'awá' baraá Doó AAKOÓ MUNGÚ.

YEREMIA 7:2 Iomraidhean Croise

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

WARA'AMI 122:2

Aá Yerusalému, atén aga sihhitaán baraá guruú Do'ók.

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

YEREMIA 10:1

Kuungá' múk Israeli, axweesantá AAKOÓ MUNGÚ ni dirhúng i kaahi iiárií qaasaak.

YEREMIA 11:6

AAKOÓ MUNGÚ iri báy, kaangwí alki/iteek baraá gixsadaá Yuda sleémeero nee baraá lohdaá Yerusalemuro. Inooín ki beer, «Axweesantír alqado iiárií qaasaak nee ka boo/esá'.

YEREMIA 19:14

Naagáy Yeremia iri Tofetír wa tláy amoodá' AAKOÓ MUNGÚ ngway ya/aáw iri aariirín. Inós iri tláy iri sihhiít baraá Doó AAKOÓ MUNGÚ, muu sleémeero guri báy,

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

YEREMIA 2:4

Axweesantá AAKOÓ MUNGÚ iiárií qaasaak, kuungaá múk Yakobo nee xwaylár múk Israeli sleémeero.

YEREMIA 26:2

«Anuú AAKOÓ MUNGÚ a kah, ‹Sihhiít baraá matla/ángw Doó AAKOÓ MUNGÚ, múk gixsár Yuda kudá' baraaká' wa sluufmamiís kaangwí ti o', muruuwí sleémeero naa kuúng báw, ti o', tam ar wák ma mawaar ooaro.

YEREMIA 28:5

Aluuwo aarusmo Yeremia aarusmo Hanania guri ii axweés dír geeraá kaahamuusér Mungú wa ale, nee dír geeraá muu sleémeero kudá' aa sihhiit baraá Doó AAKOÓ MUNGÚ.

YEREMIA 34:4

Tam adoorihe, kuúng Sedekia, waawutmoó Yuda, axweesantá AAKOÓ MUNGÚ daanduuwoge iiárií qaaseek, kuúng tu gaasiiká ar slaqwara.

YEREMIA 36:10

Naagáy Baruku /aymi'iidaá Yeremia giri baraá kitaábuú wa soomuús dír muu sleémeero iwa axamiisi, gina baraá Doó AAKOÓ MUNGÚ wa soomuús dír kutuwidár Gemaria garmoó Shafani kuduú goousmo. Kutuwirí i didár matla/ángw gawa, dír Afkú /Abén oo Doó AAKOÓ MUNGÚ.

YEREMIA 36:6

Kuúng an baraá Doó AAKOÓ MUNGÚ i tleér baalaadár gwaawitooro, as muu kuwa axweesantadár AAKOÓ MUNGÚ i soomus, tidá' naa dirók i káh nee kari gooiín baraá kitaábu. /Aymi'iiká' ki soomús sleeme dír múk Yuda kudá' baraá gixsaduín dahhá'.

YEREMIA 44:24

Yeremia muu sleémeero nee /ameena sleémeero gana báy, «Kuungá' múk Yuda sleémeero awa baraaká yaamaá Misrír hootá', iia qaasaak.

YEREMIA 7:1

AAKOÓ MUNGÚ Yeremia guna báy,

ESEKIELI 37:1

Anuú Esekieli /uuruú AAKOÓ MUNGÚ ina al'iilooúy, nee inós iri gáwtí tleés ar qeeruuwós, nee iri qaás baraá tlapár faduuwo haats.

HOSEA 5:1

Tí iiárií qaasaak, kuungá' kaahamuusér Mungú! Iia qaasaak, kuungá' múk Israeli! Iia qaasaak, múk doó waawutmo, asma kwasleemarí i kuungá' wa hariín. Asma kuungá' aga tsaaxweeli tleehhité' baraá Misparo, nee xotloompír taa qaás daanduú tloomár Tabori.

AMOS 7:16

«Gimáy, daxta axweesantá AAKOÓ MUNGÚ iiárií qaaseek, kuúng a kat, ‹Ma aaririimaar daanduú múk Israeliwo, tam dír xwaylár Isakawo ma dahareemisaar.›

MIKA 1:2

Kuungá' múk xoordu sleémeero, iia qaasaak, kuungá' baraá yaamu sleeme iia qaasaak nee umuúqo gár baraá yaamií diriia. Aakoó MUNGÚ nusa kwasleemuut iimír amór Do'ós kudá' hhoohhoó' wa ale.

MIKA 3:1

Nari oó', «Na'asé', iia qaasaak, kuungá' geeraharuusér doó Yakobo, kuungaásingá' awa doó Israeli ngu sawaawuti'iimá'! Xáy, i hariindaakáhe kuungá' muruú ganaá' kuwa xua'?

MIKA 3:9

Na'asé' kaangwí iiárií qaasaak, kuungaásingá' geeraharuusér múk Yakobo, kuungaásíngá' baaluusér doó Israeli ngu sawaawuti'ii'imá', kuungaásingá' sakwasleemár ganaa' ngi ahhiitá', nee hhooeema kiri paslisé'.

Matayo 13:9

«Heé iaá axamis gi koóm, i axaasi.»

Yohana 18:20

Yesu iri oó', «Aníng ana axweemaamiís dír geeraá muu sleémeero daqisleém. Dír án niwa intsaahhatimaamiis a baraá maraá saaliingw nee baraá Doó Mungú, dír múk Yahudi sleémeero iwa burumburimaamiti. Gár naa axweés ar sufa i káhh.

Tlehhema'aá ya/Abuuse 5:20

«Tlawsé', sihhiité' baraá Doó Mungú, muu ádbawaak kángw axweesanaywí sleémeero oo slafiingo.»

Tlehhema'aá ya/Abuuse 5:42

Nee umuúqo daqto baraá Doó Munguhe, nee dír maray'ine, axweesantá Mungú kaa mayká intsaahhatimisuwo, nee alki/ituú Ya/abtór hho' ar Yesu adór inós tar Kristo.

Geehhoeemaá 2:11

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heé arba/ati ga sláw, inós ku slahh'eesiiká nee gwa'araadár tsár.»

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»

Geehhoeemaá 2:29

«Heé iaá koóm, axweesantí ngi axaasi, tí Qeeru i kaahi dír múk kríshaanáy.»

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»

Geehhoeemaá 3:13

«Heé iaá koóm axweesantí ngi axaasi, tí Qeeru i kaahi dír múk kríshaanáy.»

Geehhoeemaá 3:22

«Heé iaá koóm, axweesantí ngi axaasi, tí Qeeru i kaahi dír múk kríshaanáy.»

Geehhoeemaá 3:6

«Heé iaá koóm, axweesantí ngi axaasi, tí Qeeru i kaahi dír múk kríshaanáy.»