YEREMIA 7:19 - Biblía Axweesantá Hhohho' ar Mungú 2004

¹⁹ AAKOÓ MUNGÚ i kaahi, «Mukwí heé i buhhtamiisi a anínge baré? Aasla'áy inooín ti kilooín slahh'eemisiyá' as amoqwaqwadingw'ín.»

YEREMIA 7:19 Iomraidhean Croise

ESRA 9:7

Iimír baabi'iirene tam ay laarí ateékaá mukók kuúng una sadakumamisaán, as tlakweemaarene atén nee waawitarene, nee kaahamuuseerene, taa qaás gawaá dabaá waawituú xoordaá hatlá', tari tsuú/, tiri loohatís, daqaari'iimaarén kari haasaáng wa ar tláy, tiri ló'wa mureekeés adoorí laarí tay diriiaan.

YOBU 35:6

Bar tlakweema iga tléhh, gár Mungú gu aw a milá? Nee tlakweemaawók binda tlahhiyé', gár inós kur slahhe'es a milá?

ISAYA 1:20

Bar aga sié', tay dee/aanuté', tundu qwaarees ar paánga, asma AAKOÓ MUNGÚ tí gana oó'.»

ISAYA 1:24

Gawaá adoorihe, Aako i kaahi, AAKOÓ MUNGÚ Aleesleemusmo, kudá' wák /Uuruú koóm oo Israeli, «Aníng wakuuser'eé' an i xaraásl, nee wakuuser'eé' ngay li/áy buú'!

ISAYA 45:16

Kudá' slaqsa'aá munguaá hatlá' tlehhiitá' gin mureekees, giri amoqwaarees. Sleémeero giri amoqwaarees.

YEREMIA 15:9

Aayoodá' na/aá faanqw gi koom i gwagwa'aán, i slaraará/, looaarós aa tla/ángw doorí dát. Inós kaa mureekeés, kari alsi'imúy. Mukdá' aa meet aníng ugwa haniís kuwa geeraá wakuuser'ín wa tsu/i. Anuú AAKOÓ MUNGÚ tí ngina oó'.»

YEREMIA 2:17

Kuungá' múk Israeli tí ana kiloohúng leelehhité'. Aníng ina geexeeré', anuú AAKOÓ MUNGÚ, Munguúhúng kudá' naa geerahaar baraá loohiro.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 20:11

Ala kuúng AAKOÓ MUNGÚ a dinkwa nee aníng. Dir'eene kuúng a adór migusmoó dae tlaáq. Gawaá adoorihe kuká' aníng i baramaanuusá' i dukuutsiyá', baaliro i aleeslay'aaká. Ki ló'wa mureekees, asma i baalina'aaká. Murér alhhe'eesay wasle ngin slayá', ar taqo baloó gunqareesiiká.

YEREMIA 22:22

Geeraharuuserhúng ka haritlees nee fur'a, mulqerhúng karir tláy baraá loohaay, daqaní kuungá' tari muruta', nee tari amoqwaqwadiindá', asma tlakweemaahúng kudá' taa tlehhé'.

YEREMIA 25:7

Ala AAKOÓ MUNGÚ i kaahi, ‹Kuungá' ana sié' aníng iwa iiárií qasa', kuungá' aníng ina buhhtisé' ar slaqsi'iidaá adór Mungú, kudá' kuungá' taa kiloohúng tlehhé'. Gawaá adoorihe, tiri kiloohúng amotlakweérí hubé'.›

YEREMIA 3:25

Gimsé' atén gár tiwa hariím an yaamií qaataán as mureerén, nee masók mureekesayrén ti tuuntuuk, asma tlakweema iga tleehhaán dír AAKOÓ MUNGÚ, Munguúrene, atén nee xwayliteérene. Iimír masoombi'iimarén wa tleemu ay laarí atén afór AAKOÓ MUNGÚ, Munguúrén, aga iialooeesaniiká.»

YEREMIA 44:3

Adoorí ina tleehharút asma tlakweemadá' inooín taa tleéhh, aníng ina buhhtisiyé', asma mooyángw tsuú' nguna da/a/ané' nee munguaá hatlá' ngina sluufmisiyé', kudá' inooín ta xuiiká laqaá tam kuungá', laqaá baabi'iihúng.

YEREMIA 8:19

/Aa/aá muk'eé' iiárií qaasaak badu sleémeero awa yaamu, ta kaahi, «Xáy, AAKOÓ MUNGÚ i káhhi Siyoniro? Xáy, waawutmoowós i barawoseekáhe?» «Ahaá baré aníng iga buhhtisiyé' ar slaqsi'ii'ín kudaá adór Mungú, slaqsii'ín kudaá munguaá xuaawaslen.»

YEREMIA 9:19

Afór /aa/e ar amór Siyonír daahh aga axaasaán ar kah, Atén taa hhaamiís, atén taa ló'wa mureekeés. Asma atén yaamuurén iga geexawaán, asma inooín marayrén kaa yaamií daáhh.»

ESEKIELI 16:26

Slám ana fuqús nee múk inslaawaywók oo Misri, kudá' naa hatsiye' ilatleeriro, tari ak naagís sli'imaaro, buhhtaaeé' kiri dúk.

1 Korinto 10:22

Ahaá, atén aqo qitlána Aako kuwa buhhtisaan? Atén a ak /uuruú koomaána ta inose?

DABE 32:16

Inooín nguna dá/tár ayé' ar munguaá hatlá', ar tlehhmi'ii'ín kudá' slasla/arene nguri buhhtisiyé'.