YEREMIA 7:17 - Biblía Axweesantá Hhohho' ar Mungú 2004

¹⁷ Xáy, kuúng hamí a ga/eerakáhe muruú inooín i tlehhiitiya' baraá gixsadaá Yudawo nee baraá lohdaá Yerusalemuro?

YEREMIA 7:17 Iomraidhean Croise

YEREMIA 1:16

Aníng múk Israeli un sakwasleemuút as tlakweemaaín kudá' sleémeero naa tleehhiyé' aníng iwa geexayé' nee munguaá hatlá' ngiri mooyángw i da/a/ané', nee slaqsi'i kudá' naa dabaaín ar tlehhiitiyé' ngina haratlintati'iyé'.

YEREMIA 32:29

Múk Kaldayo kwí gixsarí ga i slaáqw, nin hardah, gixsa kari ásltí qaas, dinkwa nee maraydá' gawaá daáriro tawa mooyángw da/aa/an dír munguúdá' ta bay Ba'ali, nee ilahhooár difaái kawa tsiririximisi dír munguaá hatlá', as aníng tiwa mune duuxi.

YEREMIA 32:32

Asma múk Israeli nee oo Yuda tlakweemaá yaariir ngina tleehhiyé', nee aníng iri buhhtisiyé', inooín nee waawitaáine, nee geeraharuuser'ine, nee aaruuser'ine, nee kaahamuuser'ine, nee múk Yuda nee yaamuloouusér Yerusalemuro.

YEREMIA 44:17

Ala atén umuú gaaro ar ta lo'ór wa /ayaán aqo an tleehhaán, mooyángw tsuú' kuwa da/aa/amaan dír waawuto'ór doori, nee ilahhooár tsiririxiisa an dirós i haniisaán, adoodá' ta tlehhahhitaan atén nee baabi'iirén, nee waawitaárén, nee geeraharuuseerén, baraá gixsadá' Yudawo nee baraá lohdaá Yerusalemuwo. Asma qoomár adoorí kawa tlehhahhitaan muruú /aymár yaariír una slawaán, diihhooár yaariir ana slawaán, nee gár tlaakw ar taa araán i káhh.

YEREMIA 44:4

Tam adoorihe aníng sagadiyuuser'eé' ar aaruuse ya/abtooro aga mawiiká, niwa kah, ‹Muruuwí ta waki mu tlehhiitara, kwí aníng ni ahhiit!›

YEREMIA 44:6

Gawaá adoorihe aníng ana xaraásl nee niri daa/atúw buhhtaawo gawaá gixsadaá Yuda nee baraá lohdaá Yerusalemu, niri xaanxay tleehhitiyé', nee niri deewaiyé' adoodá' laarí i dirii'iya'.

YEREMIA 6:27

Yeremía, aníng kuúng ugwa qaás as tawa heé muk'eé' ga/áw nee heé muk'eé' gan'aamiís, as lohuduuín kiwa xu' nee kiwa qwats.

YEREMIA 7:16

Ala kuúng Yeremia, mukwí mu aleefirimaar, sleeme án mi i /aa/amimaar as inooín, nee mi aleefiririmaar, nee án mi harhheehhe'eemisaar as inooín, asma aníng kuúng u iiárií qaasaaká.

YEREMIA 7:18

Na/ii ta migiruú sleemiis, baabi'ii'ín ta asltá oohamiis, nee /ameena ta puuruú lufu/ún as mikaáte kawa tleehhi, as munguúduú /ameeni ta bay «Waawuto'ór gawaá doori» Slám munguaá hatlá' kina ilahhooár difaáírí tsiriximiís as aníng iwa ak buhhtisiya'.

ESEKIELI 14:23

Tlehhmi'ii'ín nee adór hotaarir'ín ngi dirók i geehhoeesiyá' adór kaangwí tlákw daanduú gixsarihe ngura tawo tleehhiiká. Anuú Aakoó MUNGÚ tí aga oó'.»