YEREMIA 7:15 - Biblía Axweesantá Hhohho' ar Mungú 2004

¹⁵ Aníng kuungá' nun amór saáw i puruúts guusaro adoodá' naa tleéhh dír hhaeehúng sleémeero awa xwaylár Efraimu.› »

YEREMIA 7:15 Iomraidhean Croise

2 WAAWITÁ 17:23

Alhhe'eesaywo AAKOÓ MUNGÚ inooín giri qwaareés dír geeraawose ar adoodá' ngira naanaáq ar loohír sagadiyuuserós ar aaruuse. Gawaá adoorihe, múk Israeli kuri ar tláy ay baraá yaamaá Ashuru, ay nee laarí ta hotaatín amoodá' wa aleeró.

2 WAAWITÁ 24:20

Múk Yerusalemu nee oo Yudawo AAKOÓ MUNGÚ nguna ló'wa buhhtisiyé' giri hingeés dír geeraawose. Sedekia iri dee/anuút dír waawutmoó Babuloniro.

2 QOM'I 15:9

Asa muu sleémeero oo Yuda nee oo Benyaminiwo guna ateét, nee múk hatlá' kuduú baraá yaamuuwós hoót, múk Efraimu nee Manase nee Simeon. Kuká' tina paraatliyé' dír múk Israeliro, niri hotaá ayé' baraá yaamuuwós qoomár kawa ár AAKOÓ MUNGÚ, Munguúwós, tawa dinkwa nee inós.

WARA'AMI 51:11

Mi kwaahhaar dír geeraawoge, qeeruuwók oo Hhoohhoó' mu hingeesaar dir'eene.

ISAYA 7:16

Asma dír na/aywí muruú tlákw si'imaawo ngura aleeslayká nee oo hhó' tsawaararo ngura aleeslayká, yaamaá waawitáwí tsár ta daiimit in xaanxay tleehhitiyá'.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 23:33

AAKOÓ MUNGÚ aníng ina báy, «Hee tam gaalá laqaá aarusmo laqaá kaahamusmoó Mungú bir yaahamiis huwaadá' AAKOÓ MUNGÚ nuy tsa/amiís gawaarén i amoomá? Kuúng daqaní ki beer, ‹Kuungaá kilá' an huwa dír AAKOÓ MUNGUHE, nee inós nun amór saáw i kwaahh.›

YEREMIA 23:39

‹Aníng kuungá' nu amór saáw i kwaáhh dinkwa nee gixsadá' naa dír baabi'iihúng i haniís nee kuungae.

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

YEREMIA 52:3

AAKOÓ MUNGÚ múk Yerusalemu nee oo Yudawo guna ló'wa i buúhh giri amór saáw i guús. Sedekia kuwa sawaawuti'in nee waawutmoó Babuloni gana sií'.

YEREMIA 9:19

Afór /aa/e ar amór Siyonír daahh aga axaasaán ar kah, Atén taa hhaamiís, atén taa ló'wa mureekeés. Asma atén yaamuurén iga geexawaán, asma inooín marayrén kaa yaamií daáhh.»

ESEKIELI 23:31

Kiíng loohír hho'oorók ana eehát, gawaá adoorihe aníng xooslmooduú sakwasleema oo hho'oorók ngun kiíngí haniís as kuwa wat.›

ESEKIELI 33:25

«Gawaá adoorihe kibeeto, Anuú Aakoó MUNGÚ a kah, Kuungá' fu'unaay in tseerér al/agá', nee slaqsi'iidaá mungui in sluufmisá', nee tseerdu in tawo ku'umisá', xáy, ka xua' yaamuuká' kingiqo kuungá' i tsuwa haniísi?

HOSEA 1:4

AAKOÓ MUNGÚ iri oó', «Umuuwós ku beer Yesre'eli, asma deelór aa met ka ureeká, doó Yehu u hhitiím, asma tseerér aa ku'uús baraá Yesre'eli nee waawuti'iimár doó Israeli an suqúw.

HOSEA 12:1

Umuú gaaro ar múk Efraimu i tlehhiiti a tawo. Lameemo nee muruú tlakwe ngin alkoná' tlehhtuuwo. Inooín alqado ngin tlehhiitiyá' nee múk Ashuru, nee di/i kan huwahuuw ay Misri.

HOSEA 13:16

Múk Samaria doohhór tlakweemaaín ga sláy, asma Munguín ngwaa aahhiyé'. Inooín ki daasl ar paangadu, na/ii'ín awa qaweero kin naasaasúy, nee /ameenar'ín ar tsiihaawe kari gur'e posl'omiis.

HOSEA 7:13

A tsaxwaaín! Asma naa aníng wa gowiyé', alók in hhaná'! Asma aníng iga si'iyé'. Aníng inooín in mak ba/amisár wa slaá', ala inooín aníng i lámtí tlaaqiyá'.

HOSEA 9:13

Aáng Israeli nguwa ár a adór slaanslír taa dahaás dír hhapér hho'. Ala hamí Israeli na/iiwós gi haniis dír kiwa tsu/i.

HOSEA 9:3

Múk Israeli i baraá yaamaá AAKOÓ MUNGÚ i meetiiká. Ala tan kii/ baraá yaamaá Misri. Inooín nee múk Ashuru muruú /aymár ta waki kuri al/aay.

HOSEA 9:9

Kuungá' aga faakamisé' tlakweema tlehhtuuwo, adoodá' aáng aa tleehharut baraá Gibearo. Mungú dakuúsar'ín gan inslasláy nee giri muux as tlakweemaaín.

YONA 2:4

Aníng nay baraá guruueé' oó', ‹Taa kwaáhh tiri saweés dír ilaawoge, ala hám án a malé qaytsiít amór Do'ók kudá' hhoohhoó' i alé.›

FAARO 1:32

Múk tlahhoó Efraimu garmoó Yosefu ar adór xwaylar'ine tira haraahariyé', nee adór maray'ine i dirii'iya', nee adór gur'ér maray'ín i diria, nee adór umer'ín i diria, adoodá' kira wakeetín faarooro, umuúqo hhawaatuuwo oo kureeriiwós mibeeri tsár gaa aye' nee ngaa ba/iye', múk slaqwara eemuuwo ido,