YEREMIA 7:14 - Biblía Axweesantá Hhohho' ar Mungú 2004

¹⁴ Gawaá adoorihe kangwdá' naa /imiís dír Shilo un /imiís dír Do'owí taa umuuér ateét, Do'owí kuungá' ta harahhifa', diirí naa kuungá' i haniís nee xwaylitérhúng.

YEREMIA 7:14 Iomraidhean Croise

2 WAAWITÁ 25:9

Doó AAKOÓ MUNGÚ guna daá/, nee doó waawutmoowo, nee mari sleémeerowo awa Yerusalemu, umuúqo doó ure guna ásltí qaás.

2 QOM'I 7:21

«Hamí Do'owí ku ló'wa xiríf, ala daqaní umuú heewo oo diirír waarahha in da'ayuut iri ooi, ‹Ahaá waáy, AAKOÓ MUNGÚ gár adoorí ngisa yaamuuká i tleéhh nee Do'owihe?›

WARA'AMI 78:60

Hotaarirós ar baraá Shilo gari máy, tooaáng xaftós iwa baraá tla/ángw muu.

ISAYA 64:11

Doorén kudá' hhoohhoó' nee oo taa parootuús, didá' baabi'iirén kuúng uwa xirfayemisiyé' kaa daá/ ar asla. Wa/ameerén tidá' sleémeero sla'atimiis kaa taangu tleéhh.

YEREMIA 12:7

AAKOÓ MUNGÚ i kaahi, «Aníng múk dooeé' ugwa sií', aníng mukduú aalir'eé' ugwa geexáw. Mukduú sla'aaruser'eé' ar muuná ugwa haniís baraá dabaá wakuuser'ín.

YEREMIA 23:39

‹Aníng kuungá' nu amór saáw i kwaáhh dinkwa nee gixsadá' naa dír baabi'iihúng i haniís nee kuungae.

YEREMIA 26:18

«Qoomár Hesekia tawa waawutmoó Yuda, Mika, heé Moreshetír daáhh, múk Yuda sleémeero guna báy, AAKOÓ MUNGÚ Aleesleemusmo i kaahi, ‹Gixsár Siyoni ka adór qaymór wá doosl. Gixsár Yerusalemu ka taangu tleehh. Tloomár Doó Mungú i darma tleehhít.›

YEREMIA 26:4

«Inooín ki beer, AAKOÓ MUNGÚ i kaahi, ‹Barnaxes aníng iga iiárií qasi'iiká, nee daber'eé' tidá' naa qaás aga eehadi'iiká,

YEREMIA 7:10

Naagáy kuungá' niri baraá dooeé' hardatá', niri geeraaeéní sihhtá' baraá do'owí taa umuuér ateét, tawa kata', ‹Atén naa tu/uutaán.› Ala laatí kuungá' a kumitá' muruudá' án ni waak.

YEREMIA 7:12

Axáy hamí tlawsé' ay dir'eé' tidár baraá Shilo, didá' aáng geeraawo umuueé' ngway qaás, adoodá' didá' ngira hhitiím araak, asma tlakweemaá muk'eé' oo Israeli.

YEREMIA 7:4

Axweesanaywí oo al/ayma mu harahhifaara', tawa kata', ‹Do'owí oo AAKOÓ MUNGÚ, Doó AAKOÓ MUNGÚ, Doó AAKOÓ MUNGÚ.›

WA/AA/I 2:7

Aako kitaangós kuduú ilahhooa gwaa niqín, dirós tidá' hhoohhoo' gaa sií', Do'ós kuduú waawuti'iima gwaa qaás gawaá dabaá wakuuse, niri tsimahhuusiyé' baraá Doó Mungú wa alé adór múk baraá deelór úr i dirií'.

WA/AA/I 4:1

Xáy, adór sahaáburén ira boo/áy, adór sahaábu hhohhó' ira warqáy! Tlaa/aá hhohho' tsee/a ngaa tsataatiyé' baraá umuúqo loohiro.

ESEKIELI 23:31

Kiíng loohír hho'oorók ana eehát, gawaá adoorihe aníng xooslmooduú sakwasleema oo hho'oorók ngun kiíngí haniís as kuwa wat.›

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 28:52

Mukwí kuúng un harweer baraá gixsaduuwók sleémeerowo, ay dír koo/irók tidá' gawden, tidá' taa haraxu' i yaamií huuhu'uun umuú diiro baraá yaamuuwók, kudá' AAKOÓ MUNGÚ, Munguúwók naa haniisi.