YEREMIA 6:7 - Biblía Axweesantá Hhohho' ar Mungú 2004

⁷ Adoodá' hhalaangw ma'aá hhohho' ngir baraawósií meetamamisi, án adoodá' gixsár Yerusalemu tlakweema ngir amohhe'eemis baraawose. Xaraasleema nee hhitiru'uma ki baraawós wa axamiis. Tiqtirós nee mulkaywós umuú deeloro un ga/áw.

YEREMIA 6:7 Iomraidhean Croise

AXWEESANOÓ SAGALOOA 4:23

Muunaáwók harmagaahheek ta mura' sleémeero oo ta xuunda, asma an dír kutltá slafiingw i dahh.

ISAYA 1:6

Iimír tsa/oó yaaér wa oohang ay gawaá saga, slafiingw i kaahh baraadae, ala aqo har inkahhi'iidá' tseeru'umiitá', kudá' taa tseegiiká, laqaá kaa malhhasiiká, laqaá kaa dí/tár slikiiká.

ISAYA 57:20

Ala múk tlákw a adór tlawtá aa /eeraa gwa', tidá' gwaanduuwós tsauwaaká, ala in baa/ír duxuún nee xwaanslayhe.»

ISAYA 59:6

Neeworhúng tlabár tleehharo i hariindaaká, tlabaadá' ta tlehhita', muu gi tsiitiiká. Gadiyérhúng a gadiyér tlakw. Gadiyér dabaahúng a gadiyér xaraasl.

YEREMIA 20:8

Umuú daqto bar axweés an wa/aá/ niwa kah, «Gaa a /ayta nee hhitiru'uuma.» Asma axweesantá AAKOÓ MUNGÚ bar alki/iít, aqo tin tli/imis nee tin niqín tlaatla/aangw sleémeerowo.

YEREMIA 30:12

Anuú AAKOÓ MUNGÚ a kah, «Inkaahhi'iihúng ki baloó huungu/usiiká, gweehhinghúng i baloó huungu/iiká.

YEREMIA 30:13

Heé kuungá' nu aleekalaá/ i kaahh, inkahhi'iihúng maasoó gi huungu/uús i kaahh. Harahhifór kuungá' tunduwa hungu/uusi i káh.

YEREMIA 30:15

Ahaá baré a /aa/amiindá' as inkahhi'iihúng, inkahhi'iihúng i baloó huungu/iiaaká. Aníng kuungá' nuna adoorí /iís, asma dakuúsarhúng ka ló'wa ur. Tlakweemaahúng ki ló'wa yaariir.

YEREMIA 32:31

Múk baraá gixsarí ina buhhtamaamís iimír kawa tleéhh ay laarí. Gawaá adoorihe gixsarí an hhaamiís dír geeraaeene.

YEREMIA 8:22

Ahaá, baraá yaamaá Gileadiwo xa'anoó maasáy i káhhi? Ahaá, qwaslaarmo i káhhi Gileadiwo? Ahaá baré muk'eé' kuú narkute kwa hungu/uusiiká.

ESEKIELI 21:29

Qoomár kuungá' tawa xaslite' baraá iigu'utuuhúng kuduú al/ayma nee aaru'uumarhúng tidár lama, paánga kaa amohhe'eés isaá múk aa dee/anuumiit tlaquuwo. Baala naa xeér ar tlakweemahúng kiwa sakwasleemuuti.

ESEKIELI 24:7

Baraá gixsarihe taa tsu/uút, tseere kaa baraá hhapér i ku'uusiiká as kawa tipi, ala tseere kana ku'uús gawaá daanduú tlaa/a.

ESEKIELI 45:9

«Anuú Aakoó MUNGÚ a kah, Kuungaá geeraharuusér Israeli, kuungá' tlakweemaá yaariir iga ló'wa tlehhé'! Muruú tlákw mawaak nee /ayta ma tlehhitara'! Muruú ganaá' nee oo hariím tlehhitaak. Muk'eé' mu gusisimaara' baraá yaamuuine. Anuú Aakoó MUNGÚ tí aga oó'.

ESEKIELI 7:11

Gurtleemu wasle aa kumiít ar adór ló'wa tlaakw, hee tumu wák oo dirhunge meét i kaahh, laqaá tam muruudá' yaariír taa burumburariindé', laqaá daqaari'iimarhúng, heé ilaiwa/amér koóm oo dirhúng i meét i kaahh.

ESEKIELI 7:23

«Minyororo tleehheek, asma yaamu tsu/utaro naa hatsiyé', nee baraá gixsaro /ayta aa tláhh.

SEFANIA 3:1

Gixsár Yerusalemu, a tsaxwaawók. Asma a gixsár aa dee/aanut, mukós aa hhitirumiít tlakweemawo nee geeraharuuseerós muu gun /aytiín.